心聲留言 今日: 0 | 主題: 17504

積分: 23

1^#

發表於 23-5-12 13:44 |只看該作者 |正序瀏覽 |打印

本帖最後由 Hellomoms 於 23-5-12 14:04 編輯

我係part time 媽，通常朝早我負責陪個仔晏晝就比工人姐姐湊。事發已經係三日前，我工人姐姐帶我仔M 去公園玩。M 係遊樂場突然推倒另一位小朋友H，個小朋友當下冇喊，姐姐幫H 執返起個口罩帶返同埋扶返佢起身然之後M講咗sorry，去到呢一刻為止，未有大大人走近。姐姐再叫M攬返小朋友，然後M就突然再推人一次。當時姐姐已經即刻同M講緊咁樣做唔啱。然後就有嗰公公突然走上前掛左’M 一大巴，左眼即時紅左。公公立即拖住H就離開現場。我姐姐有叫住佢問佢做咩打小朋友，佢冇理，走左。

姐姐當下好訝異，冇即時影傷勢，過左一陣先影，睇落去已經冇咁紅。我二十分中後趕到場，當時有個印尼姐姐都目睹事件，我嘗試上前拎contact 不果。見遊樂場上有閉路，我心諗要告佢起碼有閉路，所以冇堅持。

姐姐陣述佢係用打大人力量打落去，佢打俾我個陣喊，再講番喊，夜晚訓覺又喊。因為佢好心痛。佢好錫我小朋友。佢唔係一個frequent 喊包，所以我判段個公公當下應該真係好大力，姐姐先咁traumatized。雖則阿仔而家睇落冇事，但係有機會有嘅心理陰影同埋會否影響耳膜，未知。只希望真係冇事。

佢地走緊時姐姐有影到佢地背影，跟據校服，搵到學校，學校搵到佢地，話公公都知自己唔岩，呀媽又知公公唔岩，呀媽願意出黎道歉。公公因為係長輩放下不了身段同小朋友道歉，只有媽出黎。我話明上一代難咁樣做既然知衰，所以我話ok媽咪代佢道歉。俾左我連絡電話對方媽。

連絡左出左黎佢地講既同校長講既係兩回事。出到嚟婆婆媽咪同埋小朋友，淨係有婆婆講媽咪冇乜講嘢。基本上佢哋係有道歉，但係一啲都感受唔到佢地明白道歉緊乜。以下

一一令我覺得佢哋唔係真誠道歉。

個校長表達到公公係有歉意，但係唔想放下身段同小朋友道歉，我先至接受淨係佢媽咪同埋婆婆出嚟。但係出到嚟佢哋自己又爆呀公公原來叫佢哋唔好出嚟，我仲聽到佢話公公唔知佢哋出嚟，我即刻捉住佢呢點嚟講，咁即係佢冇歉意？之後佢又再改口話”佢知道我哋出嚟，但係佢叫我哋唔好出嚟”
我同佢哋解釋呢個歲數嘅小朋友推推撞撞其實真心好正常，10個阿媽九個都係咁講，學校老師一樣係咁樣教育家長。佢哋仲學習緊乜嘢係岩咪喺錯，但係當然咁樣唔代表我哋認為小朋友M推佢係岩。佢阿媽居然細細聲同個小朋友H講 ”喂咁你去推佢(M)啦” - 我真係想同佢講返去睇多啲育兒書
婆婆再三強調，M點樣一次兩次特登去推佢小朋友。唔係第一次，所以公公先至深切”兩隻手推開”佢，我再重伸兩至三歲小朋友佢哋仲學緊點樣控制自己乜嘢係啱乜嘢係錯。佢作為公公好憤怒我會明，因為佢個孫俾人推咗兩次，但作為大人佢應該有足夠能力識得要控制好自己情緒同行為，你可以同小朋友講咁樣唔岩，唔係將憤怒發洩喺小朋友身體上。個婆婆反拗話”咁我哋大人有時都控制唔到自己啦” 再叫我哋教好啲個仔
佢話兩隻手推開，後尾我再問多姐姐一次，一定唔係兩隻手係一隻手大力打落去佢塊面度，隻眼紅晒，當時仲有個印尼工人證人，你要”推開”可以推身點解係會推塊面
姐姐陳述當下H冇喊，但係佢哋再講返出嚟，話自己個小朋友個下喊，話自己個小朋友平時好少喊，個吓佢喊，所以公公好深切，先至會咁做。小朋友H當下冇喊，一係就公公講大話，一係就佢哋夾埋。
個婆婆話比着係佢，佢都會同樣咁樣做，咁樣做係”正常反應” - 摑番轉頭原來係正常反應？？
婆婆居然仲嚇返我轉頭話我哋唔好下下話報警，我哋個仔推佢個仔佢都可以報警 - 但其實我自問已經好收斂，因為我奶奶接受唔到公公唔出嚟道歉，話會報警，所以出嚟前我有同過佢媽咪提過，建議佢再勸公公出嚟。第二次再提就係因為佢拗公公只係推開佢，我話其實嗰度有閉路電視，另外想問你報警charge 啲乜, 兩歲”傷害”你兩歲？
婆婆講到話自己以公公老婆嘅身份出嚟，以一個長輩身份出嚟道歉，問我哋仲想點？ - 剩係得佢哋講話H喊，又話公公只係推開，話當然只係公公陳述佢哋唔知實際情況，既然係咁點解當事人唔出嚟解釋呢？而係要請代表，佢仲話好似你去飲咁都係請代表 wtf?!
我同佢哋講姐姐有幾咁受驚嚇，喊咗咁多次，個婆婆嘅反應居然係陰陰嘴笑，有同理心嘅都會明白，其實見到個畫面係好駭人，點解會可以笑得落？

