吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 比你再揀，你會選做職業女性還是FTM?

自由講場今日: 151|主題: 1345589

收藏本版

發帖

返回列表

跳至頁

查看: 21022 | 回覆: 219

12 3 4 5...11

積分: 11113

1^#

發表於 20-12-7 07:52 |只看該作者 |正序瀏覽 |打印

比你再揀，你會選做職業女性還是FTM?
人生行了一半，從未做過FTM。雖然仔囡已長大，但比我再揀，我唔想做職業女性。

0 0 0

私人傳訊

sylvester123

男爵府

積分: 6113

虎到金來勳章 2021可愛聖誕B勳章

220^#

發表於 20-12-11 09:41 |只看該作者

回覆樓主:

唉！好難揀！仔女细時，做FTM最好！
仔女大時，做職業女性最好！

私人傳訊

TINACOFFEE

男爵府

積分: 5332

219^#

發表於 20-12-11 09:14 |只看該作者

有得揀一定係做WFH的媽媽，唔得揀就做FTM，值得！

時間帶走一切
唯獨不帶走我

私人傳訊

ngwong2

翡翠宮

積分: 86535

218^#

發表於 20-12-11 08:35 |只看該作者

回覆樓主:

有得揀，來世不做港人，太苦。压力太大。

私人傳訊

CoiCoi

大宅

積分: 3961

217^#

發表於 20-12-10 22:51 |只看該作者

歌莉亞發表於 20-12-10 21:57
都係㗎，好多野會變，感恩擁有，活在當下就最好，自己有兩手準備安全感點都會大D，靠老公佢大壓力時你又大 ...

仲要好睇老公性格，有時搵到錢未必捨得俾女人亂花佢既錢，就算捨得俾太太花，又怕太太扮得靚，出面亂識人去跳舞

野到肺炎，大把呢類男人，仲要靠得住
有朋友家姊係master畢業做ftm，老公有能力叫佢唔好教書咁辛苦，朋友仲感恩佢家姐嫁得好，又係大學時識，點知幾年後有日發現佢老公原來係婚前到婚後都一直有招妓習慣
每階層都有ftm既，最緊要兩公婆傾掂，自己又覺得舒服而唔後悔行呢條路

私人傳訊

已刪除用戶

已刪除用户

積分: 8692

216^#

發表於 20-12-10 22:37 |只看該作者

提示: 作者被禁止或刪除內容自動屏蔽

私人傳訊

歌莉亞

伯爵府

積分: 17659

215^#

發表於 20-12-10 22:15 |只看該作者

歌莉亞發表於 20-12-10 21:57
都係㗎，好多野會變，感恩擁有，活在當下就最好，自己有兩手準備安全感點都會大D，靠老公佢大壓力時你又大 ...

性格決定命運，無論ftm定working mum, 生活是否多姿多采，取決於個性，正如有些人好多朋友，有些人唔知點解自己會無朋友一樣，返工也好，在家也好，都可以好脫節亦可以好前衛。好難判斷返工好定揍仔好，要自己取捨，各有好處，最重要自己是否開心。如果自問好enjoy揍仔，又打理得頭家頭頭是道，又愛下廚，又無經濟壓力，老公又支持(所謂支持，係佢可以比到你出去返工的同等錢你駛，而唔係捉襟見肘，月月清倉)一定做ftm好，但如喜歡有安全感，想要職場上滿足感，唔想浪費自己的學歷領導力，又平衡到工作和家庭，咪去返工，揾到錢，自己喜歡買乜就買乜，好開心架。

私人傳訊

cherrieloy

水晶宮

積分: 64094

214^#

發表於 20-12-10 22:05 |只看該作者

issactmaria 發表於 20-12-7 07:52
比你再揀，你會選做職業女性還是FTM?
人生行了一半，從未做過FTM。雖然仔囡已長大，但比我再揀，我唔想做職 ...

