懷孕前後 今日: 16 | 主題: 330493

積分: 6485

1^#

發表於 23-5-1 13:31 |只看該作者 |正序瀏覽 |打印

上年九月頭發現有咗二胎，第一次產檢時BB7W5左右心跳正常，之後流啡流血，再去照心跳已停，今年四月頭發現再有，明明所有棒兩條線都勁深色，仲諗住個天對我不薄，咁快俾返BB我，點知上星期日放工後去廁所開始流粉紅色分泌，星期一開始流啡，星期二即去睇婦產科醫生，照肚超見到胎囊但無胎心，當時正常6W6D，醫生話個size得六週，叫我俾啲時間BB，開咗安胎藥俾我，但之後開始流啡紅色血，幾日都係咁，星期五再睇自己婦產科醫生，照肚都係無胎心，BB size無大，都係同之前一樣，醫生話應該係空心胎，唔樂觀，叫我過多一個星期返去覆診，都有俾定安胎藥，呢幾日都係keep住流鮮血。。。

0 0 0

私人傳訊

NikkiChu09

別墅

積分: 600

75^#

發表於 23-7-6 17:12 |只看該作者

BO_NG 發表於 23-5-26 07:26
我睇到你咁講，我都好傷心！

一流啡就話要去睇，我同你一樣冇去。因為第一胎，乜嘢都唔識，以為係正常… ...

我已三次小產了打算去台灣驗同睇醫生

私人傳訊

積分: 4040

74^#

發表於 23-7-5 18:28 |只看該作者

babykathyli 發表於 23-7-5 18:09
我都係啱啱9週無咗(emoji)請問食咩supplement?

我今次備孕有食還原形Q10, 維他命D3, 綜合維他命，間中埋omega3,你可以睇吓嗰本養卵聖經

私人傳訊

babykathyli

別墅

積分: 574

73^#

發表於 23-7-5 18:09 |只看該作者

Yin807 發表於 23-5-25 09:04
我覺得年齡問題係，卵子質素會下降，我自己9週果次無check, 對上24週政府抽左成廿支血又抽埋我老公血話染 ...

我都係啱啱9週無咗(emoji)請問食咩supplement?

私人傳訊

積分: 4040

72^#

發表於 23-5-29 09:30 |只看該作者

Happi_Mum 發表於 23-5-29 00:31
我當年都係呀！一辭職都未離職就有咗。心情輕鬆真係好唔同。之後專心安胎養胎保胎。生左細仔

但係自己條 ...

你應該回望如果無咁做會唔會有遺憾
我諗辛苦得黎你應該有當中既快樂？
工幾時都可以再搵返，你d 小朋友大d
之後再搵野做，有排你做啊

私人傳訊

Happi_Mum

積分: 5738

71^#

發表於 23-5-29 00:31 |只看該作者

Yin807 發表於 23-5-3 20:39
啱啱辭左工，黎緊諗住再努力多次，希望成功。不過要好好調整自己個思想，諗多d 正面野，要強大個心理質素 ...

我當年都係呀！一辭職都未離職就有咗。心情輕鬆真係好唔同。之後專心安胎養胎保胎。生左細仔

但係自己條路就辛苦好多
冇左份好工
湊2個辛苦
養2個加上姐姐走左
搬大左經濟緊張好多
想出來part time 幫補家計都難
唉。有時都回望
自己係咪好傻？

私人傳訊

Happi_Mum

積分: 5738

70^#

發表於 23-5-28 23:34 |只看該作者

BO_NG 發表於 23-5-25 06:13
可唔可以介紹俾我？謝謝！

已pm 你 please check

私人傳訊

積分: 9706

69^#

發表於 23-5-26 07:26 |只看該作者

傲雪BB 發表於 23-5-26 04:11
我第一次產檢同第二次都好似係相差十幾日，第一次產檢係6/10，果次BB心跳好正常，Size同周數都吻合，點知 ...

