Baby Kingdom - 親子王國 香港 討論區 › 首頁 › 自由講場› 今日真係特別覺得辛苦

自由講場

收藏本版
發帖
返回列表
跳至頁
今日真係特別覺得辛苦   [複製鏈接]

首頁
12345...10

尾頁
   55
你好野


男爵府

積分: 5597


1#
發表於 23-4-22 18:26 |只看該作者
我有2個女，一個14，一個就來12。

這幾天已同大囡鬧！今日2個一齊！
我真係好辛苦呀！我點解會做到咁失敗？

事情：大囡放學，我地話請佢食雪糕，之後佢話有人請佢食，跟住我同老公就自己去左買，在門口附近見倒佢地，我囡已黑面出來！話我地好過來！但我同佢講過，佢都覺得係我地錯！之後煮左飯好唔食！最後我就算了！冇煮佢果份！今日在鬧的過程中，話我精神病等
私人傳訊

topful


大宅

積分: 4477


195#
發表於 23-4-25 12:46 |只看該作者
你好野 發表於 23-4-25 08:45
放手，我還未摸索到，我要點放，放到去邊？我應該唔定自己條底線等！真係好亂！

佢地成長，父母跟著變！

認真同佢講清楚，乜嘢係對佢好會影響佢啲乜嘢，但係如果佢自己堅持咁做咁你會俾佢去做。佢可以自己選擇。
之後佢要揀啲乜嘢我照幫佢搞幫佢報，只係問佢，你係咪想咁做。同埋我唔會唔煮飯，佢食唔食我都會照煮。因為你唔煮飯，其實你係表示緊你好嬲，咁其實你同佢對抗冇用，我會照返平時咁做，一方調整自己心態。
私人傳訊

tingting2200


子爵府

積分: 14218


194#
發表於 23-4-25 11:38 |只看該作者
你好野 發表於 23-4-22 21:03
一來我地冇多餘錢，租唔倒這些

二來我娘家…….有事就揾我，冇事就……


你係全職媽媽定係在職媽媽？有冇機會去見下輔導/社工？
覺得你好大壓力，不如先照顧好自已的情緒，然後再照顧女兒
私人傳訊

bongbongpatty


水晶宮

積分: 72207

BK Milk勳章


193#
發表於 23-4-25 10:57 |只看該作者
你好野 發表於 23-4-23 23:31
今日見佢話今晚食飯，就打算同佢傾下，點知，要食野時就問可唔可以食，當然語氣態度都唔好！之後我當然話 ...

平日你有無單打佢？
我老公經常單打串个仔，
我爆鬧，
佢吾啱
提下就得
直接講
我通常係就平和講，
Bb你咁樣講野吾係咁好，
唔可以咁樣同爸爸講嘢，
跟住就完，我行開既，
記住係提吾係管
唔係鬧

私人傳訊

poodlema


侯爵府

積分: 20212

父親節2025勳章 2025勳章 2025勳章蛇年勳章 2024年龍年勳章 虎到金來勳章 好媽媽勳章 畀面勳章


192#
發表於 23-4-25 09:31 |只看該作者
青春期係咁,唔好放係心
私人傳訊

jellyfish1989


子爵府

積分: 12426


191#
發表於 23-4-25 09:30 |只看該作者
你好野 發表於 23-4-25 08:17
你好利害！我相信這一定唔容易過！一般小朋友都這麼辛苦，我一個sen 加一個固執的都想死，你還有兩個！
恭 ...

我一個 Sen 而已，每個細路都不同，別人一套你未必啱用， 反而我覺得調節自己心態先係最重要 如果唔係好難捱到佢長大 明白到有好多嘢唔係你可以控制 亦都有明白有時唔係你想放手，而係你被迫要放手。 只能講句成長係要時間， 作為父母只能等待， 所有嘅做人道理 仁義道德 價值觀等 小學嘅時候你已經灌輸咗 青少年期就係佢自己 運作 自己摸索 作為父母 再‘’輸入‘’都冇用， 呢個時候其他人嘅輸入更加重要
私人傳訊

bbc2018


珍珠宮

積分: 38502


190#
發表於 23-4-25 09:02 |只看該作者
本帖最後由 bbc2018 於 23-4-25 09:09 編輯
aidan08 發表於 23-4-24 12:58
你11點要佢比返部iPad 出來嘅目的係乜嘢？

我諗，青少年已經唔係小朋友，唔可以再用強權去管去控制。如果 ...

