吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 同老公似同屋主，點令自己開心啲

夫婦情感今日: 0|主題: 42762

收藏本版

發帖

返回列表

跳至頁

查看: 19669 | 回覆: 48

同老公似同屋主，點令自己開心啲 [複製鏈接]

12 3

Cycyy

洋房

積分: 37

1^#

發表於 23-3-31 00:11 |只看該作者 |正序瀏覽 |打印

結婚六年，有個四歲小朋友，上個月老公話想同我分開，自己出去住，覺得好大壓力，覺得同我冇咗愛，佢話我生完小朋友個人變晒，生完小朋友頭三年，我都有返工，主要奶奶湊，不過返工前後都會去睇一睇佢，一星期大約有三晚返自己度，同老公都有二人世界，上年奶奶話辛苦叫我地自己湊番，咁我就辭職自己湊。佢唔會主動陪小朋友，多數坐喺梳化撳電話，打機同訓教，放假要安排節目先陪（仲要之前同佢預約先）話我哋冇理過佢感受，話我對佢好苛刻，重心去晒小朋友度，話我唔煮飯俾佢食，話我同佢講錢，而家住嘅地方係奶奶既，老公負責水電媒，結婚咁耐佢冇俾過家用，出去食飯有時我俾有時佢
俾，小朋友出世後，通常物資都係我買，我叫佢就會俾返一半我，我真係唔計較，諗住兩公婆唔使計啦，同埋阿媽又鍾意買嘢俾小朋友，加上以前有返工，冇金錢壓力，期間佢買過兩部車我都有份俾一半（因為錫佢），因為呢幾年疫情，每次返屋企我都有提佢洗手消毒換衫之類，可能又覺得我煩，又苛刻，上個月講完之後去佢兄弟度住咗幾日。跟住返返屋企大家傾過，我話我會改，和好返，雖然冇話再想自己出去住，我都應承過佢個人態度會改，對佢唔好咁苛刻，會煮飯俾佢食，但係我覺得佢雖然肯返屋企，但係大家關係都係好似好陌生咁，宜家佢每日瞓醒就返工，工作期間一個WhatsApp都冇，如果放工有嘢做，就會話遲啲返，問佢要唔要煮飯俾佢食，佢話唔使，以前都會有表情符號，而家係冇，而家多數我同小朋友瞓覺後，出嚟喺梳化等佢，返到嚟佢去沖完涼坐喺隔離，又冇嘢同我講，撳下電話同打機，冇幾耐就返房瞓覺，可能以前真係有過sweet既日子，而家咁樣咁平淡如水，我真係覺得好難受，我可以點做？

0 0 0

私人傳訊

tonychato

別墅

積分: 652

49^#

發表於 23-4-1 21:39 |只看該作者

fifiger 發表於 23-4-1 20:27
我就好彩有媽教路。結婚初期，我老公周身無蚊，我同佢還埋咭數，唔駛佢比家用，後來比媽知道咗，話結咗婚， ...

學到野(emoji)(emoji)(emoji)

私人傳訊

yanna@123

複式洋房

積分: 118

48^#

發表於 23-4-1 20:50 |只看該作者

Cycyy 發表於 23-3-31 00:11
結婚六年，有個四歲小朋友，上個月老公話想同我分開，自己出去住，覺得好大壓力，覺得同我冇咗愛，佢話我生 ...

可能冇晒二人世界生活自己又湊住小朋友根本冇時間打扮，有冇考慮請姐姐然後出返嚟做嘢，女人要有錢喺身邊先有安全感。

私人傳訊

fifiger

男爵府

積分: 9519

47^#

發表於 23-4-1 20:30 |只看該作者

siugocandy 發表於 23-3-31 13:20
如果我媽知道咁，會叫我返娘家。
起碼等個男人反省下知唔知錯，唔知錯唔改可以飛起佢，自己捱大個仔算。

講得好啱，情願自己捱大個仔，咁無責任感，要嚟都無用，搵個第二個可能生活仲好過

私人傳訊

fifiger

男爵府

積分: 9519

46^#

發表於 23-4-1 20:27 |只看該作者

我就好彩有媽教路。結婚初期，我老公周身無蚊，我同佢還埋咭數，唔駛佢比家用，後來比媽知道咗，話結咗婚，男人點都要比少少錢老婆，要佢有個責任，知道娶咗老婆，要比錢老婆駛，叫我同老公講，少少地比一千話當買糖食氹吓個老婆。我如實同老公講，佢點窮都要比一千我買糖食，佢聽完都覺得有道理所以照比，當時我地同奶奶住，老公比大半份糧奶奶當我地係佢家住既駛費，住咗三個月，我頂唔順自己比錢買樓搬。所以女人點都要有錢傍身，否則會比男家蝦嫁。