吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 如何重新性生活的第一步

夫婦情感今日: 3|主題: 42744

收藏本版

發帖

返回列表

跳至頁

查看: 12565 | 回覆: 30

如何重新性生活的第一步 [複製鏈接]

mwpp

別墅

積分: 703

1^#

發表於 23-1-17 17:28 |只看該作者 |正序瀏覽 |打印

太多理由之下已經好久無同老婆有性行為，我知道佢係需要嘅，我唔係gay,亦都係有需要....但種種原因之，下感情變淡, 成日搵唔到能量去破冰 ,

有乜嘢好建議去衝破這個障礙點樣去行第一步... what should be my next move?

如果貿貿然向佢作出一些暗示可能佢會不知所措甚至乎抗拒因為可能佢個心已經冇咗一大截對我到心淡

0 0 0

私人傳訊

秋天與楓葉

珍珠宮

積分: 32599

31^#

發表於 23-1-18 23:23 |只看該作者

搞清楚自己係出於愛，想同老婆有親密關係
還是為解決自己性需要

如果係前者，女人感受行先，感受到你嘅關愛自然想有親密接觸

因為你已經兩年無掂老婆，雙方感情生疏同信任度亦受損
首要建立返感情同信任度，不外乎都係多關心、多溝通、多擁抱同親吻，提升雙方交流

私人傳訊

Secretalk

大宅

積分: 1097

30^#

發表於 23-1-18 23:02 |只看該作者

mwpp 發表於 23-1-17 17:28
太多理由之下已經好久無同老婆有性行為，我知道佢係需要嘅，我唔係gay,亦都係有需要....但種種原因之， ...

我同你都有類同情況，只係角色調轉。。

同路人苦惱中！

私人傳訊

bella啤拿

大宅

積分: 1555

29^#

發表於 23-1-18 20:46 |只看該作者

mwpp 發表於 23-1-17 17:28
太多理由之下已經好久無同老婆有性行為，我知道佢係需要嘅，我唔係gay,亦都係有需要....但種種原因之， ...

老實講，你對佢還有性趣嗎？

私人傳訊

KateCow

大宅

積分: 1046

28^#

發表於 23-1-18 19:31 |只看該作者

mwpp 發表於 23-1-17 18:40
但有樣嘢我幾乎可以肯定，如果我作出一些行動上的暗示，佢一定會起初感到驚訝，甚至乎反感，好多問號， ...

我覺得有理無理認咗錯先，政見的話就講你太固執，應該接納其他聲音。傾計就點都要架啦，話你之前大壓力囉，連打飛幾都舉唔起，最近先覺得好咗，想開始試返，咁得唔得？既然你話你地平時生活無其他問題。

加埋做下啲浪漫野，staycation, 煮飯仔，送花，拍拖時先做但結婚後少做的野。

我都同意其實係荷爾蒙主導，佢之後排卵期都再無意慾的話，就可能要煲下湯水，睇吓中醫。

私人傳訊

Amypolo

大宅

積分: 1821

27^#

發表於 23-1-18 16:34 |只看該作者

即係，你兩條友，平時計都傾唔到兩句嘅話，點攪呀….. 婚內one night stand 咩 … 溝通到又點會搵唔到位呢～肯定零溝通！

私人傳訊

Amypolo

大宅

積分: 1821

26^#

發表於 23-1-18 16:31 |只看該作者

感情慘淡成咁…. 純粹為左滿足生理需要，不如咪啦… 仲嘔心

私人傳訊

善宜

子爵府

積分: 10759

25^#

發表於 23-1-18 16:07 |只看該作者

mwpp 發表於 23-1-17 17:28
太多理由之下已經好久無同老婆有性行為，我知道佢係需要嘅，我唔係gay,亦都係有需要....但種種原因之， ...

我之前同ex都係咁，2年幾都冇，我亦已經對佢失望，佢即使想改變，我亦過唔到心裡果關，好反感，最後都係分手

私人傳訊

Mimmy

珍珠宮

積分: 42054

2024年龍年勳章育兒性格勳章畀面勳章

24^#

發表於 23-1-18 09:59 |只看該作者

兩年都無, 可以話直到永遠都唔需要再有
如關係好, 點會無丫
無解決根本問題, 就直接上床, 簡直匪夷所思

私人傳訊

Money媽

子爵府

積分: 10959

23^#

發表於 23-1-18 09:49 |只看該作者

回覆 mwpp 的帖子

樓主, 呢兩年大家都冇掂對方? 呢個真心無可能

私人傳訊

01234361D

大宅

積分: 3618

22^#

發表於 23-1-18 08:49 |只看該作者

我覺得成件事嘅邏輯思維都好有問題，感情冇問題又點會冇性？已經係夫妻都要咁避忌好似陌生人咁由零開始，我覺得先搞清楚因果關係比較較好！

我無自由, 我失自由

私人傳訊

SUMSUM_88

子爵府

積分: 10604

21^#

發表於 23-1-18 01:12 |只看該作者

mwpp 發表於 23-1-17 18:40
但有樣嘢我幾乎可以肯定，如果我作出一些行動上的暗示，佢一定會起初感到驚訝，甚至乎反感，好多問號， ...

