心聲留言 今日: 0 | 主題: 17514

積分: 491

1^#

發表於 23-4-19 11:36 |只看該作者 |正序瀏覽 |打印

以下內容都有d長，睇唔睇晒由你地決定

兩老結婚都就快40年，咁多年嘅關係其實都唔好，只係表面好似冇野，其實有問題一直都冇處理

老豆就快退休，以前長駐大陸搵食，最近十幾年因為身體唔好返嚟香港搵食同生活; 工作上佢好盡責，同歷任老細&下屬已經變晒做老朋友
但私底下係個幾悶嘅人，唔煙唔酒唔賭，又冇咩特別嚐好，最多間中同朋友傾下計食餐飯就算
屋企野基於佢長期唔喺屋企，基本上好多事都會俾老母決定，佢負責出錢出力（就算依家俾老母當透明都仲照俾家用老母）
由細到大都好錫我，唔會打我鬧我，依家我大左開始同佢傾多左計，佢都會理性同我分析

老母細老豆幾年，由識老豆開始已經冇返工，到正式嫁人之後更加冇打過工，係全職家庭主婦
性格本身都好火爆，年紀越大就越臭脾氣，我未成年前鬧我唔會有粗口，呢幾年開始鬧我會全程粗口
佢唔會喺老豆面前直接鬧老豆，只會喺我面前狂爆粗數老豆有幾唔好（成日話唔會講老豆壞話離間我地父女感情，但咁嘅行為同幫老豆打毒針有咩分別?）
對住班吃喝玩樂嘅朋友就好nice，好到人地有秘密都同佢講，當正佢係真心朋友; （佢真係0真心朋友，冇返工冇以前由細識嘅朋友/同學之類）

有時返到屋企就會喺我地面前話人地「師奶仔見識少」（其實佢都係師奶嘅1份子?），會有意無意間識少少扮代表，暗踩人地抬高自己，自我感覺良好果種（因為佢呢班朋友有時會問佢野，佢答到人就覺得自己好跟得上時代發展）

而我就係1個3X歲嘅普通上班族

由細到大我有咩唔啱佢就會又打又鬧，雖然唔係日日打，但一打都打得幾甘，有時親戚幫我求情就會刺激到佢打得再甘d，所以多數打我果陣都係得我同佢2個人，咁就點打點鬧都冇人幫我
打到大概14歲左右就唔再郁手打我，但會鬧到我每次都覺得自己好無X用，根本唔配做人，最好快d去死; 上星期先又俾佢鬧鑊甘，然後第n次懷疑人生

鬧嘅內容多數都係（以下係其中一小部分）:
「你咁大個人都冇X用，將來指意你照顧我屎都冇得食啊」
「早知生到你斷手斷腳低能白痴好過啦，仲衰過人地弱智果d人，正垃圾」
「冇我嘅話你點生存到啊？你返工係咪都咁白痴架，咁都仲生存到」。。。

如果你問我做錯咩先會令個老母好似痴X左咁打我鬧我，其實都係1d好普通嘅事
仲細嘅時候，多數係百厭/成績唔好/扭計之類，就會打鬧一齊嚟，打到衣架/晾衫竹都爛左唔少
到依家作為1個成年人，狂俾佢X可以係因為放野嘅位置唔啱佢心意，有親戚嚟嘅時候茶水點心之類補給得唔夠，甚至食完飯玩下電話都可以俾佢X

* 不過都補充返，如果老母唔發脾氣嘅時候，其實都仲算可以正常吹下水，睇落好和諧咁樣

兩老結婚咁多年，真係呢十幾年先叫做係日對夜對咁一齊生活，頭果廿幾年係長期分開住，老豆以前大概每個月都會喺大陸返嚟1-2次，所以絕大部分時間係我跟住老母一齊生活

呢十幾年嚟，佢地已經發生過好多次矛盾，而每次都係:

