吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› Instagram 問題（求回覆

少年成長今日: 2|主題: 16024

收藏本版

發帖

返回列表

跳至頁

查看: 53986 | 回覆: 9

Instagram 問題（求回覆 [複製鏈接]

Gladyssss

洋房

積分: 33

1^#

發表於 23-4-30 23:32 |只看該作者 |正序瀏覽 |打印

本帖最後由 Gladyssss 於 23-5-1 02:17 編輯

Hello咁多位Auntie Uncle,我係一個13歲中一嘅女仔，我有一個問題困擾左好耐，希望你哋可以幫到我，謝謝！😇🙏
事情要由8歲嗰年講起，我當時第一次有手機，當然好開心，而我亦知道有ig呢樣野，所以我都即刻download 咗，咁可能因為我細個，媽媽都會check我手機，咁就比佢見到我有ig,佢襯我沖涼嗰陣自己delete 咗佢，到我沖完涼出嚟先知，我好唔開心，佢話到我中一就比我玩返，好，我等。

上年（2022年）我升中一，我話：「媽咪我中一啦，你應承過我中一就可以比我download 返ig㗎」點知佢話：話「我邊有咁講過啊，等你中二先啦」我心諗：你點可以咁，你明明應承咗我個喎。嗰段時間我真係好嬲，但我亦知道唔可以對佢亂發脾氣，所以我忍。

其實依家都2023年la,IG係一個全球有8-9成人都用緊嘅社交媒體，我身邊每一個朋友都可以用，呢個好正常，有啲爸爸媽媽甚至會互加ig,咁樣親子關係亦都一定更close，我真係好羨慕。其實我知道我媽媽擔心緊D乜：1.網上亂識朋友，俾人呃都唔知，2.沉迷於網絡世界，成績落後，3.網上接觸到一些不良好的資訊，其實小學中學都有教我地點樣小心啲，我亦唔係bb，我意思唔係覺得自己好大個，但已中學生也唔細個，我有能力去面對，知道須要小心D用ig ，但你有冇聽過中學生係冇Ig?我知道呢個唔係必須，但呢個係青少年喺青春期好須要嘅一樣嘢。

最後，我希望大家可以俾D意見我點樣同媽媽講，等佢知道其實Ig 並不是咁恐怖，好多人都有，而我真係因為呢個問題搞到好唔開心，成日喊，希望你哋可以幫到我，thanks so much!🙏

0 0 0

私人傳訊

alicewong18

伯爵府

積分: 17525

10^#

發表於 23-9-24 13:08 |只看該作者

小妹妹你真係好識諗，你可以動之以情寫信比媽媽，或生日快到嗎？可寫生日願望！

私人傳訊

PIGPIG朱

珍珠宮

積分: 41817

9^#

發表於 23-9-24 09:54 |只看該作者

Gladyssss 發表於 23-4-30 23:32
Hello咁多位Auntie Uncle,我係一個13歲中一嘅女仔，我有一個問題困擾左好耐，希望你哋可以幫到我，謝謝！&# ...

哈，我細個發生過同你類似既事，我小學五年級，同學話出街玩，我問媽咪，媽咪話六年級先，最後同學攪左次海洋公園，我媽跟埋黎，我都欣然接受。
六年級我問媽咪，媽話中一先，中一頭幾日我媽都送我反學，最後我叫佢唔好再送。
中二，我無再問佢，就甘日日出街，日日夜反，就係甘佢無再對我出街有任何意見。
幾年後我就嫁左。

私人傳訊

shamshamwong

大宅

積分: 4001

好媽媽勳章

8^#

發表於 23-6-23 11:53 |只看該作者

其實要互信關係.你講清楚你看IG 的內容,有時我地互TAG 資料俾大家看 (我小朋友中2)
我同阿囡各有互ADD 對方的.阿囡有ADD老師
不過IG 世界又真好虛假, 你都要好好過濾下.
本人覺得IG 多人SHOW OFF,多過分享, 哈.... D 相中人執到個樣, 我地真當笑話睇多.

私人傳訊

HSSBB

大宅

積分: 1993

7^#

發表於 23-6-23 06:45 |只看該作者

Gladyssss 發表於 23-4-30 23:32
Hello咁多位Auntie Uncle,我係一個13歲中一嘅女仔，我有一個問題困擾左好耐，希望你哋可以幫到我，謝謝！&# ...

