近年減產的鄭伊健主力靠走埠登台及開巡唱吸金，獲外界封為「隱世樓王」的他，除了市值約6,500萬港元、現居的淺水灣雅景閣1,600呎獨立屋外，還手持海外及黃埔花園、西貢村屋、匡湖居獨立屋等物業，保守估計身家約1.6億港元。早前，伊健仲打本百萬畀老婆蒙嘉慧（Yoyo）在福岡開設房地產公司，助港人於當地買樓及升學。踏入「收成期」的伊健深居簡出，平日留家打機居多，日前被《頭條日報》記者撞到單拖去屋企附近的茶記食Lunch，一身全黑「浩南Look」的他雖年屆五十有三，但手瓜、心口依然脹卜卜，好鬼精壯！
[color=rgba(0, 0, 0, 0.75)][color=rgba(0, 0, 0, 0.9)]
伊健一邊食燒鵝飯一邊篤手機，其間仲數晒手指，唔知計緊咩呢？
53歲的伊健有胸肌，手臂起晒腱又冇肚腩，Keep得好好。
去年底為撐新導演沈錫然，鄭伊健夥拍任賢齊及潘燦良等演出新片《大Project》，今年年頭又為金融集團拍廣告兼出新歌《STRONGER》。辛苦做完兩單Job後，伊健又回復「宅男」生活，長期留家跟太太蒙嘉慧打機過日辰，不過近日佢就為經理人林珊珊的網上頻道《大家好 ALL IS WELL》拍片，體驗做一日農夫，不時跟朋友落田耕種的他說：「為了身體健康，間中去郊外郁動吓拎吓鋤頭，總好過成日坐喺度。」難怪日前下午3時許，記者見到伊健由寓所步行至淺水灣沙灘附近的茶餐廳食Late lunch！估計Yoyo忙於打理地產生意，所以得佢一支公孤獨食，甫坐低，他即點了一份75蚊的燒鵝飯，明顯係熟客；其間他以手機撈飯，一邊食一邊低頭撳電話，睇睇吓又突然數晒手指又點晒頭，好似「幾千萬上落」咁計數計到翻晒眼，幾乎篤到飯都唔記得扒入口！
離開餐廳後，伊健行行吓企喺街上傳短訊。
伊健食飽就從餐廳步行返歸，側身嘅佢幾精壯！
身材Fit爆
大約食了半小時就畀錢走人，以「浩南Look」黑色V領短Tee襯黑褲、黑鞋、黑口罩的伊健，戴番副無框眼鏡，輕盈地從茶記門口彈落樓梯，並往鎮海樓公園方向前行打道回府，沿途睇到一望無際的大海景色，他仲好有閒情逸致地三度停低欣賞，見到街坊放狗都忍唔住露出笑眼，生活猶如半退休一樣，好寫意。雖然疫情下冇得Book場打羽毛球，但睇嚟伊健喺屋企都花好多時間健身，同埋真係經常落田耕種，睇佢手瓜起腱、 心口脹卜卜兼Pat Pat勁堅挺，身形拍得住小鮮肉，認真Fit到漏！
途經鎮海樓公園，伊健見到夕陽下的海景即駐足欣賞，仲望到入晒神。
回程時，見到小朋友同狗仔玩，伊健都露出一副「慈父微笑」。
伊健出名是「超級機迷」，早前Yoyo就於社交網貼出他在家打機的照片。
伊健去年底為撐新導演沈錫然，夥拍任賢齊及潘燦良等演出新片《大Project》。
伊健於今年初為金融集團拍廣告兼出新歌《STRONGER》後便閉關慢活。
伊健早前為經理人林珊珊的網上頻道《大家好 ALL IS WELL》，聯同後者女兒（右起）野人和西瓜一起體驗農夫生活。
伊健和太太Yoyo私下都熱愛運動，之前更約舒淇行山。
近年甚少於幕前亮相的Yoyo，除忙於打理房地產生意外，還活躍於網上做KOL。ho_yan2406 發表於 21-4-27 12:42
超同意，老公成日話佢唔係唱歌，佢d歌好易唱，但問題係，俾第2個唱歌叻既歌星唱佢d歌，係冇個種feel, 係佢 ...
厚多士 發表於 21-4-27 19:37
係啦！先天外形好已經係好命，有幾多人有呢個顏值，十幾年前見到佢真人，真係好靚仔好型sharp，佢行過我身 ...
佢出道嗰陣我都好鍾意佢㗎，直到奪麵雙琪事件。幾年前有一次同佢同機，拎行李嗰陣見到佢，覺得佢唔算好靚仔，當然都型嘅。可能年紀大咗。
發表於 
返回列表