1。老母發脾氣
2。老豆唔出聲死忍
3。老母當老豆透明（時間可以由幾日至超過1年不等），期間老豆會嘗試氹返佢但多數失敗
4。老母覺得夠皮就會肯主動睬返老豆

跟住到下1次再爆就會再重覆以上步驟，呢十幾年無限loop到我唔想數有幾多次

而每次嘅問題可以係好小事，又或者有d關我事，其中有d印象比較深:

有1次係因為搬屋佢2個嘈過一輪，然後老母就發晒脾氣成日去夜街避開老豆，搞左成個月先叫冇事

有1次係因為老豆嘅朋友想介紹個人俾我識（我見都冇見過，事前亦唔知），老母就發晒脾氣，半年冇睬過我老豆，搞到我老豆好長時間唔敢搵佢朋友; 但據說老豆其實一早同老母講過呢件事，佢冇反對; 到人地真係介紹到人俾我嘅時候，佢就好似事前唔知咁發晒癲勁抗拒

由大概2年前到依家都仲當緊老豆透明，係因為佢當時入醫院（急病入去差d死得，但好彩救得返），因為covid唔俾探病，佢覺得我地掉底佢喺醫院唔理佢，同埋冇盡力盡快接佢出院兼每日去醫院煩d醫生（話煩d醫生已經係好客氣，佢其實係想叫我地凶d醫生，叫人地快d醫好佢同俾佢出院）

佢句金句「條命係我嘅我自己負責，我自己簽字佢點都要俾我走」，果陣聽到我同老豆都好無奈，不過佢又全程冇自簽走人，淨係得個講字

好笑嘅係，佢對住醫生護士勁有禮貌，好似好合作咁，但私下就X到人地地底泥，話人地hea佢唔醫院，自己返屋企睇youtube學保健都得啦，even依家食藥都係唔定時，講多幾句提佢又嫌我煩

對於老豆想離婚，其實我好贊成，因為佢2個根本就好有問題，唔適合一齊，再拖都係睇下邊個死先冇眼睇

不過以我對老豆嘅理解，好可能由想到正式做，隨時到死都未搞掂，要等佢死左留返我1個對住個老母（佢知我到時點都會照顧呢個唯一嘅老母，好放心）

可能佢係1個好員工，好老豆，但真係唔識做人老公，咁多年淨係諗住忍下忍下就一世，結果俾個老婆睇唔起咁多年，搞到自己有抑鬱傾向，排緊隊等見精神科醫生

所以我都打定輸數，佢離唔成婚，到佢死先就由我做醜人，同班親戚解釋點解佢唔想再同老母有任何關係，以及受晒老母d怒火
（老豆已經同我講左他朝佢死先就唔好同老母葬埋1齊，葬禮要當佢單身咁處理）

0 0 0

私人傳訊

積分: 491

45^#

發表於 23-6-10 23:20 |只看該作者

spikenard 發表於 23-6-10 22:30
我都搬左出嚟，雖然老人家唔係對我唔好，但始終1家1主舒服d

到佢地2老正式搞離婚嘅時候，我會跟埋老豆搬出去
因為我冇信心可以同老母和平共處

同埋，都係時候唔好再俾個老母控制太多

私人傳訊

spikenard

水晶宮

積分: 72923

44^#

發表於 23-6-10 22:30 |只看該作者

愁塵發表於 23-6-9 23:17
同老豆有見社工，社工叫老豆諗清楚係咪真係要離婚
下次再見社工嘅時候就覆社工最後決定（其實係會離婚）

我都搬左出嚟，雖然老人家唔係對我唔好，但始終1家1主舒服d

私人傳訊

積分: 491

43^#

發表於 23-6-9 23:17 |只看該作者

siugocandy 發表於 23-5-21 22:34
Plan離婚首先解決住屋問題，以你媽性格一定唔會搬走，打去房屋署問正式離婚後，係咪你媽搬走
...