相信你仔女青春期有甚麼問題，在大家互相尊重、溝通下容易解決，並且佢哋會越來越好。希望樓主可以睇多幾次你留言，好好思考

你講出重點係關係，雙方關係處理得好就可以有商量，佢哋亦會配合，因佢哋知道阿媽係出自內心對佢哋好，佢哋唔想阿媽唔開心。

改善關係，舉例可以一齊窄果汁，一齊飲，一齊養下魚，一齊傾下佢偶像等。佢哋喜歡食乜嘢甜品，甚麼晚餐，親自煮，買給佢哋，一齊分享蛋糕。適當關心佢哋學業上、交友上遇到甚麼問題，提出幫助、開解或者只係聆聽，聽下佢哋傾訴。大家開開心心。之後佢哋就比較易接受你「好意」

避免單方面嘅指令，管制，要求亦要合理，鬥氣下更加唔好要求多多，對方一定搏嘴，所以儘量唔好鬥氣。千萬唔好俾佢哋逃避去打機。

一切由關係開始，大家唔想破壞和諧，被愛嘅關係就會識得去協調、尊重、支持對方
私人傳訊

wing51110


男爵府

積分: 7936


189#
發表於 23-4-25 08:52 |只看該作者
你好野 發表於 23-4-22 18:26
我有2個女，一個14，一個就來12。

這幾天已同大囡鬧！今日2個一齊！

初中真係超難頂，我頂1個都想殺左佢，我明你俾兩個激嘅辛苦，搵位俾自己抖下。。。。。
私人傳訊

你好野


男爵府

積分: 5597


188#
發表於 23-4-25 08:45 |只看該作者
topful 發表於 23-4-25 08:38
Jm, 加油呀，我係過來人，終於捱過咗，而家大家關係好好。

你要明白，其實佢哋自己都唔知想點，有時甚至乎 ...

放手，我還未摸索到，我要點放，放到去邊？我應該唔定自己條底線等！真係好亂！

佢地成長，父母跟著變！
有時我都意識唔倒
私人傳訊

topful


大宅

積分: 4477


187#
發表於 23-4-25 08:38 |只看該作者
Jm, 加油呀，我係過來人，終於捱過咗，而家大家關係好好。

你要明白，其實佢哋自己都唔知想點，有時甚至乎諗你做乜生我出嚟，生我出嚟仲要控制我，所以真係要狠心放手。但係唔可以同佢哋對著幹，冇用的。
私人傳訊

珠氏家庭


珍珠宮

積分: 32575

父親節2025勳章 2024年龍年勳章


186#
發表於 23-4-25 08:31 |只看該作者
你好野 發表於 23-4-22 18:26

我有2個女，一個14，一個就來12。
這幾天已同大囡鬧！今日2個一齊！

我都兩倨女~
今年大嘅17歲, 細嘅13歲~
男女孩子都有反叛期~
試下耐心傾下~
比佢知道你明白佢開始成長, 開始有自己嘅思維~
潛意識擺脫父母嘅控制,
你可以同佢定立一啲守則,
比適當嘅決定櫂比佢,
但當然要比佢知道父母嘅底線~
私人傳訊

廷廷媽


水晶宮

積分: 70040

2025勳章 2025勳章蛇年勳章 2024年龍年勳章 牛年勳章 開心吸收勳章 hashtag影視迷勳章 大廚勳章


185#
發表於 23-4-25 08:21 |只看該作者
Fishqqma 發表於 23-4-24 10:44
八點半前交手機。你個仔都幾乖。

但佢係由朝早6點半開始打
私人傳訊

你好野


男爵府

積分: 5597


184#
發表於 23-4-25 08:17 |只看該作者
jellyfish1989 發表於 23-4-24 17:10
只要 相信呢啲日子終會過去，幸福日子等待你，撑住。我果兩件仲有件SEN , 逃學，遲到，唔番屋企，頂咀開片 ...

