本帖最後由 choyki 於 22-2-11 13:01 編輯
JeffersonP 發表於 22-2-10 18:45 
我不嬲無乜投資理財知識，翻工都好忙無乜時間睇市，最近就聽親戚介紹叫我買金銀幣，話唔洗用腦，等金價自己 ...
你沒有聽過「十年黃金變爛銅」吧，可以 google 一下。
我當年唔信，買咗啲，過咗多年（唔知幾多年，應該超過十年），終於忍痛蝕賣（唔知蝕幾多）。
但之後又有狂升過喎，如果我無蝕賣，繼續死揸，應該可以等到有以倍計嘅利潤。
無嘢係穩賺，高風險高回報，低風險低回報，無風險無回報。
可能有人話買樓穩賺，但沙士時有幾多人燒炭？人哋賺唔等於你都會賺。
金幣同銀幣二者，應該金幣好啲，這是按過往經驗來說，將來則難料，可能將來會發覺二者均差，虛擬幣（如比特幣）好。
金幣同金飾、金條亦唔同，金飾買賣差價大過金幣，金幣又大過金條（唔知有無錯）。
ETF 亦可以買金，但 ETF 有管理費，持有期間會被不斷蠶食。
通常人哋建議你買嘅多數都係已經升咗一輪可能就嚟見頂，如果建議你買之前表現唔好嘅，你唔會信。
不投資一定蝕——蝕通脹。
承受合適風險以獲取回報是必須的。
理財知識是必須有的。要投資，先求知。投資只是理財的一部分。
我對這方面有興趣，會參加相關的講座，會留意相關的新聞，會接受理財顧問的邀約，聽他們（不是一個，不是一次）講解。
MPF 特別自願性供款（可扣稅的 65 歲才可提取，不可扣稅的隨時可提取）也可以選擇，不懂的可以選「預設投資策略」（所有計劃均有），有目標日期的可選「目標日期基金」（只有部分計劃有）。
我係 XX 牌月供股票系統嘅代理。 講笑。 不是。
有人肯月供股票才需要月供股票系統，有月供股票系統才可讓人月供股票。
呢個係有雞先定有蛋先嘅問題。券商話有蛋先，代理話有雞先。
發表於 
返回列表
