背景:
小妹ive hd 畢業後原本做開餐飲業，本來諗住想喺呢間公司一年內升為副經理，然後長做落去。
但眼見喺人手極度不足嘅情況之下，公司完全冇諗過改變營運方針，冇解決人手問題之餘，仲將呢個問題賴落我哋前線同事嗰度，淨係識得係咁開新舖，難以忍受。
突然醒覺呢一行冇可能做一世，始終年紀少少之後體力都唔同以前。
正題:
糾結緊應該讀邊一科較為適合，想以岀路因為主要考慮因素，但懷疑緊自己讀唔讀得掂，自己英文又唔係好，DSE勉強攞到個lv3。
我本身個人其實比較內向，平時做餐廳對住啲客都係硬着頭皮上，反正手板眼見功夫。另外感覺上H R嘅課程學嘅嘢比較簡單易明，冇咁多概念。
但如果做H R啲人話口才要真係需要好，轉數要快，又有可能要in好多唔同嘅人，我緊張起上嚟講嘢又窒吓窒吓咁真係搞唔掂，俾個求職者大番我轉頭我就真係會淆晒底。似乎好似唔係幾啱我呢啲毒lun。
自己中學曾經修讀過bafs ，但當年f5因為讀唔掂，覺得好難明白概念所以drop左。
所以我就諗如果我而家讀番account，課程啲嘢會唔會難過bafs 好多？我嗰陣時讀唔掂，會唔會而家更加讀唔掂？我見有啲招聘要求話要有account diploma，有啲話要有LCCI lv3 ，有冇話讀邊樣會比較好？
真係超級迷惘，大家有冇覺得適合我去讀嘅其他科目或者出路都煩請建議一下，感謝大家！
miyazawa_yuko 發表於 22-10-21 11:08
多謝各位回覆😭
1. 上面有位sis提議做登記護士、考政府工，但我怕呢啲工作同樣有好多freshgrad去in ...
發表於 
， 好言相勸， 真係唔建議再入去
。 仲有喎考完acca仲要一輪持續進修，谩長
返回列表
