杜小田 發表於 22-9-1 22:49
開刀同埋有條22cm長傷口, 有無度錯呢?
超過 8吋半, 9寸嚟緊
接線生 發表於 22-9-1 11:50
你口話唔想坐月，但又想有補身食品，媽媽叫你小心著涼，你又唔中意，似乎乜都以自己喜好行先。幫手既人做左 ...
Angela.Cheung 發表於 22-8-31 23:19
我係緊急開刀 住咗4晚出院
唔計係醫院嘅日子
我只係坐咗一星期月
本來係我自己屋企坐月
由一個男家親戚幫我坐月（有俾錢）
所以無請陪月
但坐咗兩日發現佢唔掂（詳細唔多講，係我信錯我老公）
而家係我老公同我一齊過咗我娘家坐月
日子非常難過
老公大部份時間係神隊友
主力湊bb，包括沖奶(Bb係全奶粉B)、換片
亦負責我全部飲食
我媽就同bb沖涼+幫手買下餸+間中幫手餵奶換片
聽日我老公就開始要返工
變咗我要負責大部份
老公最大問題係無經驗/唔識又唔聽人講
永遠覺得自己啱
比如我叫佢要早啲預備我沖涼的水
佢就覺得唔需要
結果搞到我好夜先有得沖涼
我媽就不停話要坐好月
唔可以洗頭呢樣果樣
（我無理 照洗）
又話我唔好成日瞓係到
我瞓係到係因為我真係覺得好攰
之前男家親戚幫我坐月果兩日
我跟本無得休息 無嘢食 亦只可以飲水（無代茶）
個人虛到一入夜就係到打冷震
骨痛肌肉痛好似重感冒咁
所以我返到娘家真係只想瞓係到
我唔知係我身體問題
定係情緒問題
個人冇胃口
自從出院之後
就無肚餓嘅感覺
一日只係食兩餐（一餐粥一餐飯）
仲要係我老公迫我食
因為佢唔迫的話
我真係可以全日唔食嘢
坐月真係好煩
我老公好想要第二胎
而我覺得都ok
但一諗到又要坐月就好卻步
我知有好多強壯的jm自己坐月自己搞掂所有嘢
但我真係唔得
另外心靈上我亦未接受到自己要緊急開刀同埋有條22cm長嘅疤
我個膠布都仲痴住係個肚到
因為我好驚見到自己個疤痕
我好唔想繼續坐月
好想快啲回歸以前正常嘅生活
發表於 
返回列表
