MANNI1220 發表於 20-11-25 03:33 
充斥著負能的鋪，多謝你的正能量，讓我再次肯定自己重新出發去調整和改善彼此關係係正確的方向和做法！
希 ...
充斥著負能的鋪＞＞＞ 都唔算嘅，大家或者都有D過來人經驗分享吓，正如你所講，當局者迷，有人好享受做被害者，不斷去確定自己係無辜/無錯果個，但現實D去睇，再沉浸喺無辜/被害之中係永遠解決唔到問題，我唔鍾意果種Stuck in the middle嘅狀態，我要搵出路搵解決方法，那怕最後對現狀冇幫助，自己都叫做盡過力，可以心息，又或者可以放下。
當事人未必唔知或唔想走出嚟，但要改變談何容易，人有惰性，雖然覺得而家狀況好慘，但如果安於而家個「慘」，起碼自己可以知會點，如果決定行出一步去改變，結果可以係比現狀好，亦可以係比現狀差，要有勇氣承擔呢個未知係好係差嘅決定不容易呢！你已經認知及肯定改變嘅必要，已經係成功咗一半，對自己對家庭有交待。
我相信好人有好報，樂觀嘅人睇半杯水係半滿，悲觀嘅人睇會話半空，兩者都冇錯，杯水亦都係一樣，正負係個人選擇。我會prepare for the worst, expect for the best，知道最好同最壞會點，有心理準備，到時就唔會接受唔到，當然接受都係一個過程，冇人可以叻到（冷血到）面對果一刻就可以完全冇感覺。
希望樓主朋友可以慢慢自己諗通，明白好多事都唔係個人努力可以控制，一定要愛自己，凡事勉強冇幸福，只放手之前努力過就足夠。
花旗太太生活在花旗國，留意時差，你問我未必即時答到。
發表於 
返回列表
