疫情持續兩年，一句身體健康的祝福，饒富深意。創作歌手藍奕邦最近將早年創作的《身體健康》，改編成由10個單位合唱的十字奶廣告歌《只想和你身體健康》，廣告片在腦細林日曦話悶到喊的反宣傳下，一夜間在社交平台廣傳，男神王宗堯罕有地開金口，高唱由藍奕邦重寫的幾句歌詞，高唱「我只想香港健康/見字要多多飲水/身體好先夠威風/腰骨挺起不驚怕亂世/有日最終無病痛」，令不少網民睇到眼濕濕
林日曦：悶到眼泛淚光昨日(22日)林日曦在社交平台發了一篇好悶但希望大家由頭睇到尾的廣告文，他形容《只想和你身體健康》的廣告片是「一首好多人合唱、送俾香港嘅歌」之類的歌，但廣告片沒有起伏，缺乏推進，他留言表示，「如果冇乜耐性，睇咗幾秒⋯⋯應該已經熄咗⋯⋯我覺得悶。」但他以凌晨三點起身睇曼聯的心態，一路睇一路瞌眼瞓，捱到完場一刻，「捱到最後一刻，我發現自己眼有淚光，講真的，一萬個真心，我眼有淚光….因為…可能因為條片悶得滯，我打喊露…」接著，他突然感性起來自爆真真正正感動到喊，「原因應該係：有位『球員』無啦啦出現…最後補時階段..推左走右連過兩關…入咗我波。好普通啫？咁都眼泛淚光？我都唔知點解，可能係因為冇諗過會搵佢呱。」而令他眼泛淚光的「佢」，正是男神王宗堯，他亦留言覆林日曦：「腦細，好有耐性」。
藍奕邦亦有參與錄唱。(截圖)
《只想和你身體健康》首先由專家Dickson自彈自唱。(截圖)
不少網民睇到眼濕濕。(截圖)而主創的藍奕邦亦在社交平台留言，他首先問：「大家睇咗腦細 林日曦 Lam1Hey 話悶到喊嗰條十字奶廣告未呀？並分享錄製歌曲的點滴，「十個單位，九個自行錄vocal比我砌返埋一齊，唯獨佢，我有機會親自錄音。好榮幸，係佢唱我重寫嘅四句。多謝男神 gregory wong 王宗堯。」他續稱，「 喺呢個唱首歌po張相都需要勇氣嘅年頭，竟然仲有客戶做啲咁嘅嘢，RESPECT。」同時，他亦不忘多謝其他合作單位，「他們send啲file過嚟全部冇問題崁得返落首歌度。特別鳴謝Goro同我一齊重新編曲製作一早聽/唱到悶左嘅 #身體健康 。」
找來熊仔頭、蝦條哥等助陣《只想和你身體健康》改編自藍奕邦作曲填詞的《身體健康》，先有張衛健主唱的版本(2002年)，後來藍奕邦亦有翻唱。最新改編廣告歌，除了王宗堯和藍奕邦錄唱，還有自彈自唱的專家Dickson、熊仔頭及藍仔頭、蝦條哥及米露迪、敲牛奶樽的RubberBand, 無伴奏組合SENZA A Cappella, 《狂舞派3》的劉小華，天主教的天使綸音合唱團和晴天林，片尾送上祝福「唯願香港人健康平安，告別傷痛」。
RubberBand的泥鯭唔打鼓改為敲牛奶樽。
無伴奏靚聲組合SENZA A Cappella亦有獻聲。
。
發表於 
返回列表
