吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 0-6個月› 生左個全世界最難湊嘅BB，每晚喊到凌晨3點幾先訓。 ...

0-6個月今日: 0|主題: 37408

收藏本版

發帖

返回列表

跳至頁

查看: 9246 | 回覆: 17

生左個全世界最難湊嘅BB，每晚喊到凌晨3點幾先訓。 [複製鏈接]

心曠神怡

洋房

積分: 70

1^#

發表於 22-11-11 03:44 |只看該作者 |正序瀏覽 |打印

啱啱帶翻屋企果陣，訓教訓到唔願醒，飲奶飲到一半就訓著。自從到2個幾月，漸漸唔同曬，好難訓得霖，成日訓一陣就醒，一醒就即刻喊，一定要人抱，唔止要抱，仲一定要一邊抱一邊行路，再加搖黎搖去。
只係日頭發爛渣都勉強接受，弊在夜晚喊得仲勁，一定要一路抱，一路行路搖佢，明明抱住果陣訓得好霖，一放低就即刻醒，即刻喊，又要重新氹佢，真係抱到手攰腰痛。
其他人講過嘅方法都用過，例如攞兩個枕頭夾住佢，等佢覺得有人抱佢，又例如整個米袋放喺佢心口，但完全冇用，晚晚都係好似教左鬧鐘咁，每次起碼搖到凌晨3點幾，佢先肯自己訓喺床。
連我阿媽都話難湊，話當年湊我同我細佬嘅時候，都係飲完奶就會自己訓，唔洗成日要人抱。
我真係湊到好辛苦

上網望到話呢個叫2月鬧，係咪真係過左就會好湊啲。

0 0 0

私人傳訊

babyfung61

男爵府

積分: 7038

2024年龍年勳章

18^#

發表於 22-11-29 00:32 |只看該作者

用睡袋包被包實嚟瞓，開大冷氣。
再唔得，就睇你哋忍唔忍心比佢喊，屋企喊會唔會嘈到隔離屋，你哋又願唔願意抱睡？其實一慣咗抱睡搖搖拍拍就好難戒，所以如果唔想再抱睡就要決心戒，抱佢時見佢就快合埋眼想瞓就放落床，有得佢喊一陣；如果佢喊得耐，就去望吓佢，抱一抱，安撫完再放床。有可能初頭會斷續喊到下餐奶，但要明白，改變抱睡習慣預起碼堅持一段時間先成功改變到。
平時可以多抱，只係堅持唔抱到瞓著覺，因為一旦抱到瞓著，你一唔夠手輕放落床或無咗大人體溫，bb就好易醒。

私人傳訊

pokultmama

大宅

積分: 1001

17^#

發表於 22-11-26 21:00 |只看該作者

我個女係夜晚扭計，最後我抱佢同我一齊訓，但身邊要踢走老公，因為老公在床既話，阿女又扭計，但老公出左廳訓後，只有我同阿女在床訓，阿女就好易訓著。
樣樣試下吧，我都係咁樣樣試先搵到原來佢要我陪訓，但就唔要同老豆同床

私人傳訊

HK2GOU

大宅

積分: 4640

16^#

發表於 22-11-20 11:11 |只看該作者

用白噪音，用奶嘴啦

我兩個仔都有用，16個月大左右戒，係辛苦個零兩個禮拜左右。大仔直程無痛苦咁戒。對牙齒冇影響，有啲朋友個女3歲幾仲用緊，都冇牙齒或發音講嘢問題。第一胎初頭好似你咁堅咗一陣，第二胎生之前已經準備好。唔好慣咗抱佢tum佢訓，而家話輕啲，遲啲重點抱，由佢喊幾次，佢知喊都冇用，會自己訓。我頂多訓喺隔離拍下佢。大仔戒奶嘴時我拍吓佢大脾，咁難得有人tum, 好快訓著。

私人傳訊

pigpiglamlam

子爵府

積分: 11721

15^#

發表於 22-11-18 18:07 |只看該作者

心曠神怡發表於 22-11-11 12:25
回覆 YYChannn 的帖子

有諗過用奶咀，但用奶咀驚以後戒唔到，同埋聽講話會影響牙齒生長。 ...

冇你講得咁恐怖

我女用到2歲幾，2日戒甩，牙齒亦冇影響

私人傳訊

clarissakwan

大宅

積分: 3564

14^#

發表於 22-11-13 05:14 |只看該作者

心曠神怡發表於 22-11-11 03:44
啱啱帶翻屋企果陣，訓教訓到唔願醒，飲奶飲到一半就訓著。自從到2個幾月，漸漸唔同曬，好難訓得霖，成日訓 ...

