平平常常 發表於 21-5-15 08:16 
買熱搜衹是一個切入點，後面的才是戲肉。策劃者有用到心戰技術，蓄意煽動他人情緒，煽風點火鼓搗起情緒然 ...
見唔到有人道歉，好多人太有愛太包容，覺得媽媽喪子太傷心，接受不到現實，搞出一場鬧劇，但佢衰在有用心，就如你之前有講，有種人就係"我唔好，其他人都唔係可以好""有咩理由你仔女可以生活得咁好，而我個仔死咗"，心理扭曲。
我現實中真係聽過人咁樣講嘢，話說某年我女中國舞班準備下一個星期表演，老師分派跳舞嘅服裝，叫學生帶去表演場地，咁老師就唔駛一個人拎幾百套衫，點知老師計錯數，有一個女仔分唔到某隻舞嘅服裝，老師已經話會即刻去買一套，下星期去到表演場地再俾學生，但家長接放學時知道咗，喺大庭廣眾責罵老師，話如果佢個女冇，其他人都唔可以有，只係好少事，佢就不斷嘈，又話自己俾咗學費服裝費，但唔係當日表演，老師又冇話叫佢個女冇衫著走上台跳舞，唔知個家長發咩顛，當場老師已經道歉，話自己計漏咗，表演時一定有，個家長都唔收口，成幾十個家長同學生睇住佢同佢個女，最後有家長出聲幫老師，佢連幫口個家長都鬧，不久之前，呢個鬧人家長同我講覺得個女係獨女，唔識同人分享，性格好自私，所以送佢嚟學跳舞。。。果一刻我明晒，點解個小朋友性格會咁自私，家長翻版囉，有樣學樣，個家長每次分表演服裝都要揀過，揀最好最靚果件俾自己個女，如果分到唔係太啱身，佢會靜雞雞去老師裝衫個盒去揀，我地其他家長係除非件衫爛或者有問題至會換，好多時唔啱身會返屋企自己加工改到啱。BTW，我講呢個家長係香港人，唔係大陸人，年輕媽媽，每次到都打扮得靚靚，拎住名牌袋，仲表現得好斯文有禮貌，但自從大家見過佢發顛後，冇家長再睬佢。
花旗太太生活在花旗國，留意時差，你問我未必即時答到。
發表於 
返回列表