睇性格，我習慣留喺屋企照顧家人，應該唔會再出返黎做野

私人傳訊

歌莉亞

伯爵府

積分: 17659

213^#

發表於 20-12-10 21:57 |只看該作者

CoiCoi 發表於 20-12-9 14:05
我就係，父母一直感情好好，我老豆本身係搵到錢好捨得分享俾屋企同家人既人，估唔到三十年後佢地會愈走愈 ...

都係㗎，好多野會變，感恩擁有，活在當下就最好，自己有兩手準備安全感點都會大D，靠老公佢大壓力時你又大壓力。時代唔同咗，ftm唔一定係師奶，可能係大學畢業，幾個學位，以前高薪厚職，只係為家庭犧牲，所以佢地既老公大多是大學時識，揾到錢的一群，所以有工人，有大屋，無需為錢煩惱，否則邊有閒情去做facial,做瑜珈，high tea呢

，當然可以緊貼潮流，仲要老公捨得比錢花費，咁既ftm生活非常理想，一定揀做ftm啦。如果老公揾得少，成日為了柴米油鹽而嘈，成日要計住度住，買隻鑊一二千元都比老公話浪費，比幾千元父母又要睇佢面色，咁既ftm係完全唔同層次。

私人傳訊

Ahbemama

男爵府

積分: 6310

212^#

發表於 20-12-10 21:41 |只看該作者

回覆樓主：

本帖最後由 Ahbemama 於 20-12-10 21:42 編輯

我鍾意返工，因為可以自己賺錢買花戴，如果我係一個全職嘅媽咪，我冇收入用錢又要我問我老公攞，宜家想買乜就買乜。老公見我又有獨立嘅經濟能力，覺得唔係話所有嘅負擔到起晒佢身上，都覺得好

同埋，我亦都考慮過，如果唔做嘢，所有精力都放喺小朋友，令到個小朋友同我都大壓力。有D人以為唔使做嘢嘅阿媽就好得閒嘅，都唔明白做全職主婦當中壓力..

私人傳訊

issactmaria

子爵府

積分: 11113

211^#

發表於 20-12-10 21:05 |只看該作者

cibewong 發表於 20-12-9 21:58
我做咗廿幾年工作，仔女都讀緊中學和大學，我諗住做多幾年想唔做，因為返工都好攰，而家又無請工人，放工 ...

我都做咗超過25年，之前家庭工作一齊忙，諗住仔大咗，可以忙少D家庭，點知工作超忙，真係好想唔做，但係又有好多顧慮。

私人傳訊

cibewong

公爵府

積分: 26905

210^#

發表於 20-12-9 21:58 |只看該作者

issactmaria 發表於 20-12-7 07:52
比你再揀，你會選做職業女性還是FTM?
人生行了一半，從未做過FTM。雖然仔囡已長大，但比我再揀，我唔想做職 ...

我做咗廿幾年工作，仔女都讀緊中學和大學，我諗住做多幾年想唔做，因為返工都好攰，而家又無請工人，放工回家又要做屋企野，好想做下FTM，雖然FTM都好忙，但起碼唔駛日日咁早起身，做FTM可以中午瞓下覺呀嘛。

私人傳訊

kokobear

翡翠宮

積分: 89950

2025勳章 2025勳章蛇年勳章 2024年龍年勳章熱血金章畀面勳章叻叻勳章有「營」勳章大廚勳章

209^#

發表於 20-12-9 20:57 |只看該作者

職業

The meeting of two personalities is like the contact of two chemical substances: if there is any reaction, both are transformed.

Carl Jung (1875 - 1961)

私人傳訊

aidan08

侯爵府

積分: 20888

208^#

發表於 20-12-9 14:29 |只看該作者

本帖最後由 aidan08 於 20-12-9 14:30 編輯

子若發表於 20-12-9 00:15
working mum. 我接受唔到亦不能做到我既世界只有家庭沒有其他。當然我都好enjoy 親子時間。
...

