自由講場 今日: 707 | 主題: 1342457

積分: 186

1^#

發表於 21-1-22 14:32 |只看該作者 |正序瀏覽 |打印

本帖最後由零利先生於 21-1-22 16:34 編輯

前題：
1）香港政府 hold 住巨量香港人嘅血汗錢，所以財政上冇問題。2）香港人喺防疫意識上算係幾自律下嘅一群，當然街上間中總會見到有幾個 PK，但整體上就算立例前都自動做到 98% 以上嘅人戴口罩，洗手／搓手做得好足，其他地方真係冇得比，大家有目共睹。
3）香港地少人多，人口高度集中，咁嘅情況下都唔係大爆發，全因 2）

政府一路做嘅嘢根本無的放矢，亂咁嚟。佢關口鬆懈先後引進病毒引發幾波爆發唔喺度再講。

而家嘅限聚令限食令根本無針對個問題所在，志在話自己做咗嘢，2 人 4 人 6 人玩死你班人，夜晚 6 點後食個晚餐變咗高危，餐廳死嘅死亡嘅亡，生意好嘅用膠板放喺枱中間已經當係分咗人坐，塊膠板幾耐抹一次，用乜嘢抹，人哋啲口水留咗喺度揮發留畀下一枱人咁咪更危險？或者食肆一般枱封咗，只開另一半過咗法例只開一半嘅規定（其實枱嘅密度一樣，證明條例戇居），但事實上又冇乜食飯大爆發喎。唔好講嗰啲公共交通工具，超市，Donki，新樓盤逼死人嘅場面，真係危險嘅話香港一早淪陷咗。

即係證明人多但有戴口罩其實唔係想像中咁危險。

其實經過一年嘅疫情，大家唔多唔少都體會到危險嘅地方係大家喺一個地方停留一段唔短嘅時候，例如兩個鐘，有人唔戴口罩，而且唔係坐定定喺自己位，而係周圍 social，或者大家共同接觸某啲嘢，病毒者散發嘅病毒嘅濃度足以傳染比其他在場人士。

講咗咁多，到底我有咩提議？

1）食肆或者活動場所

而家嘅措施係禁呢個禁嗰個，其實好多被禁嘅場所都好無辜，佢哋本身唔係高危，只不過上面天才官員覺得你高危，所以唔俾你開，例如：美容院唔俾你開，但係有中醫牌嘅按摩店就可以開，咩邏輯嚟？

措施：

任何食肆或活動場所如果發生群體爆疫個案，需要關閉 2 星期並且罰款，罰款金額要有阻嚇性，例如容納到 100人嘅餐廳罰你 150萬，容納到 50 人嘅餐廳發生群體爆疫嘅話罰你 70 萬，20 人嘅餐廳罰你 15萬，10 人以下餐廳罰你 8 萬。夠甘喇掛？出事後一段時間再爆嘅話罰款加倍，負責人需要負上刑責，餐廳關閉 1 個月。

因為好多人 reply 覺得罰款太重會令餐廳頂唔順或者索性唔開門，我喺度補充返：

『罰則只係個例子，我自己唔係做飲食唔知佢哋嘅承受力。呢個罰款要有阻嚇力（入肉）得來又唔會一下 KO 佢哋。

錢要罰，只係視乎罰幾多。唔可以只勒令停業2星期。』

衛生署可以提供防疫指引你可以點做，例如點清潔，保持空氣流通，勤洗手個啲廢話。但唔硬性規定你一定要做，你可以唔跟，用家鄉做法煲醋食板藍根抗逆都得，但爆咗鑊你就大鑊。

你覺得咁嘅措施下，餐廳老闆會好似而家hea 抗疫定係會認真做好每一個細節務求可以做到生意嘅同時又真正避免到傳染嘅可能性？會唔會安排兩個三唔識七嘅人坐埋對面？會唔會覺得塊膠板好正？食客食完會唔會求其搵塊萬年布抹枱？

到時起碼大家一家人可以坐埋一抬食飯，唔駛好似而家咁，爸爸媽媽一抬，小朋友另一枱。我諗穩陣嘅餐廳唔會容許你十幾個聲稱係家人嘅坐埋一齊。

要相信商人抗疫嘅智慧係好過官員，如果佢哋真係要認真抗疫嘅話。

活動場所：

跳老舞大爆發，但到而家為止好似冇聽聞過有人需要為呢單影響全港嘅第四波而負責。活動場所側側膊唔關我事，跳舞舉辦者，哦。跳舞中招嘅闊太們更加促使開始派 $5000 比佢哋。點解會咁奇怪嘅？

