追夢富二代｜張明偉突然宣布離開《愛·回家》George激似林作令觀眾深刻印象
喺《愛·回家之開心速遞》中演補習天王嘅George「佐治」張明偉今日（25日）突然喺社交平台宣布離開劇組！唔少粉絲都表示唔捨得，更加指係因為George呢個角色先認識到張明偉，留言話接受唔到呀！
張明偉cap低多張大家喺討論區提起佢嘅留言同劇照，表示多謝大家對自己嘅支持：「我一直好想講……其實我做George不知不覺3年有多，一路都有follow大家嘅留言。無論好同壞，都畀咗好多靈感同意見我思考點樣進步，務求令呢個角色有娛樂性而且夠貼地。衷心多謝你哋每一位支持，希望大家日後留意我其他作品，有緣再見！」
張明偉曾經講到喺佢初入行嗰八年，獲安排嘅角色多數都係行行企企，直至「佐治」一角，先令佢感受到咩叫「入屋」嘅威力。其實「佐治」呢個角色本來只係劇中其中一個單元嘅「一次性」角色；隔咗幾個月之後，監製決定再寫「佐治」，更要求佢喺造型上要有林作feel，於是張明偉就參考林作嘅訪問，更削咗一執頭髮，等頭髮容易飛起。做足功課嘅佢冇白費心機，一頭「佐治」嘅亂髮造型成網民佳話，仲受到林作關注，林作仲親自落手指導對方打造其招牌亂髮。
現年31歲嘅張明偉，畢業於美國加州大學洛杉磯分校（UCLA）的傳理系；而喜歡唱歌演戲嘅佢，2012年畢業於第廿五期無綫藝員訓練班，翌年參加過《星夢傳奇》，自彈自唱《Let it be》，大騷音樂才華。其實佢本身亦係創作歌手，以及係樂隊「Charming Way」嘅主音及結他手。張明偉父親同哥哥都係法律界人士，媽媽係英文老師，家境相當富裕。張明偉選擇入娛圈由低做起，初入行時亦一度被標籤為「玩玩吓」嘅二世祖。張明偉表示知道自己幸福，但無論富二代定屋邨仔都有各自的辛酸同難處，無論標籤係正面定負面，佢都要承受、接受，工作上亦無得抵賴，無藉口做得唔夠好。
https://skypost.ulifestyle.com.hk/article/3043426/追夢富二代｜張明偉突然宣布離開《愛·回家》George激似林作令觀眾深刻印象
大力理財篇 之 子女理財！
http://www.baby-kingdom.com/forum.php?mod=viewthread&tid=3868590&extra=page%3D1
買基金真係好傷
http://www.baby-kingdom.com/forum.php?mod=viewthread&tid=3294843&extra=page%3D1
發表於 
佢好搞笑，鐘意睇佢。
返回列表