你可以試下墊張野係手髀到（toppocino) 咁你放低佢個陣，連埋張野放係床。咁bb就會無咁易因為溫度既改變而醒。阿女一出世就用，用到差唔多成5/6個月，對腳都突曬出黎

或者試吓加3角枕，有少少斜度，無咁易嘔奶+我阿女訓得幾好既。

私人傳訊

Tskbaby

大宅

積分: 1012

13^#

發表於 22-11-12 14:58 |只看該作者

本帖最後由 Tskbaby 於 22-11-12 14:59 編輯

我個b日頭都扭抱好勁，只要一放bb床就發癲，不過後尾我發覺我以前個仔買過張bb被好好用，每次用親都訓到林一林，不過淨岩0-6同都好厚下

私人傳訊

hearsay14

大宅

積分: 3362

12^#

發表於 22-11-12 09:21 |只看該作者

抱才能瞓多數係bb唔夠安全感，我經驗係用睡袋可以令bb一覺瞓天光，安撫奶嘴有個缺點係無限執奶嘴（重點係我bb唔買單）

也有可能係老一輩講的百日哭，3個月左右就唔會喊。

不過大魔王的睡眠倒退和出牙地獄，基本上一歲前bb耐唔耐都會令大人無得瞓，只能講捱過就好。

私人傳訊

Kat_mayday

大宅

積分: 1359

11^#

發表於 22-11-12 07:07 |只看該作者

本帖最後由 Kat_mayday 於 22-11-12 08:02 編輯

回覆心曠神怡的帖子

我bb兩個幾月時同你情況一樣，要人抱住黎行，行住黎搖，唔抱就喊爆，訓一陣就醒，而家三個幾月，好左好多，戒左夜奶訓到天光，bb習慣左你抱住佢訓有安全感，我b都係抱住佢訓得好冧，一放低就醒，我而家會放佢落床用手輕輕拍佢心口仔等佢慢慢訓，捱過就會好，加油

私人傳訊

krystalau

複式洋房

積分: 215

10^#

發表於 22-11-11 23:29 |只看該作者

心曠神怡發表於 22-11-11 03:44
啱啱帶翻屋企果陣，訓教訓到唔願醒，飲奶飲到一半就訓著。自從到2個幾月，漸漸唔同曬，好難訓得霖，成日訓 ...

你試下俾睡袋佢我女都係咁俾佢用左會好啲宜家3個几月就冇用日日訓天光

私人傳訊

ohhippo

別墅

積分: 538

9^#

發表於 22-11-11 16:02 |只看該作者

其實奶咀唔係萬惡的東西，bb的確有吸啜需求，適當時候給予奶咀是好事

親子王國已刪除閣下簽名檔內容，煩請自行檢視頭像、頭銜、暱稱，如帶有廣告或宣傳推介成份，應立即修改或刪除，否則可被封鎖戶口，謝謝合作。

私人傳訊

Prosperous

侯爵府

積分: 23916

8^#

發表於 22-11-11 14:01 |只看該作者

心曠神怡發表於 22-11-11 12:25
回覆 YYChannn 的帖子

有諗過用奶咀，但用奶咀驚以後戒唔到，同埋聽講話會影響牙齒生長。 ...

奶咀我認識果啲都好易戒, 因為大個左, 已經有好多嘢可以分散佢注意力, 亦有好多嘢可以食, 基本上唔畀個奶咀佢, 過幾日已經冇事! 最難係戒食手指之類, 因為你冇得拎走佢, 我朋友個女食到6 歲, "算" 到手指爛晒流晒血都要食!

私人傳訊

Prosperous

侯爵府

積分: 23916

7^#

發表於 22-11-11 13:28 |只看該作者

心曠神怡發表於 22-11-11 03:44
啱啱帶翻屋企果陣，訓教訓到唔願醒，飲奶飲到一半就訓著。自從到2個幾月，漸漸唔同曬，好難訓得霖，成日訓 ...

我有個朋友係靈異體質, 佢出世同 BB 時期的事都記得, 佢話 BB 果陣, 其實睇嘢好唔清楚, 係靠嗅覺, 聽聲等等來認媽媽, 所以係好冇安全感, 要聞到阿媽陣 "除" 先安樂。

希望你唔好介意我講得太靈異。你小朋友開頭瞓咁多, 係因為佢個靈魂未安頓好, 可能大部份時間仲响另一個空間 (可能係學習、計劃今生的事), 近期先開始投入人世, 所以好驚慌失措。唔知你係順產定開刀生, 如果係開刀, BB 冇經過產道生產的痛苦, 去喚醒佢要來人世走呢一轉, 佢出生初期可能比較難適應。

你搵下佢邊啲感覺比較敏銳, 例如佢鐘意聽聲, 定鐘意撫摸, 定鐘意聞下你地氣味, 香的東西, 又或者鐘意沖涼被水包圍等等, 慢慢等佢發展同強化視聽觸味嗅呢 5 感, 安全感就會慢慢多返, 唔再咁扭計。