0-6個月 今日: 0 | 主題: 37527

積分: 7538

2024年龍年勳章

1^#

發表於 22-3-26 00:00 |只看該作者 |正序瀏覽 |打印

我自己嘅經歷係湊到如同踏進地獄，日夜顛倒，夜晚飲完奶爆喊，橫抱直抱企住抱坐住抱都搞唔掂，眼光光喊吓停吓直至朝早，樹油腸痛水搓肚仔壓驚乜都試過⋯呢段歷史非常黑暗與令人沮喪，幾乎陷抑鬱邊緣。
即將迎接第二個，想問吓有冇朋友湊緊或湊過啲食飽就瞓嘅B，請分享：
1）食人奶定奶粉？
2）請提供令BB好瞓唔扭嘅貼士

先衷心感謝！

0 0 0

私人傳訊

積分: 7538

2024年龍年勳章

26^#

發表於 22-4-7 11:01 |只看該作者

sillysi 發表於 22-4-6 23:51
回覆 babyfung61 的帖子

PM 你

收到！抵買又吸引，趁有消費券即買

好多謝你嘅推介呀

私人傳訊

sillysi

大宅

積分: 1026

25^#

發表於 22-4-6 23:51 |只看該作者

回覆 babyfung61 的帖子

PM 你

私人傳訊

積分: 7538

2024年龍年勳章

24^#

發表於 22-4-5 21:08 |只看該作者

sillysi 發表於 22-4-2 22:21
我女第一日出院訓唔到，一熄燈就碌大隻眼，跟住我買盞燈仔放床邊，全晚開住，到兩個幾月中間會熄左去等阿 B ...

多謝耐心回覆與教路

請問你用果隻會轉公仔係咩牌子，可以介紹嗎？坊間有好多，唔知邊隻好。

私人傳訊

sillysi

大宅

積分: 1026

23^#

發表於 22-4-2 22:21 |只看該作者

我女第一日出院訓唔到，一熄燈就碌大隻眼，跟住我買盞燈仔放床邊，全晚開住，到兩個幾月中間會熄左去等阿 B 慢慢習慣黑係訓覺時間。

我女初初每晚抱住佢訓著先放落床，但發覺咁樣好易醒左又要從頭再氹過佢訓，我女出世住左 7 日兒科病房，所以我好好把握佢可以自己落床訓既獨立能力，未夠 2 個月就開始訓練佢直接落床訓，最多等佢訓著我先訓。佢頭頂有個玩具會轉有音樂，佢每次訓都會望實公仔好期待你擰音樂，轉 5 次左右就會開始眼訓，拍下心口按住佢 d 手腳好快訓著，要盡量避免 BB 訓前最後畫面望到媽咪，半夜醒左唔見媽咪會喊，我有時見到我女醒左，佢望下頭頂隻公仔，跟住又會合返埋眼。

頭個半月會用埋包被包佢，真係訓得好 d，手仔唔驚醒就可以訓得長 d，但去到兩個幾月佢越來越大舊，d 包被都包唔到佢，佢又開始爭扎好快 fing 甩左張被，加埋天氣熱左，包住佢會熱到濕晒，就慢慢俾佢試唔用包被。

依家阿女啱啱 3 個月，11 點飲完 150ml，都可以訓到 5，6 點先醒，如果再訓長 d 就好，不過我訓到 5 個鐘已經好開心。

私人傳訊

SVeela

積分: 619

22^#

發表於 22-4-2 14:28 |只看該作者

babyfung61 發表於 22-4-2 13:46
好好嘅貼士，多謝你。睇嚟包巾與奶咀係必買。
我都記得一甩奶咀就醒，嗰陣諗辦法點樣可以固定到個奶咀唔跌 ...

細仔我係有比奶嘴佢啜瞓覺，但因為佢成日會吐出黎，所以要幫佢頂住同狂執，直至佢瞓著先可以離開。有時瞓左半個鐘甩左奶嘴又會喊醒，而家5個月大先叫好少少，唔一定跌左就醒。
BB埋身完多數都會瞓著，所以夜晚我會比佢奶睡，一餵完即刻落床繼續瞓，通常都唔會醒，可以瞓幾個鐘。
初時抱睡完放落床又係即醒，所以之後我唔抱睡，計算清醒時間放佢落床氹佢瞓，有時都會大喊一輪先肯瞓，但有總好過一路抱住，媽媽會好辛苦。所以建議一開始就放佢落床仔瞓覺，比佢習慣下，咁之後會易d氹瞓覺。
細仔係好醒瞓既，少少聲都可以醒，有時開門出入好似做賊咁，開左心跳聲會好d。

私人傳訊

積分: 7538

2024年龍年勳章

21^#

發表於 22-4-2 13:46 |只看該作者

SVeela 發表於 22-3-30 23:00
個人認為初生到4個月既bb可以用包巾或者買love to dream包住瞓，bb會感覺有安全感，會瞓得好d。
我個仔出世 ...