其實呢個都係好多人都ftm的一種幻想。

我做咗ftm十幾年，我個世界唔止有家庭，我有好多朋友，有原生家庭，有嗜好，有興趣，有運動，仲有參加義工、去學校幫手、籌備旅行。其實照顧小朋友令我學識好多以前唔識嘅嘢，最近幫大仔搵去留學的資料，令我又眼界大開。

一個人如果開朗外向，其實唔會比自己困喺一個細小的世界。當然，如果無人幫手，靠自己照顧頭家，可能又真係無咁多時間。不過，我認識好多ftm都有工人，個世界可以好多姿多采。

我都識有人做ftm有工人但覺得生活無聊，其實係個人性格，對好多嘢無興趣，不主動識朋友，只能夠在工作上找到自身價值，仲特別唔喜歡湊仔，咁呢D去返工會好D。

私人傳訊

CoiCoi

大宅

積分: 3961

207^#

發表於 20-12-9 14:05 |只看該作者

本帖最後由 CoiCoi 於 20-12-9 14:08 編輯

blackypurin 發表於 20-12-9 13:31
呢個都係另一個原因堅持返工，可能原生家庭有呢d經歷，始終男人未必靠得住，自己有獨立經濟能力好重要
...

我就係，父母一直感情好好，我老豆本身係搵到錢好捨得分享俾屋企同家人既人，估唔到三十年後佢地會愈走愈遠，就因為當年金融風暴至令家道中落，我老豆無晒鬥志，無份工做得長，完全諗唔到佢變成咁樣，我媽孭左幾年頂唔順同佢離婚，仲記得當年佢地廿週年約定下世一定會再做夫妻，十年後就簽紙分開，興幸我媽本身係職業女性，佢同我講女人點都要靠自己，佢話萬萬諗唔到際遇會將識左四十年既人都改變
所以我好明白，幸福非必然

私人傳訊

blackypurin

珍珠宮

積分: 43043

好媽媽勳章

206^#

發表於 20-12-9 13:31 |只看該作者

CoiCoi 發表於 20-12-9 01:48
我唔好彩，見親呢類人多數係yoga班，街市同超市見，我返工好難見，咪我都好驚遲早變同類

可能上得多BK覺 ...

呢個都係另一個原因堅持返工，可能原生家庭有呢d經歷，始終男人未必靠得住，自己有獨立經濟能力好重要

私人傳訊

ChaBean

子爵府

積分: 11211

205^#

發表於 20-12-9 09:30 |只看該作者

CoiCoi 發表於 20-12-9 01:48
我唔好彩，見親呢類人多數係yoga班，街市同超市見，我返工好難見，咪我都好驚遲早變同類

可能上得多BK覺 ...

我知你講邊種，我覺得學歷同原生家庭係最大原因，難聽講就係佢地返工都係咁嘅樣。ftm都有好多大學畢業，wm亦唔係人人高學歷月入幾萬

私人傳訊

Bloomberg

伯爵府

積分: 19345

204^#

發表於 20-12-9 09:18 |只看該作者

Star.Star 發表於 20-12-7 08:52
到今年今日仲話唔做嘢會脫節先係最脫節啦

咩年代

非常同意。

FTM 同WM我都做過。

仔女細時，有得揀，一定依然揀番做FTM, 可以每一陪佢成長係一件好開心嘅事。陪佢玩，教佢功課。佢地而家一個大學一個高中，佢地間中都會提以前細個係媽咪湊大而唔係工人姐湊係一件幸福嘅事。

啲仔女鍾唔鍾意媽咪陪住佢成長，好講緣份同埋好睇個呀媽係咩性格，個呀媽成隻老虎咁對住啲仔女，佢地一定唔想對住呀媽。唔係人人都適合做FTM。

我都係做咗十幾年全職媽媽先重返職場。唔覺有咩脫節。

相反，公司一啲老屎忽，佢地嘅思想、行為、甚至電腦技能重脫節。