吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 良言一句三冬暖惡語傷人六月寒

自由講場今日: 2517|主題: 1346492

收藏本版

發帖

返回列表

跳至頁

查看: 9118 | 回覆: 60

12 3 4

積分: 15883

2023年兔年勳章虎到金來勳章

1^#

發表於 23-5-8 13:27 |只看該作者 |正序瀏覽 |打印

語言嘅力量好大，讚美嘅話語可以療癒人，傷害人嘅說話傷疤可以留一世，你地有冇例子可以分享？
我個人嚟講，俾屋企人話過「累事」、「唔得力」、「出唔到嚟撈」等等，以前俾屋企人話過，最近又俾屋企人話過，其實呢啲說話好hurt, 以致有時返返吓工做嘢，一諗起呢啲說話手都震埋，明明無嘢發生，但認住好驚做錯嘢「累事」。

讚美嘅說話係小學時期聽過，以前無咁多娛樂，放學返屋企無聊係度攞住本音樂書吹牧童笛，不斷播CD練習一首難度較高嘅曲目。音樂考試當日，好似得我揀咗呢首歌，吹得好順，音樂老師話我「表現得無懈可擊」。每當我之後自尊低落，覺得自己好差時，諗起呢句「無懈可擊」，都會搵返啲自信心。所以我好多謝當年給予我讚美嘅音樂老師，仲記得佢姓朱，後來升咗做主任。

同時，亦警惕自己唔好講傷害人嘅說話，因為自己唔覺，但會對聽者帶來莫大傷害。唔好吝嗇對他人嘅讚美，分分鐘若干年後，可以將一個黑暗中嘅人拉返出嚟。

點評

Skytree1000

發表於 23-5-9 22:18

beebee67890

發表於 23-5-9 17:03

零食狂 :donutgood: 發表於 23-5-9 02:54

MICLOH168

發表於 23-5-8 18:24

hktwk

發表於 23-5-8 15:03

MrBeast

發表於 23-5-8 15:00

0 0 0

私人傳訊

Skytree1000

公爵府

積分: 26523

61^#

發表於 23-5-9 23:18 |只看該作者

本帖最後由 Skytree1000 於 23-5-9 23:36 編輯

回覆 obligation118 的帖子

多謝樓主分享，令我記起小學教英文的2 個教師，
一位是一個半唐番肥女人，
好惡會駡人, 所以英文反而不好，
另一個是代課英文老師，
是因為原本的老師要放產假，
來了一個只代課幾個星期的阿叔，
個阿叔不是學校老師，
外來的大可以不怎樣教，叫我地自修溫習便可，
但佢好有心機教我地英文，佢從不駡學生只會鼓勵，
又中意講笑令大家學習氣分好好，
例如教我地行超市見到罐頭上英文唔識要抄低，
又教我地點樣查字典（以前真係好多同學唔識），
好實用，後來英文進步完全係呢位教咗幾個星期的良師，而唔係小學六年的其他英文老師。

私人傳訊

mariefish

珊瑚宮

積分: 100932

父親節2025勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章 2021可愛聖誕B勳章牛年勳章 2018復活節勳章 FUN享自然‧郊遊一夏

60^#

發表於 23-5-9 22:37 |只看該作者

obligation118 發表於 23-5-9 20:57
好多時啲人用話人蠢嚟做鬧人嘅口頭禪，就你case嚟講，你唔係蠢喎。搵嘢某程度上都講彩數，個吓搵唔到就真 ...

小販嗰單真係激氣，我又唔係老馮幫佢㩒㗎，蝦小朋友

其他嗰啲真係濕濕碎，你愈喊佢愈得戚㗎，你唔在意佢就會無癮另找目標㗎啦

私人傳訊

obligation118

伯爵府

積分: 15883

2023年兔年勳章虎到金來勳章

59^#

發表於 23-5-9 20:57 |只看該作者

mariefish 發表於 23-5-8 14:58
細個啲大人成日話：蠢到死
搵唔到枝殺蟲水：蠢到死+發花癲一掌推埋嚟
有次仲無辜，等緊車立時，有個小販呀 ...