措施：

租借場地同活動舉辦者都要共同負責，有群體爆疫情況要接受處罰，類似以上罰則。每次活動場地同活動舉辦者都需要有一份參加人嘅名單。遇到爆疫時需要將名單交俾有關部門追蹤調查。

咁做你估以後會唔會出現租咗個地方隻眼開隻眼閉閂埋門你哋班友戴唔戴罩都唔關我事嘅情況？

2）個人

而家無啦啦搞『小區』封鎖，硬性檢疫。其實之前啲專家同笑恥佢本尊都講過香港搞全民檢測係唔實際嘅。始終你驗完 negative 又點？一直留喺屋入面直到全港人都 negative 為止？無可能架嘛，人係流動架嘛，你估個個可以好似公務員咁日日唔駛返工去行山呀？你驗完陰性只係代表驗嗰下佢好大機會係無中招嘅，分分中過幾日就唔知喺邊度感染咗返來。咁點，又再做多次全民檢測？無限輪迴？開心嘅只有外判檢測商。

咁點做？

措施：

好似換身份證咁比個時間表大家去自願檢測，係自願。18歲以上可以做。

例如第一星期 18－30歲（用出生年月日定）做檢測，第二星期 31－45 歲做檢測，第三星期 46－60 做，第四星期 61－75 歲，第五星期76歲以上做檢測。

咁點啲人解會自願去做檢測？唔係送你包口罩或者令你感覺我為香港做咗件大事咁虛無縹緲自我感覺良好。

記唔記得舊年政府無啦啦派每人一萬？莫名其妙地海外人士都有人人有份永不落空，財散人唔安樂，對疫情完全冇作用。

今次就係善用庫房嘅公帑。

一個月，如果你做完檢測後嘅一月之後再安排做一次全民檢測，俾第一階段做過檢測嘅人做。

陰性嘅話，恭喜你，有二萬蚊收（或者 3 萬？庫房大把錢，吸引力再大啲，點都好過倒水咁倒去啲唔知咩地方），陽性嘅話，比 $2000 慰問金你。

咁樣可以吸引人做檢測之餘又可以最大程度咁令佢哋喺初步檢測後一個月潔身自愛，小心抗疫，務求攞到獎金。一個月後嘅香港應該可以完全控制到病毒嘅散播。而家強制呢個嗰個，又話封呢度嗰個，只會令人害怕，逃避，加速病毒散播。

總結：香港政府應該善用資源，十幾廿萬養啲廢柴諗埋啲廢橋浪費金錢去『抗疫』，搞咗成年好似仲發緊夢咁。

舊年年頭我已經話咗香港政府應該徵租酒店接收機場入境人士入住作隔離用途，唔係比班人拖喼搭公共交通返屋企做自我隔離咁兒戲，我仲講咗話酒店應該分 3 種收費，平，中，高級比人按需要同喜好自由選擇入住。結果隔咗差唔多一年，個廢政府先開始做呢樣嘢，而且基本上同我嘅講法係一樣嘅嘢。

大陸嗰種小區絕對隔離需要容許以下嘅情況出現，你又制唔制呢？但隔離咗又如何？埋又係繼續爆。你相信呢種措施得嘅話你就傻咗喇。

0 0 0

私人傳訊

wai4919

侯爵府

積分: 21067

開心吸收勳章

261^#

發表於 21-3-13 15:54 |只看該作者

回覆樓主:

這些由一某些顏色人講，一定有一批支持者。因為跟色講話

同一番說話，由政府講，都係有人反。。道理一樣

專家又話專家唔得，政府一班人（不同範疇專家）去處理一個政策。不是一個人話事，各部門的協調，執法。講永遠天下冇敵，紙上談兵。

世界各地，抗疫方法有目共睹，香港一定不會最差。差個d，有眼睇，不過有些人不敢相信，也不敢批評。做得好那些地方，反而比人指指點點，又話極權。。。咩人這樣講，好明顯拉

私人傳訊

湘

男爵府

積分: 7265

牛年勳章

260^#

發表於 21-3-13 13:13 |只看該作者

回覆樓主：

本帖最後由湘於 21-3-13 13:19 編輯

我好認真睇完，如果餐廳中咗要罰款，好無辜㗎喎，佢點知個食客有冇帶疫？一個安心出行都畀人鬧到爆，唔通要所有人去餐廳食嘢都要提交14天檢測報告？做檢測就派兩萬蚊，基本上檢測係公民責任，點解要派錢，係啲yc亂用dna抹黑，而家好多公司都要啲員工定期檢查，我嗰啲黃絲朋友仲欠啲樽仔補得慢。政府其實好想老師檢測，然後學生返學，又畀人妖化，話冇民主丶道德綁架，政府又跪低，話自願。香港點解全民努力戴口罩都仍然比澳門差？就係太多人抹黑政府，搞到好多政策朝令夕改，或者唔能夠貫徹實行。而家有針畀你打，又妖化D針，賀一成嚟香港做都唔掂，香港刁民太多