你好利害！我相信這一定唔容易過！一般小朋友都這麼辛苦，我一個sen 加一個固執的都想死，你還有兩個！
恭喜你，捱過了！我會加油，希望捱得過！我會重新檢討自己，睇下可以點做！

多謝各位對我關心！我冇諗過會有人關心我，除左我老公！由細到大都係出氣袋！唔被重視等！依家，我人生就得這個家！但我都攪到咁！我真係要睇睇，我要捱過這關，我要點做！
私人傳訊

Fishqqma


瑪瑙宮

積分: 138702

2025勳章 2025勳章蛇年勳章 2024年龍年勳章 虎到金來勳章


183#
發表於 23-4-24 17:13 |只看該作者
jellyfish1989 發表於 23-4-24 17:10
只要 相信呢啲日子終會過去，幸福日子等待你，撑住。我果兩件仲有件SEN , 逃學，遲到，唔番屋企，頂咀開片 ...

jm加油
私人傳訊

jellyfish1989


子爵府

積分: 12426


182#
發表於 23-4-24 17:10 |只看該作者
你好野 發表於 23-4-22 19:58
多謝你！
但依家真係好辛苦！做又要聽說話，唔做又聽說話！

只要 相信呢啲日子終會過去，幸福日子等待你，撑住。我果兩件仲有件SEN , 逃學，遲到，唔番屋企，頂咀開片咩都試過，今日既佢讀完大學有返工有家用，仲會請食飯。我挨得過，你都可以，互勉之， 難關難過,日日過 ,總會過去的.
私人傳訊

aidan08


侯爵府

積分: 20958


181#
發表於 23-4-24 13:26 |只看該作者
你好野 發表於 23-4-24 12:50
可能你講得啱！我管得太多！重心全是這個家，老公同小朋友！希望照顧到最好！

佢地會細細聲講，例如：食 ...

如果你係全職家庭主婦，有時D仔女會誤以為你好嘆好舒服，唔洗做。要佢哋明白你其實都有付出，都好辛苦，其實真係需要長久累積建立佢哋對你的關心同同理心。

除咗指令之外，你有冇有時對佢哋表達吓純粹的關心？

我感覺你兩個女好似對你完全無關心體恤，所以我先好奇你平日對佢哋係咪多數係指令？其實，對佢哋發出指令，都需要技巧，當然有D小朋友好聽話，好易教，但多數會自動自覺嘅小朋友，都係明白呢D指令對佢哋有乜好處，點解父母會有咁嘅要求。而家你同佢哋關係咁惡劣，我建議不如你改善咗關係，對佢哋適當表達吓關心，唔好發出太多指令先。你每個指令背後，都應該係為佢哋將來好，而唔係要佢哋聽你話同遵從。呢樣你一定要佢哋明白。

同埋真係要搵方法，令佢哋明白，家人之間互相尊重的重要。
私人傳訊

Astra00


水晶宮

積分: 64903


180#
發表於 23-4-24 13:09 |只看該作者
你好野 發表於 23-4-22 19:00
我前幾日係咁做，佢把張紙揸成一個波，掉喺房門口！

你的孩子很反叛，如果我啲仔女咁，我會驚驚地。

我大仔處於青春期期，暫時未發作。
私人傳訊

一人之境


大宅

積分: 2251

2023年兔年勳章


179#
發表於 23-4-24 13:06 |只看該作者
前晚我睇完呢個帖, 喊左一陣, 久久不能平伏心情。我女(11歲) 被我嚇親, 問我睇緊D乜..... 我當刻即時同佢分享, 攬住佢講, 我話: 我真係好驚有一日我同你既關係會去到呢個地步。

青春期並不可怕, 可怕既係呢段時期既生理及心理變化來得太急, 難以控制。就好似女人經前經後荷爾蒙失調既情緒化, 更年期既變化等等....

