我就嚟36歲,備孕2年不成功,本想睇仁安董醫生,上網睇佢評語溫柔同埋有耐性,其實我需要一個咁樣嘅醫生,我比較慢熱同內斂,但話佢有屋企事短期內都唔接新症,建議左我周敏姫醫生,本想去試下做IUI。
人生第一次睇同照陰超,話有個水澢積水,不適合IUI只可做IVF,但要照輸卵管先,照完約我覆診話最好做手術先,唔係嘅話IVF成功率都低。一嚟就叫我做手術,已經嚇死,而周醫生都比較少解釋,可能佢專業分析,但對於我呢啲新手覺得心裏唔太舒服(?)最後拖下諗吓半推半就做咗個腹腔鏡手術,最後就係切咗左邊輸卵管,右邊少少黏連亦處理咗。之前亦話可能有一兩粒細子宮肌瘤,sell我麻醉左可以做埋宮腔鏡check,因為可以claim保險我就Check埋。
手術後因為得返右邊輸卵管有機會,試咗兩次右邊排都無bingo,而家周醫生叫我做IVF。又諗緊好似同周醫生唔太夾,如果決定做轉唔轉醫生好?另外我仲攞咗信排政府瑪麗醫院,出年一月先初診,然後好似排多五六個月就可以做IVF。所以而家我都考慮緊到底私家做但係瑪麗醫院做。私家做轉唔轉醫生好?但係又要等多一年而家15 16,唔知點算好,又有小小經濟考慮,如果瑪麗就可能要公立生,瑪麗做又可以私家生。好confuse,大家有冇啲建議可以俾我或者分享吓經驗交流吓?thanks🙏🏻🙏🏻
同埋有無睇周醫生JM?
(先生check咗精子活力只有1%,試自然係咪機會都低?)