私人傳訊

積分: 186

259^#

發表於 21-3-13 11:01 |只看該作者

回覆樓主:

初頭封區，係威係勢，搭正夜晚7pm 有條差佬攞住封鎖帶跑住咁去封，封完一區又一區，染緊髮嘅唔俾走，提緊款嘅要留低，屋企返唔到，小朋友唔知要去邊。

有啲大廈被先後封完幾次，後來不斷驗唔到確診，玩朝早突擊封樓，午餐肉都慳返，但都搵唔到確診。

農曆新年假期病毒休息停止封樓，過咗年又開始過，每日香港得十單八單封樓，個大廈得一單封樓，都係搵唔到確診。

期間一直用罰人5000 洩憤。

好喇，而家半山+其他港島豪宅爆疫，封樓好似無咗影。

咁政府究竟覺得封樓呢個措施係有效定冇需要，只係發官威，糟質下你哋班賤民？

私人傳訊

積分: 186

258^#

發表於 21-3-12 08:01 |只看該作者

回覆樓主:

健身室爆疫，今次強檢19棟大廈但又唔會玩佢嘅封樓封區，啊，因為係豪宅同半山。其實係承認封樓無用定係咩呀？但前幾日先封過一次尖沙咀。

真係好隨意。

私人傳訊

積分: 186

257^#

發表於 21-3-11 17:31 |只看該作者

回覆樓主:

健身室又大爆群組。明顯係有關場地或服務提供者嘅防疫疏忽。又要我哋普通市民或者其他行業經營者埋單。

按我第一個post嘅建議，群爆嘅公司需要為止負責嘅話，我諗佢哋會喺防疫上投放更多嘅心思同資源。

健身室，如果我係老闆，知道如果發生群爆要罰 30萬（只係舉例，視乎經營規模，確診人數等等而定）嘅話，停業2星期，我會認真防疫：

1）起碼我唔係只會hea 防疫，擺支溫度計喺門口，安心出行，內裡人數跟限定就當防咗疫

2）會員全程戴口罩

3）健身設施每人每次用完後會安排清潔

4）安排點分配啲設施俾每位會員用

5）室內空氣確保流通

6）更衣室好高危，諗辦法

7）限會員密度

私人傳訊

積分: 64993

母親節2025勳章 2025勳章蛇年勳章

256^#

發表於 21-3-9 12:11 |只看該作者

零利先生發表於 21-3-9 12:03
封樓檢測0確診同數字大降有關係？病毒感覺到封樓嘅威力所以好驚，減弱咗？

其實你知唔知自己講嘅咩邏輯 ...

自己下降？咁等到實現了群體免疫，自然就會下降喇，講緊係56%人群受感染的群體免疫

私人傳訊

積分: 64993

母親節2025勳章 2025勳章蛇年勳章

255^#

發表於 21-3-9 12:08 |只看該作者

零利先生發表於 21-3-9 12:03
封樓檢測0確診同數字大降有關係？病毒感覺到封樓嘅威力所以好驚，減弱咗？

其實你知唔知自己講嘅咩邏輯 ...

明白了，你嘅邏輯就係：疫情爆發都係政府嘅錯，疫情緩和都係病毒自殺的功勞

私人傳訊

積分: 64993

母親節2025勳章 2025勳章蛇年勳章

254^#

發表於 21-3-9 12:06 |只看該作者

零利先生發表於 21-3-9 12:03
封樓檢測0確診同數字大降有關係？病毒感覺到封樓嘅威力所以好驚，減弱咗？

其實你知唔知自己講嘅咩邏輯 ...

講邏輯？好笑！你呢D咩罰錢嘅鬼邏輯，放到現實就係狗屁不通

私人傳訊

積分: 186

253^#

發表於 21-3-9 12:03 |只看該作者

czl115 發表於 21-3-9 11:55
事實係封樓後確診數字大為下降，之前限聚限夜市幾耐都係高位
深圳都係發現一單就封哂成個小區，咁樣先可以 ...