要睇佢平時身體接觸有冇抗拒先，如果佢碰到都唔鍾意，你都好困難
搵機會同佢食飯飲酒慶祝一D事，例如升職加薪，送花送禮物送吻，多啲身體接觸，佢唔抗拒就好容易成功

私人傳訊

wholemilk

大宅

積分: 3375

20^#

發表於 23-1-18 00:51 |只看該作者

細侄你post錯版，BK主要係一班夫妻不和啲太太圍爐取暖，佢哋一係教你離婚，一係人身攻擊指責你，我同你講，女人想唔想做，同佢荷爾蒙水平有關，荷爾蒙唔夠，女人就算唔使返工兼有工人做家務，佢都會覺得生活充滿壓力，佢都唔會想做，所以你應該去養生食療嘅討論區，問吓人咩食品有天然荷爾蒙可以抗壓抗抑鬱抗衰老增加情慾，以我所知豆製品有女性荷爾蒙，堅果都有，你留意佢生理期，乾淨後第一日開始關心佢、同佢單純接觸，幫佢拎吓嘢、摸吓佢髮尾，到第七日係排卵日，你先提出要求。唔好覺得自己咁做好攻心計，呢啲知識同女人自製長假去旅行一樣咁自然同正當。

私人傳訊

做個靚太

水晶宮

積分: 50558

19^#

發表於 23-1-18 00:28 |只看該作者

回覆樓主:

溝通好重要！
直接話佢知，你好想改變，
我覺得或者可以學下韓國個牙膏廣告，因為感情變淡，老公要離婚，老婆就要求每日睡前、出門前都抱一抱～為期一年～之後就離婚～
老公答應，初初抱得好生硬，慢慢有番感覺，我覺得都幾好～重拾果份愛人嘅感覺～

私人傳訊

GettingLost

大宅

積分: 2772

18^#

發表於 23-1-18 00:09 |只看該作者

mwpp 發表於 23-1-17 20:26
其實主要都係可能感情變淡同埋大家喺某些東西 or 政治取向之類有分期奇，都唔係什麼災難性的東西，也 ...

如果你以你所講嘅係感情變淡，又隔咗成2年，都係要攪返好啲感情先有得親蜜返。

2年時間，女方也可能也習慣咗唔要。要睇返你哋之前咩次數，唔好諗住好快可以有返。

女人都鍾意人Tum, 你可以多啲讚下佢，欣賞佢有什麼好。從而打開話題。

了解下而家佢咩反應先才續步提升親密度。

不過有啲奇怪點解等成2年先想好返並而且主要係為咗性生活！

除咗性方面，你知唔知老婆覺得什麼對她來說是較為重要呢？係呢方面入手可能幫到你破冰！

私人傳訊

陳小b

伯爵府

積分: 16311

畀面勳章

17^#

發表於 23-1-17 20:37 |只看該作者

mwpp 發表於 23-1-17 20:26
其實主要都係可能感情變淡同埋大家喺某些東西 or 政治取向之類有分期奇，都唔係什麼災難性的東西，也 ...

老實講我係女人如果我老公咁耐冇掂我，第1，係覺得老公已經唔愛我

第2，驚老公出面有女人

成兩年時間咁長可能你地大家已經習慣咗了如果想破冰我覺得你要搵晚同老婆平心靜氣講出呢兩年究竟咩事冇行埋囉。

如果你真係基於以上嘅理由嘅話有咩唔可以講呢？！

你要解開你老婆嘅心結先可以諗進一步嘅行為。

最緊要你地大家之間仲有愛啫，我相信只有愛先可以修補大家之間嘅關係。

私人傳訊

mwpp

別墅

積分: 703

16^#

發表於 23-1-17 20:26 |只看該作者

陳小b 發表於 23-1-17 20:09
樓主你先問下自己點解呢兩年冇同老婆行埋先？！

正常兩公婆係相愛嘅話點解可以兩年冇行埋？！你話你 ...

其實主要都係可能感情變淡同埋大家喺某些東西 or 政治取向之類有分期奇，都唔係什麼災難性的東西，也不是因為財政第三者之類的東西

咁你身為女性你覺得如果你在這情況下有什麼類型的理由你最能夠接受這段時間的空白生活的解釋

因為你是女性你也清楚女性是需要有感覺 and trust,絕無可能貿貿然之下老公想要你就立刻ok, 應該不會吧

私人傳訊

陳小b

伯爵府

積分: 16311

畀面勳章

15^#

發表於 23-1-17 20:09 |只看該作者

mwpp 發表於 23-1-17 18:42
所以我好希望尤其是女性的留言者，畀啲idea我，我應該點樣破冰。。。應該用什麼理由去令佢嘅accept 番
...

樓主你先問下自己點解呢兩年冇同老婆行埋先？！

正常兩公婆係相愛嘅話點解可以兩年冇行埋？！你話你老婆保守但你又點知你老婆其實有需要呢？！

好好奇你地呢兩年點解決自己嘅需要？！大家都係靠5姑娘嗎？

我想問，作為一個男人咁長時間冇同老婆行埋係咪因為唔愛對方了？！因為我真係唔多了解。

我同我老公最耐都係差唔多兩個禮拜期間都係基於我地女人嘅生理期先冇得做。

但就算唔做平時兩公婆喺床攬下錫下傾下計先瞓都好sweet架。好多時我仲會撬住我老公隻手先瞓因為覺得有安全感。