自由講場今日: 1357|主題: 1350048

收藏本版

發帖

返回列表

跳至頁

查看: 12326 | 回覆: 132

請容許我分享喜悅

[複製鏈接]

12 3 4 5...7

十一哥

公爵府

積分: 29669

父親節2025勳章 2025勳章蛇年勳章虎到金來勳章

1^#

發表於 20-11-4 09:50 |只看該作者 |正序瀏覽 |打印

本帖最後由十一哥於 20-11-4 18:42 編輯

4張幾嘢, 突然想去考車牌, 咁就膽粗粗去試吓. 都唔後生啦, 所以我比一般人更加用力去學車. 而我嘅方法都幾誇張，先搵個口碑好嘅師傅外, 我放假會經常去試場睇人點考泊位調頭，留心聽下其他師傅点樣教學生，又去路線(由奇禁區, 即係唔俾學神入而考試先行得嘅路)睇考生点處理突發事情，狂煲所有關於考車牌嘅YouTube.... 好喇, 第一次(6月29日)考喇, 點知2 parts衰哂, 因為自己大意, 泊位時輕微HI到個雪糕桶, 到出馬路時在班馬線我已停車等候, 點知我眼尾見到個行人已過哂準備開車時, 考官突然踩停, 佢話個人仲未2隻腳踏哂上路肩喎, 就係咁一個大剔, 返到屋企真係傷心左幾日. 嬲自己點解唔等多2秒才開車. 休息左3星期後我決定再申請快期考多一次, 點知抽到個期要2星期考(8月4日), 但幸運地抽返同一個試場. 所以我都好努力去操練, 點知新聞話因為疫情, 運輸處由7月29無限期停止考試....頂, 仲上唔上堂好呢?未有考期如果KEEP住上堂, 又係不停課金, 真係好好好金. 同老公傾過後. 佢話緊係KEEP住啦, 令自己唔好咁生疏, 學到嘅都係自己終生受用, 咁好啦咪10日上一次啦, 等了6個星期(9月10日)收到運輸處通知新考期在個半月後, 有個期個心踏實左好多, 所以就密集式嘅去上堂, 放假又去試場睇人考泊位調頭...終於到考試日(10月24日),仲要在三號風球去到試場, 師傅話今日有4個考官, 而其中一個竟然係我第一次考時嘅考官, 我心諗如果今次佢又上返我車就好了, 因為上次考完師傅同我講其實個考官好好人架...好啦, 到我上車等個考官喇,真係好緊張, 點知大約5分鐘左右有人開我車門, 真係佢呀, 我勁開心但唔可以表露出來, 我又提自己唔好心急, 要冷靜去揸好手車, 俾個官知我好有安全感, 先考視力, 之後到泊車和三手調頭, 好好彩順利PASS, 好喇到出馬路, 我心諗如果行返我上次考嘅路線就好了, 點知考官真係指示我行返上次條路線, 我心中暗笑但係唔咁鬆懈, 由其個班馬線, 今次個班馬線又係咁多人過馬路, 我醒喇, 今次拉手制等D人真係過哂我先開車, 之後我都好小心做足師傅教過嘅嘢, 順利返到試場, 入房等成績真係心臟爆炸, 到叫我名喇, 一睇張成績單, Pass左, 上次全肥, 今次全Pass，真係超級開心, 覺得自己咁努力終於得到回報喇. 我老公有陪我去考試, 當佢知道我合格, 佢嘅笑容話我知佢好好好開心, 因為佢清楚知我嘅付出係有幾辛苦..最後, 我好想講, 上天真係會俾機會有準備嘅人架, 另外之前見JM話四面神應驗, 所以我都有去求四面神保佑架. 仲有件開心事係, 老公之後即去買返同師傅同款嘅車俾我, 仲買埋同老公架車牌號碼一樣嘅車牌俾我架車, 賀我成功攞牌, 2020年雖然無咩特別就快過, 但就係我最有成就感嘅一年, 祝大家都事事順利. 多謝大家.