封樓檢測0確診同數字大降有關係？病毒感覺到封樓嘅威力所以好驚，減弱咗？

其實你知唔知自己講嘅咩邏輯？

你忘記咗去年曾經試過超過一個月0確診？靠封樓？嗰時好似連強迫戴口罩都未有，雖然大家都自律戴。

疫情去到一個 S 形就有所下降係好自然嘅事，只要大家繼續戴口罩，唔好做啲愚蠢嘅嘢就可以控制得到。

啲所謂2人4人限聚根本完全係得啖笑，為咗施展控制慾嘅措施。除非你冇出街食嘢，如果唔係你唔會知道係點間隔。

難得你覺得疫情緩和係政府嘅功勞。

私人傳訊

積分: 64993

母親節2025勳章 2025勳章蛇年勳章

252^#

發表於 21-3-9 12:02 |只看該作者

零利先生發表於 21-3-9 11:50
幾億換取 0 確診係值得架，無咗強檢無咗封樓，我哋個心會囉囉攣架嘛，而家我信心返返來喇！

強烈支持再搞 ...

鼠目寸光，你眼裏只有檢測呢幾億，因為疫情不能恢復正常生活方式的香港，幾多店舖執笠，幾多人失業，幾多學生不能返學，幾多人失去生命，香港每個月經濟損失有幾大，可以用呢幾億來衡量嗎？

私人傳訊

積分: 64993

母親節2025勳章 2025勳章蛇年勳章

251^#

發表於 21-3-9 11:58 |只看該作者

零利先生發表於 21-3-9 11:50
幾億換取 0 確診係值得架，無咗強檢無咗封樓，我哋個心會囉囉攣架嘛，而家我信心返返來喇！

強烈支持再搞 ...

仲有，咁多間檢測中心，點解淨係話華大基因？計我話，間間檢測中心都係利益輸送，全部關閉就啱你心水喇

私人傳訊

積分: 64993

母親節2025勳章 2025勳章蛇年勳章

250^#

發表於 21-3-9 11:55 |只看該作者

零利先生發表於 21-3-9 11:50
幾億換取 0 確診係值得架，無咗強檢無咗封樓，我哋個心會囉囉攣架嘛，而家我信心返返來喇！

強烈支持再搞 ...

事實係封樓後確診數字大為下降，之前限聚限夜市幾耐都係高位
深圳都係發現一單就封哂成個小區，咁樣先可以跑得比病毒更快

私人傳訊

積分: 186

249^#

發表於 21-3-9 11:50 |只看該作者

czl115 發表於 21-3-9 11:45
好心你喇

幾億換取 0 確診係值得架，無咗強檢無咗封樓，我哋個心會囉囉攣架嘛，而家我信心返返來喇！

強烈支持再搞全民檢測。舊年大家支持嘅事，今年應該唔會變咗掛？

私人傳訊

小詠

珍珠宮

積分: 48381

248^#

發表於 21-3-9 11:50 |只看該作者

零利先生發表於 21-1-22 14:32
前題：
1）香港政府 hold 住巨量香港人嘅血汗錢，所以財政上冇問題。2）香港人喺防疫意識上算係幾自律下嘅 ...

香港人唔自律喎, 要檢測既C都唔肯去

我公司有D同事, 明明病了都要返工, 又唔肯去睇醫生唔肯做檢測, 也講明唔肯打疫苗

仲有好多FB 見到好大班人歡聚, 大食會, 團拜, 野餐, 露營

所有遇見，皆有因果
要是每個人都懂你，那你得有多平凡

私人傳訊

積分: 64993

母親節2025勳章 2025勳章蛇年勳章

247^#

發表於 21-3-9 11:45 |只看該作者

零利先生發表於 21-3-9 11:42
封樓封上癮，農曆新年病毒放假停咗一輪，尋晚又玩封樓，結果驗 500 個人都零確診。感覺個政府願賭唔服輸，1 ...

好心你喇

私人傳訊

積分: 186

246^#

發表於 21-3-9 11:42 |只看該作者

回覆樓主:

封樓封上癮，農曆新年病毒放假停咗一輪，尋晚又玩封樓，結果驗 500 個人都零確診。感覺個政府願賭唔服輸，10盤開細死都要繼續買大。

利益輸送之下，舊年“全民檢疫”拍烏蠅嘅華大嗰啲公司因為封樓，強檢袋袋平安幾億

私人傳訊

積分: 186

245^#

發表於 21-3-2 17:57 |只看該作者

回覆樓主：

本帖最後由零利先生於 21-3-2 18:01 編輯

"【最新】源頭不明個案68歲居科大教職員宿舍男子，其28歲同事上月底上海確診，兩人曾在港見面及開會，上海確診男子早前經深圳灣口岸「回港易」來港

https://news.now.com/urgentnews.jsp?taskId=21116&refer=Share"

大陸十幾億人只有幾單確診咁「安全」都可以中到而且傳來香港。

香港有回港易真幸福。

私人傳訊