人生過左30年，細個覺得大把時間機會，賺到錢買嘢都會好興奮，年紀大左覺得物質嘅話夠就得，而且時間過得好快好快，快到我反應唔切，升職加薪並冇興奮感覺，只係令我擔心少啲錢財嘅問題，最想見多啲屋企人同朋友，父親早逝，望住阿媽漸漸老去嘅身影，每日朝早匆匆講幾句就各自返工好唔捨得佢，覺得人生係倒數，見一面少一面，朋友都係，有好多仲係歷歷在目嘅回憶發覺原來已經好耐。最捉唔緊嘅係愛情，有時一個人重回舊地、睇返相、食返同樣野就好悕憈，原來話變就變，當下發生嘅嘢就剎那成永恆，就算重新做過都係另一種感覺。有時會無端端喊，好唔開心，工作上有能力做到但唔太鍾意，只係攞嚟生存，鍾意做嘅揾唔到錢，諗到黎緊幾十年坐係office有種被困嘅感覺。以前唔信風水算命，但早排竟然去左廟街，俾師傅算完後有少少安撫左心入面未知嗰種不安感，雖然佢都係講大路野。睇見打仗瘟疫其他人痛苦就會好心噏，點解世界咁多苦難。有時會諗人生意義係咩，最後好想有個完整嘅家庭，身邊嘅朋友齊齊整整，身體健康，同埋可以堅強啲唔好再喊(唔知點解控制唔到成日都係咁)。好想揾人傾計講廢話但唔知揾邊個好唯有上黎。
發表於 
返回列表