與其將焦點集中o係一對....對你反感既女兒身上, 倒不如退後一步, 將焦點與寵愛留給自己和丈夫。有時, 迫得太緊, 連喘息既空間都欠逢, 大家都很難找到出口。

自己都曾經經歷青春期, 想當年媽媽除左打罵, 就係趕我出街, 話唔要我。當年我好憎我媽, 亦唔鐘意屋企, 所以18歲就離家出走獨居。這些年跌跌撞撞, 到自己生左個女, 開始學習做父母, 就同自己講, 一定要建立一個溫暖既家俾個女, 儘管是單親, 都要俾個女知道, 屋企係佢既避風港, 媽媽是她最強的後盾。我並沒有將自己黑暗既歲月, 上一代的教養方式伸延。

時代既變遷, 科技既進步, 現今世代管養子女, 我相信一定要與時並進。每個小朋友都有不同特質, 沒有一種教養方法適合所有人。要知道, 地球不會圍住自己轉, 而自己更不應只圍住子女轉。可以的話, 請先善待自己。十幾年都無同朋友出去食過一餐飯, 俾著我, 我會癲。人不能沒有朋友, 親人, 更不能沒有自己的私人空間。

在這帖子, 我看見一個全心全身為家庭子女付出, 但沒有了自我人生的媽媽。對不起, 我好想開解你, 安慰你, 但我不懂, 因為你已經沒有了自己。請先善待自己, 找回自己, 就能找到出口。

共勉之!
私人傳訊

aidan08


侯爵府

積分: 20958


178#
發表於 23-4-24 12:58 |只看該作者
你好野 發表於 23-4-24 12:37
我打算同佢傾今星期要唔要私補！
但佢依家同我咁樣，佢唔同我講野，我最後決定停左私補先！因補來都只是浪 ...

你11點要佢比返部iPad 出來嘅目的係乜嘢？

我諗，青少年已經唔係小朋友，唔可以再用強權去管去控制。如果你想訂立呢個規矩，你可能需要同佢傾咗，講咗你有咁嘅要求係點解，而佢又理解並接受，咁先會令條規矩有效。你無端端咁做，只會令關係更差。

你突然咁做，而又達唔到目的，即係你嘅要求又失敗咗。你多次發出唔同要求，然後都失敗被佢無視同駁回的話，會變成習慣，更加難管教，會令佢更加肯定自己有反抗同叛逆的權利同力量。你真係要小心發出要求，你咁做會弱化曬你管教的威嚴。

你不如唔好再在意埋D現階段唔算最重要嘅事情，例如打機、吹頭、洗唔洗碗呢D，先改善關係，令佢無咁抗拒你同唔尊重你先。因為你哋之間無咗尊重，無咗關心，其他所有嘢都好難改變。我認同有D jm 所講，你D女現在最大問題係對你的態度，已無尊重可言。你先生可能都需要介入，你兩個同一陣線，令兩個女知道，作為家人，必須要互相尊重。你都需要尊重佢哋的空間。
私人傳訊

你好野


男爵府

積分: 5597


177#
發表於 23-4-24 12:50 |只看該作者
aidan08 發表於 23-4-24 00:13
佢哋點樣講說話你聽？點樣單打你？

你多數描述D女對你講過嘅說話。不如你都講吓你對佢哋嘅說話、用語同語 ...

可能你講得啱！我管得太多！重心全是這個家，老公同小朋友！希望照顧到最好！

佢地會細細聲講，例如：食完野把碗放洗手盆，我叫佢地，要自己洗返，細果個冇出聲，大果個就不停講：麻煩！乜乜乜乜等！

我有試過唔太管佢，佢一係零晨2-3點才沖涼！之後我地定立，10點前沖，如果唔係，就冇得沖，佢試過4日唔沖！但佢唔覺得係乜問題！

依家有些亂，知要放手，會盡量放手，但好多位置都唔知點做好！點放好，點定位？
私人傳訊


首頁
12345...10

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy