懷孕前後今日: 0|主題: 330659

收藏本版

發帖

返回列表

跳至頁

查看: 21964 | 回覆: 25

沈碧琼中醫 [複製鏈接]

Kittychui1000

別墅

積分: 969

1^#

發表於 21-5-29 17:58 |只看該作者 |正序瀏覽 |打印

想試下睇佢不過佢返左郷下，如果而家去睇就需要視像佢徒弟幫把脈，有冇人最近去睇過覺得點？想調理下然後懷孕

0 0 0

私人傳訊

sugarsweetbear

複式洋房

積分: 226

26^#

發表於 23-1-14 20:15 |只看該作者

本帖最後由 sugarsweetbear 於 23-1-14 20:20 編輯

無意中見到呢個帖講沈EC，我都想補充下。

因為經間期出血同想調理下，而之前睇緊果個無做，於是上年中試吓睇沈EC。我睇嘅時候已經係變咗視象，未見過佢真人坐响現場，只由佢徒弟把脈。我開始睇佢前再早啲驗過未見有，但有血絲，所以一直以為都係經間期出血。

第一次去睇，佢話調3個月，叫我做埋針炙，返去後下腹痛咗幾日，試過有2晚痛到醒咗。
第二次返去同佢講（都係視象），佢話無乜嘢嘅，都係有針灸。返去都係間時下腹痛，但無之前咁痛。
第三次去睇如是，不過佢叫我驗下有無再話返俾佢知。（睇佢2星期間並無試）
我驗完居然有線，於是我同返佢講（星期日），佢話佢要再執過啲藥，又叫我星期一掛急診睇一次。咁我問佢你剛開啲藥可唔可以改到（我星期六旁晚睇），佢話可以。

到我星期一去睇，佢開咗啲有阿膠安胎藥，又叫我做埋艾炙。埋單個職員叫我俾接近二千多，咁我問返佢個職員，剛星期六開啲藥已經食唔到，EC話會再執過我星期六啲藥，係咪扣返星期六俾咗果啲補返差價？跟住佢個男職員態度頗差咁話無得扣架喎，啲藥整好咗啦喎（心諗有無咁神速，我星期六傍晚6點幾睇，你哋收7點，星期日唔開，星期一朝早開10定11點，而家11點幾就煲好？之前幾次星期六睇同樣時間問啲藥跟住個星期一幾時拎得，又話要下傍晚先有？）。我話EC尋日同我咁講，於是佢入去問視象中嘅EC，之後叫我自己入去再同EC講。咁當然佢up咗輪廢話話唔得啦。
本來佢每次埋單都已經過千，星期六睇咗果次啲藥唔食得即係白俾。呢次開埋啲阿膠之類直頭二千幾

心諗如果有用，貴都算啦。

如是者，我飲咗一星期後又再睇多次，都係星期六睇，星期一拎藥。

然後星期日凌晨突然好肚痛，去廁所睇仲her her 聲出血+跌咗啲組織出嚟（果下唔知要接返拎埋去醫院，所以沖走咗），即刻去急症室要留院觀察。

入咗院後，我通知返沈EC果邊我拎唔到藥住，因為流血同跌咗啲嘢出嚟入咗醫院。佢狂用視象打電話過嚟。咁樣出血同跌嘢出嚟，加上入院檢查時醫生都唔係太睇到個胎，我已經心知無咗居多打定輸數，真係無心情再理佢。

見我無接，佢就WhatsApp 係咁叫我一定要食佢啲藥，唔可以唔食。我話我仲未知咩事，同埋知道已經跌咗嘅機會好高，而且我亦好難拎到啲中藥响醫院食。佢依然叫我不停食佢啲中藥。

住院其中一個目的亦要盡量排除係宮外孕出血，所以係要隔48小時抽血驗HCG，我唔知道keep 住食佢啲藥會唔會影響咗驗血結果，所以我無理佢，住果三日靜靜地諗吓同平伏下（加上病房個電視壞咗，只可以用手機睇新聞）。

住咗幾日院，再有組織跌出，今次我接到，拎去化驗。最後證實無咗。再過多幾星期再檢查亦好在證實自然排出晒。

最終我睇沈EC嘅5次入面，有2次嘅藥完全無食過，完全係白俾🥲

經過呢次，我知道一定唔可以再睇佢。
1. 針灸刺激子宮收縮，呢個可能係其中一個問題。
2. 佢視象，徒弟把脈，其實有好多嘢未必睇到。有時仲要註冊中醫個徒弟行開咗，得返個唔知讀完咗中醫未嘅疑似幫手幫佢入機。註冊中醫徒弟可以用廣東話翻譯返俾我聽，但另外果個幫手都係講普通話。有時我真係聽唔晒EC講嘅嘢。而佢個註冊中醫徒弟响我睇嘅最後一次已接近放產假。
即係之後得返視象EC同幫手（聽唔明都無人幫到）
3. 睇佢令我好大壓力，身心財政都係

我唔知係我唔好彩，定同佢夾唔到，總之唔會再睇佢。

之後我再睇另一位EC，佢睇過其中一條沈EC開嘅藥方，佢問點解佢會開呢啲藥？同埋開好多藥。佢有問我沈EC係邊度嘅EC？因為我有同佢講之前都係視診。佢覺得奇怪😅
同埋佢都有講，如果有咗，其實唔應該針灸。

另外有個帖都係講沈EC
https://www.baby-kingdom.com/for ... 127&fromuid=3413248

私人傳訊

TS716

大宅

積分: 2066

25^#

發表於 22-10-13 15:25 |只看該作者

回覆 joycelocat 的帖子

我有M期唔準，同失眠既問題。中醫真係要人夾人既, 我試過夾唔岩仲搞到我個生理期亂晒。
高齡又睇西醫...只係識得叫你打針，都無咩可以做到。唉, 唯有試下朋友介紹既備孕湯包，試咗2個月，感覺唔錯個人好瞓咗 (可能因為我有用佢既浸腳)，今個月仲未黎M呀，希望成功啦。