我覺得你可以直接同媽咪傾下佢擔心D咩，而你又可以俾到D咩信心佢law,建立互信好重要呀!

私人傳訊

crystal5142000

子爵府

積分: 14745

2025勳章 2025勳章蛇年勳章

6^#

發表於 23-6-22 23:59 |只看該作者

可唔可以同佢講，其實好多同學同老師都有互相follow IG, 得你一個無，所以你希望download返。

私人傳訊

cha_wonderland

複式洋房

積分: 106

5^#

發表於 23-5-13 01:18 |只看該作者

回覆樓主：

本帖最後由 cha_wonderland 於 23-5-13 01:21 編輯

要擔心的反而有没有穩定生活，而唔係有冇得玩app。
講到咁遠，可能對小妹來說好遥遠。但幾十年好快過的。如果你係我個女，我都會怕你聽到呢的覺得好煩，好鵝鵝。
咁樣講，我要教的話，會要你自己先管理你自己的時間，生活，學業等。當你有了能管理自己生活的一套規劃，你就會係話事人。

如果得閒想傾下心事解下結，歡迎交流下。
Auntie *_^

私人傳訊

cha_wonderland

複式洋房

積分: 106

4^#

發表於 23-5-13 01:06 |只看該作者

Gladyssss 發表於 23-4-30 23:32
Hello咁多位Auntie Uncle,我係一個13歲中一嘅女仔，我有一個問題困擾左好耐，希望你哋可以幫到我，謝謝！&# ...

感謝你的分享。做過年青的我也感受到，你的不快樂經歷。我個人睇法就以下，我從没有科技到現在有AI，知道如果冇係咁e 跟下呢代人流行的事，的確難以找到朋友圈的共同話題。
我以前條件冇乜好得邊，所以睇返年青時，的確也有點遺憾。雖然係咁，我也如常活到現在。反而因爲人生經歷多左，會覺得係小兒科來。
我也用過email起到icq, msn, fb, IG, 看到的都十樣八九都係好影響人價値觀既資訊。後來而家cut 淨WhatsApp Line。冇事唔用，有事先開。
一來自己要做的事有優先，同埋定左只會當手機係工具，搵食的助手而已。唔會依賴。
（續）

私人傳訊

tw103

別墅

積分: 743

3^#

發表於 23-5-2 20:04 |只看該作者

Gladyssss 發表於 23-4-30 23:32
Hello咁多位Auntie Uncle,我係一個13歲中一嘅女仔，我有一個問題困擾左好耐，希望你哋可以幫到我，謝謝！&# ...

Hello 你吾使吾開心架，我係媽媽我都有一個12歲既女，我明白你媽媽諗乜。其實都係擔心你啫。

可吾可以咁牙？趁你媽媽心情好時，再同佢傾，解釋俾佢知其實你係有分寸，邊D資訊吾應該知，你係知既。甚至有冇諗過add 你mama IG? 等佢知道到底係乜野一回事。或者你同佢傾你最多玩幾耐，畀佢放心知道，玩IG唔會影響到你讀書. 你睇下得吾得？

私人傳訊

kakatimb

大宅

積分: 1878

2^#

發表於 23-5-2 15:03 |只看該作者

Gladyssss 發表於 23-4-30 23:32
Hello咁多位Auntie Uncle,我係一個13歲中一嘅女仔，我有一個問題困擾左好耐，希望你哋可以幫到我，謝謝！&# ...

直接將你所想同媽媽講，亦要講清楚比佢知你已經大個有你嘅思想，並對媽媽承諾等佢唔好擔心，例如你用ig主要係睇d乜嘢，通訊係咩人，set埋比佢睇你會拒絕接收陌生人訊息，等佢知道你會有分寸，諸如此類……
其實我都係做緊人媽媽，我女今年15歲了，我同我女相處係似朋友多過似母女，佢好多嘢都會同我講，我都係，會同佢講心事，分享大家開心唔開心，互相支持，我覺得，咁嘅關係先會長久，先可以大家一直好好相處落去。
你睇下以上意見對你有冇幫助吖，希望你同媽媽，一家人都幸福快樂。加油