bbc2018 發表於 21-6-16 20:46 
因為一般人覺得外國教育會比較輕鬆，老師亦比較包容，比較因材施教，學校支援亦會多些。
...
宏觀嚟講係，我呢度對於特殊教育有一定規章，如果家長要求做評估，學校要於一定時間內處理同安排，如果符合校區準則的話，學生會有支援，但始終資源有限，有時要配合天時地利人和，即使學校想支援，但冇適合老師，冇經費，冇家長配合，都會係事倍功半，一般語言方面嘅支援較多，感統係好少，社交方面嘅訓練睇下遇到嘅老師有否熱心同經驗。。。我個仔由小學到而家算係非常好彩，遇到好多好老師，家長都好多支持，當中有類似問題子女嘅更係互相交換心得，互相介紹資源，但衰嘅老師都有，不過家長要識得幫仔女爭取，幸運地我仔智力冇問題，學習上係有D困難，理解同表達能力弱，但成績咁多年以來都係屬於中上，係過去一年網課局限咗佢學習嘅動力同主導性，所幸係學校大部份老師都肯包容佢欣賞佢，希望8月開學後會更好。
至於你話輕鬆D又唔一定，要睇學校同老師要求，一般小學同初中都較輕鬆，上到高中就會多功課，個個為咗爭入大學，其實都係會谷，但就唔會由小學就已經逼到小朋友怕咗返學，我對仔女小學時係好鍾意返學，好鍾意老師，慢慢隨住長大，獨立性大咗，視野唔同咗，老師同學生關係會改變，中學好多老師會同學生分享共同興趣，有老師上堂時播BTS嘅歌，音樂老師會教樂團演奏流行曲，教歷史/social studies老師會花一個學年教憲法，學生嘅project唔一定係要好高深，但絕對係要佢地有興趣嘅，以佢地自己嘅好奇心引導學習。。。呢D慢慢幫學生成長，培養終生學習嘅興趣。
花旗太太生活在花旗國，留意時差，你問我未必即時答到。
發表於 
返回列表