好好嘅貼士，多謝你。睇嚟包巾與奶咀係必買。
我都記得一甩奶咀就醒，嗰陣諗辦法點樣可以固定到個奶咀唔跌⋯要直至大多幾個月佢先咬得穩個奶咀，瞓著就拎走。
抱住瞓，一放床就醒呢吓係惡夢！無論幾輕手放都無用，懷疑係張床無瞓暖嘅緣固，佢一落床就凍醒。
我知道有啲BB係可以一放床比佢喊兩喊都自己瞓著，但我第一個唔可以用呢招。佢係喊成個鐘都唔收聲，要大人直抱行嚟行去先稍為收聲。

私人傳訊

SVeela

積分: 619

20^#

發表於 22-3-30 23:00 |只看該作者

回覆樓主:

個人認為初生到4個月既bb可以用包巾或者買love to dream包住瞓，bb會感覺有安全感，會瞓得好d。
我個仔出世頭3星期好好湊，食飽瞓，瞓醒食，但3星期後就係惡夢既開始，日喊夜喊，特別係夜晚喊得最勁，抱住都可以喊幾個鐘唔收聲。用手機播白噪音都唔收聲。
之後直接抱去聽抽油煙機，秒收聲仲瞓埋。
2個半月左右開始用love to dream包住瞓，瞓得好安穩。
重點係要比bb自己向床瞓，避免抱住瞓再過床醒。
我有比奶嘴仔仔啜，但佢唔多鍾意，成日吐出黎，瞓覺啜住瞓著，一跌左就會喊醒，所以用奶嘴要小心，有可能成為阻礙睡眠既因素。

私人傳訊

SVeela

積分: 619

19^#

發表於 22-3-30 22:42 |只看該作者

babyfung61 發表於 22-3-26 00:00
我自己嘅經歷係湊到如同踏進地獄，日夜顛倒，夜晚飲完奶爆喊，橫抱直抱企住抱坐住抱都搞唔掂，眼光光喊吓停 ...

你好勇敢，第一個小朋友咁難湊都願意生第二個。
我係第一個算好湊就生第二個，點知就落左地獄

私人傳訊

積分: 7538

2024年龍年勳章

18^#

發表於 22-3-29 23:39 |只看該作者

kakakwok716 發表於 22-3-28 14:03
你搵個舊電話，下載(別哭寶貝)app,入面已經有白噪音，亦有音樂既
我通常會開白噪聲+噓+風扇聲(1次最多揀3 ...

非常好嘅介紹呀～即刻下載！

謝謝你

私人傳訊

積分: 7538

2024年龍年勳章

17^#

發表於 22-3-29 23:37 |只看該作者

b0b0 發表於 22-3-28 11:09
BB好瞓唔扭嘅貼士--奶咀

今次會買定了。Thanks!

私人傳訊

積分: 7538

2024年龍年勳章

16^#

發表於 22-3-29 23:37 |只看該作者

uckukuku 發表於 22-3-28 08:54
媽媽手睇得好架喎你要唔要趁未生睇好佢！我原本連家務都少做，生完後湊仔湊到手腕無嘢掂到，只是郁下都痛 ...

初期針灸過兩次，係好咗啲，但之後開始忙一直唔得閒跟進。而家係唔痛，但係力度唔及以前未有事時咁好，拎重嘢一陣就易酸軟無力。因為唔影響日常生活，所以無刻意再睇，而家都十五十六。今胎呢個我都決定唔可以抱太多喇，因為要避免又媽媽手之類嘅問題。

私人傳訊

kakakwok716

伯爵府

積分: 19618

15^#

發表於 22-3-28 14:03 |只看該作者

babyfung61 發表於 22-3-27 23:50
好多謝你，咁我今次早啲買定奶咀，因為湊大果個時係第一次唔識，折磨並忍耐到第二三個月先買比佢用。
我諗 ...

你搵個舊電話，下載(別哭寶貝)app,入面已經有白噪音，亦有音樂既
我通常會開白噪聲+噓+風扇聲(1次最多揀3個)

私人傳訊

b0b0

積分: 983

14^#

發表於 22-3-28 11:09 |只看該作者

BB好瞓唔扭嘅貼士--奶咀

私人傳訊

uckukuku

積分: 9071

13^#

發表於 22-3-28 08:54 |只看該作者

babyfung61 發表於 22-3-27 23:50
好多謝你，咁我今次早啲買定奶咀，因為湊大果個時係第一次唔識，折磨並忍耐到第二三個月先買比佢用。
我諗 ...

媽媽手睇得好架喎你要唔要趁未生睇好佢！我原本連家務都少做，生完後湊仔湊到手腕無嘢掂到，只是郁下都痛，但係睇咗五六次物理治療已經可以正常使用對手又唔痛，之後無特別小心都keep咗一年無復發

私人傳訊