我睇到你咁講，我都好傷心！

一流啡就話要去睇，我同你一樣冇去。因為第一胎，乜嘢都唔識，以為係正常…

我直頭唔使食藥，自己屙咗出嚟！

我仲要自己用隻手響馬桶執返個胎，猛咁問姑娘，呢個係乜嘢嚟？

我希望自己好快，隔多幾個月可以再懷孕…

我坐小月呢段期間，有睇人哋介紹既書：要養卵至少三個月，等嗰粒卵子受精後強壯啲！

你小產咗幾次，有冇找到乜嘢原因？我見你第三次成功，你有冇食過啲乜嘢或者做過啲乜嘢去加強自己身體？

私人傳訊

積分: 9706

68^#

發表於 23-5-26 07:16 |只看該作者

傲雪BB 發表於 23-5-26 04:02
你本身有冇小朋友？我覺得可能因為我有個仔，有時諗得阿Q d，都會安慰自己，雖然我小產咗四次，但都有個仔 ...

我仲未有小朋友，而家養好身體，希望過多幾個月，個天會送一個俾我…

係呀，你有一個仔已經好幸福！
如果你再有一個，就係bonus！

私人傳訊

傲雪BB

積分: 6485

67^#

發表於 23-5-26 04:11 |只看該作者

BO_NG 發表於 23-5-25 06:05
你第一次同第二次產檢隔咗幾耐？
其實有冇辦法知道原因點解BB冇心跳？

我第一次產檢同第二次都好似係相差十幾日，第一次產檢係6/10，果次BB心跳好正常，Size同周數都吻合，點知無幾耐開始流啡，20/10果日越流越多，瞓覺都無用，打俾姑娘話我一流啡應該即刻去睇，佢叫我即刻岀去，到我睇時醫生一照BB心跳已停咗，個胎仲已經有少許委縮，醫生話個胎都甩甩地了，之後就俾藥我返屋企做藥流，我第二日食完藥排咗好多血同血塊，但個胎係24/10去廁所時先成個排岀咗，諗返起都好傷心

私人傳訊

傲雪BB

積分: 6485

66^#

發表於 23-5-26 04:02 |只看該作者

BO_NG 發表於 23-5-25 06:03
你點樣走出陰影？
我依家心情好咗少少，但仲係唔開心！

你本身有冇小朋友？我覺得可能因為我有個仔，有時諗得阿Q d，都會安慰自己，雖然我小產咗四次，但都有個仔吖，比起其他好努力但都未有小朋友嘅人幸福架喇，心理上會好過啲囉。。。

私人傳訊

積分: 9706

65^#

發表於 23-5-25 15:16 |只看該作者

Yin807 發表於 23-5-25 13:24
我諗如果木耳咁勁，呢個世界唔使有人要去墮胎，我自己係藥流完都痴得好實排唔清，我唔信單單因為木耳有咁 ...

我都同你有一樣諗法，點會食嗰少少木耳就咁容易？只係如果知道，就盡量唔好食！已經食咗，就當係經驗，下次有機會再懷孕就注意飲食！

可能我本身捱夜多，成日飛來飛去！加上高齡… 我都冇諗咁多，睇吓自己身體有冇乜嘢問題? 同埋依家最緊要，好好養好身體，工我都選擇唔返！

你介紹我睇嗰本書養卵聖經，我睇咗大綱，仲未仔細睇，主要三個月內食 supplement ，養好卵子！我覺得好有道理！等我坐好小月，我就開始食！

好多謝你，謝謝！

私人傳訊

積分: 4040

64^#

發表於 23-5-25 13:24 |只看該作者

BO_NG 發表於 23-5-25 11:07
食咗木耳，下面有啲血，我冇理佢繼續食…

去到醫院嘅時候，已經血崩！

我諗如果木耳咁勁，呢個世界唔使有人要去墮胎，我自己係藥流完都痴得好實排唔清，我唔信單單因為木耳有咁大既威力。食左就算喇唔好再諗，認真去抽血check 一check, 會唔會有免疫問題排斥。

好多野都未必搵到原因，我自己都係一個例子，fb 有個「小產媽媽一起走」既群組，都有好多同路人互相support. 所以諗唔到既野諗黎無意思，人要向前望。不如諗下之後點樣鍛練自己身心，諗下食d 咩，做咩運動。你bb 都唔想你為佢難過，可能佢既出現係比你人生其他啟發。，加油la

私人傳訊

積分: 9706

63^#

發表於 23-5-25 11:07 |只看該作者

Yin807 發表於 23-5-25 10:44
政府都應該係驗下有無葡萄胎果d, 頭果次無特別會通知我有咩化驗結果，叫係會照下你排得清唔清。

但你係食 ...

