吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 咁嘅小朋友

自由講場今日: 3|主題: 1348366

收藏本版

發帖

返回列表

跳至頁

查看: 9325 | 回覆: 40

咁嘅小朋友 [複製鏈接]

12 3

lukelukeu

男爵府

積分: 6280

1^#

發表於 22-7-18 16:23 |只看該作者 |正序瀏覽 |打印

5歲k3, 學術幾好，中文好多字都識寫識讀，英文閱讀ort level 9嘅書，奧數比賽攞金獎。但係，言語發展緩慢，普通講野無問題，但一到講事情經過就甩甩cut cut，外人應該唔係太明小朋友意思。
點解會咁？言語治療師話升小一後要跟進

0 0 0

私人傳訊

藴藴

男爵府

積分: 9819

41^#

發表於 22-7-19 15:29 |只看該作者

lukelukeu 發表於 22-7-19 09:45
小兒係11月尾細b, 但未有諗過等佢做大b, 佢其實對讀書非常有興趣，佢去圖書館嘅興趣等同同學仔去公園玩， ...

我仔都係，仲差過你小朋友，唔受得人激，仲會郁手

呢種小朋友真係要比時間佢哋成長，唯有多啲帶佢去公園同小朋友相處下。

私人傳訊

lukelukeu

男爵府

積分: 6280

40^#

發表於 22-7-19 09:45 |只看該作者

藴藴發表於 22-7-18 22:16
我見樓主話5歲k3，而家都7月，估佢係細仔，可以考慮轉校重讀私校k3，當然要佢自己衡量。
我個6 月，未去到 ...

小兒係11月尾細b, 但未有諗過等佢做大b, 佢其實對讀書非常有興趣，佢去圖書館嘅興趣等同同學仔去公園玩，每晚都會自己閱讀，唔識會自己查字典。每晚仲要我地出數學題考佢。
佢弱在自制能力，好易比人影響，專注力弱。呢啲我諗要慢慢訓練

私人傳訊

daijuju

珍珠宮

積分: 31726

39^#

發表於 22-7-18 22:27 |只看該作者

藴藴發表於 22-7-18 22:16
我見樓主話5歲k3，而家都7月，估佢係細仔，可以考慮轉校重讀私校k3，當然要佢自己衡量。
我個6 月，未去到 ...

慢慢會進步嘅，我個小三啦，比小一二社交同溝通都進步許多，係專注力差啲，冇興趣嘅嘢基本上專心唔到，但佢成績良好，所以冇特別搵專業人士跟進，評估過又話唔係ADHD，專科醫生又話成績ok的話唔使搞咁多嘢，我諗都係比佢繼續同朋輩相處去改善吧。同埋我都有培養下佢長處，玩下奧數音樂運動等，等佢多啲發揮空間，消耗下佢啲戰鬥力丫。呢啲停不下來嘅小朋友真係要比佢多啲嘢玩下先得。

私人傳訊

藴藴

男爵府

積分: 9819

38^#

發表於 22-7-18 22:16 |只看該作者

daijuju 發表於 22-7-18 21:53
上咗小學唔溫都9x仲repeat讀啲佢哋覺得超淺嘅嘢肯定只會覺得更加無聊繼而搞搞震。個性格係咁re都唔會有咩 ...

我見樓主話5歲k3，而家都7月，估佢係細仔，可以考慮轉校重讀私校k3，當然要佢自己衡量。
我個6 月，未去到可以重讀，但係升左上小一真係個個星期都收到電話，拎同學a既野同同學b換零食，偷渡超人閃卡同同學換d得意嘅文具，佢放地下嘅書包kick到同學仲要嬲人，一騷擾到佢就發脾氣，仲會郁手，衝動，試過同學唔知點惹到佢，追到人地出走廊

但係下學期就好左好多啦，拎咗好多學生好行為返黎，好感動。
唔係我唔想佢溫書，係佢唔迫得，試過叫佢溫下默書，佢掉咗本書落街，唯有轉方法比學校既默書/考試范圍佢，問下佢識曬未，咁佢反而肯比我同佢溫下弱項。

私人傳訊

wongtannga

複式洋房

積分: 371

37^#

發表於 22-7-18 22:08 |只看該作者

yinyingyin 發表於 22-7-18 21:39
我囡都係k1社交好弱，唔係好識到朋友, 請問你去邊度睇醫生？ (emoji) thanks
...

搵幼稚園社工轉介會平d 出面做可能要6千依家轉介3千

私人傳訊

spikenard

水晶宮

積分: 72751

36^#

發表於 22-7-18 21:58 |只看該作者

回覆樓主:

上到小1就會好

私人傳訊

藴藴

男爵府

積分: 9819

35^#

發表於 22-7-18 21:57 |只看該作者

學校好識睇人架，佢哋唔鍾意收啲有問題嘅學生，嫌麻煩，考小一好小事，真係心儀可以小學考插班，會容易得多，多啲帶佢去下公園，同小朋友一齊玩下，我仔k3帶去公園，直頭唔同人玩，又衝動，一撻即着火打人

為咗佢既管教問題，我喊過好多次

人總有長短處，唯有多啲欣賞佢哋嘅優點，包容佢哋嘅缺點。

私人傳訊

daijuju

珍珠宮

積分: 31726

34^#

發表於 22-7-18 21:53 |只看該作者

藴藴發表於 22-7-18 21:41
5歲k3，細b？可以考慮讀多一年私校k3，我仔k3時讀到ort level 12，中文繪本、故事書，講嘢唔算叻又未至於溝 ...

上咗小學唔溫都9x仲repeat讀啲佢哋覺得超淺嘅嘢肯定只會覺得更加無聊繼而搞搞震。個性格係咁re都唔會有咩幫助，我大仔而家8.5歲，但我二仔6.5歲，個溝通能力遠超我大仔，呢啲嘢根本係天生，不如諗下點發揮佢長處好過，天生我才必有用。社交都要真實鍛煉，所以早啲上小學唔係壞事，小學多啲規矩多啲要求，唔似幼稚園咁包容，等佢哋學習要配合學校同學。成績好咪多啲教下同學做下小老師，對交下朋友都有幫助。