同老豆有見社工，社工叫老豆諗清楚係咪真係要離婚
下次再見社工嘅時候就覆社工最後決定（其實係會離婚）

預左係我同老豆要暫時搬出去先，因為一講左就冇可能再1齊喺同1空間生活

私人傳訊

積分: 491

42^#

發表於 23-6-9 23:13 |只看該作者

spikenard 發表於 23-5-8 08:14
公主最近有冇虐待你？

一時時啦，依家佢就算講野好難聽都冇以前咁上心
應該係自己心態變左

忍左咁多年，咩父母恩都還晒俾佢啦

私人傳訊

chadtanner

積分: 20518

41^#

發表於 23-5-29 03:46 |只看該作者

愁塵發表於 23-4-25 15:31
我都過晒對愛情有幻想嘅時候，預左未來好可能會繼續係咁
而且1個人咁耐，如果突然多個人反而仲更唔習慣
與 ...

「與其要靠1個唔知可唔可靠嘅另一半，不如靠自己仲好」

點評

愁塵

發表於 23-6-9 23:13

私人傳訊

siugocandy

子爵府

積分: 11411

40^#

發表於 23-5-21 22:34 |只看該作者

Plan離婚首先解決住屋問題，以你媽性格一定唔會搬走，打去房屋署問正式離婚後，係咪你媽搬走

私人傳訊

spikenard

水晶宮

積分: 72923

39^#

發表於 23-5-8 08:14 |只看該作者

回覆樓主:

公主最近有冇虐待你？

私人傳訊

積分: 24931

38^#

發表於 23-4-26 00:18 |只看該作者

愁塵發表於 23-4-25 15:24
由老豆話想離婚到依家，有時我會有種「其實要離婚嘅係我」嘅錯覺
我睇離婚資料仲多過老豆，佢好似等我幫佢 ...

我就係覺得佢動力好細，可能佢唔想做衰人，可能佢都諗到分咗，你又嫁咗，佢就得返一個。
宜家佢唔郁，你唔郁，佢除咗忍下氣，至少係個家。到佢走咗，你仲未嫁，佢就安樂哂，留返你自己去捱埋後面既時光。

私人傳訊

積分: 491

37^#

發表於 23-4-25 15:31 |只看該作者

滿足發表於 23-4-23 11:16
我唔知你幾歲啦，但提點一下，女人青春有限架，應趁早搵另一伴，否則，後悔的是自己嘅。 ...

我都過晒對愛情有幻想嘅時候，預左未來好可能會繼續係咁
而且1個人咁耐，如果突然多個人反而仲更唔習慣
與其要靠1個唔知可唔可靠嘅另一半，不如靠自己仲好

點評

滿足

發表於 23-5-18 11:50

私人傳訊

積分: 491

36^#

發表於 23-4-25 15:24 |只看該作者

yantung2010 發表於 23-4-23 09:37
其實我細個唔敢反抗，係離婚辭職之後，返屋企住先改變同佢相處既模式，唔俾佢再無限自我擴大咋。
其實你爸 ...

由老豆話想離婚到依家，有時我會有種「其實要離婚嘅係我」嘅錯覺
我睇離婚資料仲多過老豆，佢好似等我幫佢填埋離婚申請表同攤牌，自己只要簽個字就得
我都想問佢「到底當初結婚果個係你定係我? 呢個老婆係你定係我架?」

或者佢有佢嘅顧慮同諗法，但我feel唔到佢有幾積極想咁做
只係講左個好似好美好嘅plan咁，俾d希望自己（或者係我），但幾時先可以成真? 唔知

所以我先會對佢離婚呢件事只係50/50

私人傳訊

滿足

男爵府

積分: 6613

35^#

發表於 23-4-23 11:16 |只看該作者

我唔知你幾歲啦，但提點一下，女人青春有限架，應趁早搵另一伴，否則，後悔的是自己嘅。

私人傳訊

積分: 24931

34^#

發表於 23-4-23 09:37 |只看該作者

愁塵發表於 23-4-22 23:30
回覆 yantung2010 的帖子

雖然聽落大家嘅阿媽都差唔多，但我同老豆嘅處理態度同你好唔同我地2個咁多年都慣 ...