食咗木耳，下面有啲血，我冇理佢繼續食…

去到醫院嘅時候，已經血崩！
醫生根本唔使用藥，自己排晒出嚟！

諗極都諗唔明，明明10日做產檢之前，都仲好健康！點解會無啦啦流血？

出院第二日去睇中醫，中醫講唔可以食木耳！先至諗返起流血嗰幾日，就係食咗幾餐木耳，我係當菜冷盤咁食… 加埋芝麻醬

私人傳訊

積分: 4040

62^#

發表於 23-5-25 10:44 |只看該作者

BO_NG 發表於 23-5-25 10:34
對唔住，聽到你冇咗兩次…

我前幾日小產，響醫院屙咗個胎囊，得10周大

政府都應該係驗下有無葡萄胎果d, 頭果次無特別會通知我有咩化驗結果，叫係會照下你排得清唔清。

但你係食左木耳個胎自己出左黎？定醫院藥流出？免疫凝血果d 抽血就ok, 你可能睇下其他post 我見都有同問check

私人傳訊

積分: 9706

61^#

發表於 23-5-25 10:34 |只看該作者

Yin807 發表於 23-5-25 10:10
不過我之前見有d 媽媽食魚生飲凍野都可以生左四個，所以只可以話好多野係整定，果時我流啡連行步路都驚， ...

對唔住，聽到你冇咗兩次…

我前幾日小產，響醫院屙咗個胎囊，得10周大
依稀記得姑娘話幫我拎去化驗，唔知下次去複診，知唔知道原因？

你話要拎胎盤去中大驗，但我冇胎盤，要驗呢啲：免疫凝血果d，染色體問題，抽血得唔得？

私人傳訊

積分: 4040

60^#

發表於 23-5-25 10:10 |只看該作者

BO_NG 發表於 23-5-25 10:02
我9周做產檢嘅時候，BB有心跳，好健康！
唔夠10日，有流血去急症，之後就話BB冇咗心跳… 咁啱嗰幾日有食木 ...

不過我之前見有d 媽媽食魚生飲凍野都可以生左四個，所以只可以話好多野係整定，果時我流啡連行步路都驚，果時我中醫都話如果係健康唔會咁易行步路就無左，所以真係要放寬心，唔好怪自己，我都曾經經歷過走火集魔咁戒口食隻蝦驚身痕，而家乜都食下都無戒咁清，人都開心d, 當然如果有左都要小心飲食。

因為我無左兩次，所以政府先幫我拎胎盤去中大驗，如果你經濟ok 可以去驗埋有無免疫凝血果d. 染色體問題係呢個時代都感覺普遍左, 世界太多污染，無論空氣啊食物，工作壓力，食外賣，你睇下本書有講，不過好難做足

好丫，放假抖下做運動鍛練下自己先

私人傳訊

積分: 9706

59^#

發表於 23-5-25 10:02 |只看該作者

Yin807 發表於 23-5-25 09:04
我覺得年齡問題係，卵子質素會下降，我自己9週果次無check, 對上24週政府抽左成廿支血又抽埋我老公血話染 ...

我9周做產檢嘅時候，BB有心跳，好健康！
唔夠10日，有流血去急症，之後就話BB冇咗心跳… 咁啱嗰幾日有食木耳，之後去中醫調理，中醫師話木耳係活血，唔食得

24周政府抽血先check？係正常程序？定還是係有乜嘢問題，政府先至幫你同老公check？

你意思係話高齡產婦普遍第一次好大機會小產？染色體問題，其實係咁啱嗰粒卵子有問題？

多謝你介紹本書俾我！

我依家直頭唔返工，全職養好身體，真係諗住備孕同生完BB，起碼一年半載後先再做嘢！

私人傳訊

積分: 4040

58^#

發表於 23-5-25 09:06 |只看該作者

BO_NG 發表於 23-5-25 08:52
我依家坐緊小月，我都希望幾個月後再試多一次！依家諗緊係唔係自己身體唔健康先至搞到小產？我依家37歲， ...

我果時都係做簡單婚前檢查，抽支血驗有無遺傳病嗰啲, 啱啱對上辭職就有搵婦科照多次個子宮卵巢同埋佢同我有做抹片檢查only

私人傳訊