吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 舊樓收購重建一問

自由講場今日: 2661|主題: 1349851

收藏本版

發帖

返回列表

跳至頁

查看: 17914 | 回覆: 35

舊樓收購重建一問 [複製鏈接]

HL7646

子爵府

積分: 12534

1^#

發表於 21-10-24 21:50 |只看該作者 |正序瀏覽 |打印

大家好, 想問下呢度的JM 們, 有無自己/親友有被發展商收購舊樓, 取得賠償金的經歷？
小弟最近查左市建局收舊樓的條款細則, 發現自住業主和非自住業主, 佢地所囉到的賠償金額的差別係非常之大 . 比起我地一般聽到的收購價 - 同區7年新樓的實用面積呎價會少左好多. 因為市建局係會以該單位的佔用情況黎去計賠償俾業主們。

以小弟的理解, 只有唯一一個自住物業, 而又無其他收租物業的業主, 才可以囉到同區7年的賠償金額。
其他情況, 例如業主搬左出去同仔女一齊住, 然後將舊單位出租, 又或者做雙租族的業主係囉唔足7年樓齡的賠償金額. (會被扣減至少20%)

個人覺得, 對於某些年老業主們, 佢地同仔女一齊住/做雙租族, 都只係因為間屋唔夠大, 然後先至搬出去租第2個單位, 然後用租金黎幫補佢地去租另一間屋, 佢地如果無其他物業而又俾政府收樓的話, 收到的賠償金又少左一大截, 個人覺得對佢地黎講係輸家 (因為佢地唔係有多間物業在手)。

呢個情況, 與內地拆遷收樓的賠償計法係好唔同, 內地係按居住面積的實呎 (政府會搵人去度呎), 然後去俾業主揀囉錢或回遷, 業主搬出舊居, 重建期間的過度期, 業主需要出去租樓住, 係會有租金補貼的(同區同面積計算), 只要業主未收到新樓, 舊樓業主都可以囉到租金補貼, 並且唔會理業主現時的所在地, 亦都唔會理業主本身係自住/出租去計賠償, 賠償方法比較劃一。至於新樓原區安置, 如果新單位的面積有別於舊居所, 就會按多除少補的形式的做法去俾業主揀新樓。個人認為, 為何市建局唔可以做到"樓換樓", 又或者要想盡辦法, 設定唔同的條款去賠少D 俾舊樓業主們？

因為聽過好多例子, 指一班老業主們, 佢地收到筆錢, 都唔夠錢買新樓, 結果只係能夠買返同區舊樓/外區半新樓, 指7年賠償係有誤導成份。歡迎討論, 希望呢度有JM 分享下重建的經歷

0 0 0

私人傳訊

HL7646

子爵府

積分: 12534

36^#

發表於 21-10-29 02:07 |只看該作者

bkpokk 發表於 21-10-27 20:04
而家所有樓都用實用面積計。

但7年賠償多數買唔番同尺數的7年樓

因為舊樓實用面積係接近有95-100%的地板面積(可用面積), 但新樓的實用面積, 室內的可用面積係細好多, 所以咪會收左錢都唔夠錢買返同等面積大細的單位。

私人傳訊

HL7646

子爵府

積分: 12534

35^#

發表於 21-10-29 02:05 |只看該作者

CrabPincers 發表於 21-10-27 19:53
你講果d不清楚，但有一樣就非常不公平的是，收購價用實用面積黎計，但你去買樓就用建築面積黎計，所以成日 ...

咁係因為實用面積的定義不一致才導致呢個情況出現。
因為市建局收樓係用實用面積去計價錢, 而實用面積在市建局收舊樓的定義係1999年的標準, 當年的標準係窗台, 露台係唔算實用面積。但而家新樓賣樓, 自從取消左建築面積後, 實用面積在2010年之後落成的新樓的定義係, 室內地板面積+外牆牆身的面積, 主力牆的面積, 露台, 工作平台和放窗口/分體冷氣機的石屎平台, 甚至窗外的晾衫位置都被定義為實用面積。

所以舊樓的實用面積係非常接近室內的可用面積, 而新樓, 即使同等大細的實用面積, 新樓室內的面積其實細左唔少。至少新樓所標示的實用面積, 真真正正計地板面積, 應該仲要用reported 的實用面積打個8/85折才是地板可用面積。

其實地產商真係幾古惑, 自從發水樓俾市民投訴多左, 以前地產商起樓, 係鍾意谷大個建築面積黎賣, 但因為實用率太細, 俾小業主/買家投訴多左, 之後政府才立例要求全部地產商賣1手樓都要用實用面積, 於是發展商就將計就計, 將D 主力結構牆整後厚一厚, 放在單位內, 以前呢D 主力結構牆係會放在樓宇升降機中間的位置, 但而家係放在單位內, 賣埋俾小業主, 務求賺到盡。:quiet:

私人傳訊

szetop

禁止訪問

積分: 1146

34^#

發表於 21-10-28 18:08 |只看該作者

提示: 作者被禁止或刪除內容自動屏蔽

私人傳訊

HL7646

子爵府

積分: 12534

33^#

發表於 21-10-28 18:00 |只看該作者

yuenpoo 發表於 21-10-27 20:55
可能我寫得唔好,令你誤會

假設

買返60年唐樓=沒有改善居住環境。

私人傳訊

rhung

男爵府

積分: 9453

睛靈勳章

32^#

發表於 21-10-27 21:57 |只看該作者

opclk99 發表於 21-10-26 06:38
田x以前出名拿渣,
死鱼過三刀.....
近幾年努力洗底,

係，根本出哂名出拿渣招，趕唔肯賣屋既人走，仲賣晒廣告什麼改善市民生活。

私人傳訊

yuenpoo

大宅

積分: 1176

31^#

發表於 21-10-27 21:01 |只看該作者

當自住收最高賠償100% , 空置是收73%左右

計過 ,物業大細都是同樣%

私人傳訊

yuenpoo

大宅

積分: 1176

30^#

發表於 21-10-27 20:55 |只看該作者

HL7646 發表於 21-10-27 19:39
細單位收到80%，其實無左20%，影響都幾大。例如一個市值700萬的單位，如果非自住只能收560萬，都幾難買返 ...

可能我寫得唔好,令你誤會

假設
60年唐樓500尺 = 市價8千/尺
市建給7年樓價 = 1萬7千 /尺

自住津貼是 7年樓價 - 物業市價 = 9千 / 尺

最高是100% 業主自住
賠償是物業市價 + 自住津貼 = 1萬7千 /尺
=850萬

最低是空置
賠償是物業市價 + 50%自住津貼 = 1萬2千5百 / 尺
=650萬

絕對可以買番同尺數的60年唐樓,