自由講場 今日: 1182|主題: 1348470

好想同大家分享一下我今日番左一日兼職後被炒的經驗

背景:

職位係兼職HR Officer, 本人已經喺HR行業做左consultant幾年, 專門幫中小企做payroll及所有HR工作, 所以對HR工作頗為熟悉

兼職公司係一間開左已經40幾年既trading公司, 主管係一個不修邊幅, 講野驚驚青青, 不太伶利既中老年女人, 簡單黎講係做我下屬我都嫌佢豬, 但我覺得做兼職, 對住個豬上司都幾好

今日第一日番工, 主管帶我入HR房, 經過公司辦公室, 已經覺得整個office黑黑暗暗, 周圍都係雜物, 非常混亂, HR房入面好多文件周圍亂放, 想搵枝寫到既筆同埋用得到既釘書機都無, 主管開始講解公司運作同工作比我知, 因為我熟悉HR工作, 所以主管講解時, 我就不斷表示我明白, 好認真jot notes, 亦有發問一d相關問題, 但主管就不斷叫我relax, 唔好問咁遠既問題, 咁我就由佢啦, 最後主管比左d工作我做, 我喺收工前做好左一部份, 主管黎問我情況, 我想再發問少少有關公司電腦應用既事, 佢就話佢要去食飯, 聽日先講, 咁我就當然收工啦

到今晚7點, 主管打比我, 話我唔適合, 長痛不如短痛, 我問佢真實原因, 佢歸納成以下幾點:

1.話我個人太chur, 佢好忙, 根本無時間教我咁多野

2.話我份人太strong

3.話佢地以前請問既人都好mild, 話同我步伐唔同

抱歉我真係O哂咀, 亦都無謂多作解釋, 事實上依間公司亦有好多奇怪野:

1.全公司既兼職都係唔需要簽約既, 主管話勞工法例兼職係可以以verbal作為僱佣協議(我真係孤陋寡聞未聽過)

2.我用果部電腦, 係非常非常舊, 係window xp, excel 2003…..

3.我去廁所, 個廁所大口仔係無蓋架, 所以想冚蓋沖廁都唔得

4.我今日filing 辭職同事資料, 發覺公司既turnover rate非常高, 每個月都有起碼5個人辭職, 仲要辭職既人9成都做唔夠2個月

雖然依份工無野值得我留戀, 但佢用我chur做炒既理由, 我既自尊心唔多唔少都有少少打擊

後記: 有部份jm認為我認叻唔尊重上司, 但我既本意唔係咁, 一開始上司表示今日好忙, 只有好少時間同我講解, 佢講解期間, 我表示明白, 係唔想浪費佢時間繼續解釋, 至於我問野, 係我想快d學多d, 亦想問清楚怕自己會做錯野, 但言者無心, 聽者有意依個道理我係明白既, 而且我無需要認咩叻去顯示工作能力, 我初心只係收得人工盡力做