其實我細個唔敢反抗，係離婚辭職之後，返屋企住先改變同佢相處既模式，唔俾佢再無限自我擴大咋。
其實你爸無決心，如果你先搬開，得番佢一個面對你媽，佢決心肯定大好多。你留係度，你爸拿你做擋箭牌，你媽拿你做出氣袋，你表面上維持左個家既完整，另一方面亦延續緊個局面。

私人傳訊

積分: 491

33^#

發表於 23-4-22 23:30 |只看該作者

回覆 yantung2010 的帖子

雖然聽落大家嘅阿媽都差唔多，但我同老豆嘅處理態度同你好唔同我地2個咁多年都慣左忍佢嘅脾氣，諗住忍就係為屋企好
係等到佢今次死過返生但脾氣仲越來越差，覺得全世界都欠左佢，先令我地反省咁多年原來係做錯左

要為頭家好，唔係只有我地肯無限量忍就得，係要肯面前
離開唔代表唔負責任，只係想換個方式俾大家一條生路
希望依家都唔算太遲

但我老豆依家狀態都唔太好，只希望佢真係下到決心想點做
我好驚成日提又好似逼迫佢

，又或者令我老母提早發現，到時老豆應該狀態仲差

私人傳訊

積分: 24931

32^#

發表於 23-4-22 21:48 |只看該作者

yantung2010 發表於 23-4-22 21:45
佢把口又係唔收，講到我哋唔理佢都無問題，但一有風吹草動，就怕死到變咗另一個人。
有次入院，反應同你媽 ...

佢好唔鐘意我第一個女友，我心其實想拖到佢百年歸老，不過女友唔等，都好彩唔等，我媽過90先走

私人傳訊

積分: 24931

31^#

發表於 23-4-22 21:45 |只看該作者

yantung2010 發表於 23-4-22 21:36
我媽細個環境都大起大落，性格懦弱又好勝，急躁難控制情緒。生活窮困，工作壓迫，一個湊兩個，仲要搵食做 ...

佢把口又係唔收，講到我哋唔理佢都無問題，但一有風吹草動，就怕死到變咗另一個人。
有次入院，反應同你媽一樣，但佢唔敢鬧我，因為我會話返佢：你米話唔怕死嘅

有次食完飯，我玩下手機先，佢又話我，我話你要搵台做功課吖，（果時有工人）還是你想執台呢？唔阻你，又唔使你做，咁多嘢講，咁睇唔開嘅……

如果我係你，我一定同老豆搬走，減佢零用。

私人傳訊

積分: 24931

30^#

發表於 23-4-22 21:36 |只看該作者

yantung2010 發表於 23-4-22 21:28
我阿媽性格行事同你阿媽有啲地方几似，我叫佢做門口狗人格。我比你好既係無阿爸呢個顧慮，經濟可以支持我 ...

我媽細個環境都大起大落，性格懦弱又好勝，急躁難控制情緒。生活窮困，工作壓迫，一個湊兩個，仲要搵食做家務，少少野都可以令佢好火滾，初時口鬧，繼而動武，直至條氣順返為止。

私人傳訊

積分: 24931

29^#

發表於 23-4-22 21:28 |只看該作者

愁塵發表於 23-4-21 18:00
結婚/生仔都應該強制考牌，睇我屋企已經係好例子
兩個當初冇考慮清楚就結婚，然後諗住有我可能會改善到關 ...

我阿媽性格行事同你阿媽有啲地方几似，我叫佢做門口狗人格。我比你好既係無阿爸呢個顧慮，經濟可以支持我獨立。
所以我有機會，讀書住宿舍，夠錢即刻買樓，隨時搬走。結婚之後一星期見一次，關係好咗好多。

私人傳訊