好多時啲人用話人蠢嚟做鬧人嘅口頭禪，就你case嚟講，你唔係蠢喎。搵嘢某程度上都講彩數，個吓搵唔到就真係搵唔到。

唔係你蠢，係小販無禮貌，下次學幾句日文傍身，見到呢類人講日文，等佢雞同鴨講

私人傳訊

mariefish

珊瑚宮

積分: 100932

58^#

發表於 23-5-9 16:53 |只看該作者

obligation118 發表於 23-5-9 13:52
睇到呢度真係有感而發，由細到大我都不乏俾人話過「蠢」，唔知係咪因為咁，我好討厭人地咁樣形容我。

我 ...

咁我細個冇喊，佢日日講我咪好忙

唔洗咁在意人哋講咩，以前試過有癲婆兜口兜面鬧咗我好耐（真係好小事無理取鬧），我當刻望住佢淨係諗：鬧完未啊你個鼻哥窿好大囉又醜，係咪未完成進化啊咁似猩猩（好煩有少少遊魂了）

視乎係咪真係自己出錯，做錯咪諗吓點改善，如果只係無理取鬧嗰啲，當佢耳邊風算

私人傳訊

obligation118

伯爵府

積分: 15883

2023年兔年勳章虎到金來勳章

57^#

發表於 23-5-9 13:52 |只看該作者

mariefish 發表於 23-5-8 14:58
細個啲大人成日話：蠢到死
搵唔到枝殺蟲水：蠢到死+發花癲一掌推埋嚟
有次仲無辜，等緊車立時，有個小販呀 ...

睇到呢度真係有感而發，由細到大我都不乏俾人話過「蠢」，唔知係咪因為咁，我好討厭人地咁樣形容我。

我數學成績好差，屋企人教我教到火遮眼，話我「蠢到不得了」，但於是無補，鬧完我數學都係咁差。

諷刺嘅係，出社會後擔任某份工係要計數，同時係客服。有一次我係電話度同客人鬧不愉快，對方自己計錯數，搞到佢自己有損失，反過嚟話我地無及時提佢，佢要投訴。後來提及計數個part, 我同佢講解點計，佢搶過話柄用一個比較快捷方法計，話咁計咪得囉，不忙補上一句「乜你咁蠢架！」。

某份工係銷售，當日生意好差，上司都有跑數壓力，但有時銷售都要講運氣，奈何差唔多檯檯客睇完就走，我唔記得同上司講咗咩，好似係閒聊間話今日唔知做咩，啲客睇完就走，上司回咗句「你蠢囉」，個下真係好hurt, 當日其實一見有客人就招呼，到頭來一句「蠢」抹煞晒你嘅努力，我好記得我當場喊出嚟。

俗語話「人蠢無藥醫」，所以我覺得話人蠢係無咩建設性嘅廢話，寧願話唔夠勤力都仲有得改進，話完人蠢，唔通會變聰明咩？反正我腦細胞同智商就係得咁多，但我唔認為話人蠢個個佢自己好聰明，每個人都有思維盲點，每個人都有唔識嘅嘢。

私人傳訊

obligation118

伯爵府

積分: 15883

2023年兔年勳章虎到金來勳章

56^#

發表於 23-5-9 13:19 |只看該作者

緣份的天空發表於 23-5-8 14:31
好多謝你o既分享,睇完我即刻whatsapp呀仔,話佢都聰明,只面用起適當處,一定有出人頭地的一日.(因為青春期,佢 ...

好羨慕你仔，我屋企人好少因為前途問題而鼓勵我，但我好記得屋企人曾經因為家族複雜問題，同我講「無論你咩決定都會支持你」，當時我情緒精神好差，聽到呢句先覺得安樂，亦覺得好感動。

三百六十行，行行出狀元，仔女最想無論最後咩決定（壞事除外），都得到屋企人支持。填詞人鄭國江話齋，唔好因為個行搵得多，明明唔中意都揀個行。