我見解係，我小朋友一定唔啱在先，佢推到第二個小朋友先，其實小朋友咁做作為家長已經夠晒尷尬亦都好氣餒，我哋每日都同佢講每日都提佢，有呢啲事情發生一定會好認真坐低同佢傾。我哋絕對唔係縱容佢。但小朋友兩至三歲冇自我控制能力，今日同佢講完唔代表佢聽日唔會再做，作為家長，我只可以有耐性地重複再重複咁教導佢。我自己都會失去耐性，但係我點都唔會打小朋友，唔係我哋嘅教育模式。佢作為公公好憤怒我真係明。但我小朋友就算幾唔啱都好，佢涉及到暴力去對返小朋友我覺得絕對講唔過去。

公園為埋幾個姐姐都識得嘅道理，呢兩公婆唔識個阿媽都唔識，再怪我冇教好個仔，但係轉個頭自己教佢個仔推翻我個仔轉頭，但而家冇嘢可以做到。。真心好嬲。

0 0 0

私人傳訊

chadtanner

侯爵府

積分: 20335

23^#

發表於 23-5-29 03:41 |只看該作者

yaubb2014 發表於 23-5-14 14:33
口罩跌左，我唔会再戴，你工人仲同H戴返？推人一次，工人叫M去攬返H，有乜好攬？如果知道M慣性推人，叫工人 ...

私人傳訊

chadtanner

侯爵府

積分: 20335

22^#

發表於 23-5-29 03:39 |只看該作者

SUMSUM_88 發表於 23-5-13 15:24
佢公公在M第一次推H，見姐姐扶起，相信佢諗住算數，但M不知悔改，再推多次，佢衝動打你仔唔啱，但如果你係H ...

認同

私人傳訊

chadtanner

侯爵府

積分: 20335

21^#

發表於 23-5-29 03:38 |只看該作者

阿伯打小孩係唔啱，但如果我有小朋友，知道他會見到M的話，我會驚，見到阿伯反而唔會驚

私人傳訊

spikenard

水晶宮

積分: 72185

20^#

發表於 23-5-28 23:49 |只看該作者

回覆樓主:

你個小朋友推人小朋友2次，推跌！知唔知推跌會受傷的。伯伯打你個仔，你心痛，人家細路比你個仔推跌就輕描淡寫，仲覺無乜野！阿公嬲到打人，有冇諗到你細路整到人幾痛！人家也是人類，有痛的神經！

我細路若被人連蝦2次整傷佢，唔係sorry就解決到，我都好怪獸的打回轉頭。

私人傳訊

circle212

積分: 5336

19^#

發表於 23-5-28 01:50 |只看該作者

大人打小朋友一定唔啱，但你都唔可以理直氣壯咁話呢個年紀推推撞撞好正常！M推左H兩次，你個仔係你既心肝寶貝，人地個孫何嘗唔係？事情發生咗，正確啲要諗下要點教個仔唔好再推人地

私人傳訊

mariefish

珊瑚宮

積分: 100694

父親節2025勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章 2021可愛聖誕B勳章牛年勳章 2018復活節勳章 FUN享自然‧郊遊一夏

18^#

發表於 23-5-17 08:30 |只看該作者

Hellomoms 發表於 23-5-12 22:54
回覆 maggie.tang 的帖子

噢，我當刻真係以為一個公園圍埋工人姐姐都明嘅道理，正常人都明，可能我表達得 ...

嘩人哋嘅回應唔合你心意，你就攻擊人哋冇工人姐姐嘅分析能力….呀伯打小朋友一定係唔啱㗎嘞，但係你真係要教好自己個仔先，今次推人冇出事啫，咁下次呢？下次如果人哋仔受傷呢？咪又係只可以得到你嘅道歉，你以後唔好比你仔靠近其他小朋友好啲喎，等佢慢慢咁學習咗唔攻擊人先同其他人小朋友玩，因為其他人唔會知道你要慢慢學習到幾時先係安全嘛

私人傳訊

fifiger

積分: 9415

17^#

發表於 23-5-16 17:35 |只看該作者

咁你個仔有無同人地個仔道歉

私人傳訊

Heman2001

積分: 6987

16^#

發表於 23-5-16 00:49 |只看該作者

Hellomoms 發表於 23-5-12 13:44
我係part time 媽，通常朝早我負責陪個仔晏晝就比工人姐姐湊。事發已經係三日前，我工人姐姐帶我仔M 去公園 ...

先唔講育兒方法，一個大人打另一個小朋友而且仲有明顯傷勢，基本上都係要報警處理

私人傳訊

ben.caltex

大宅

積分: 4633

15^#

發表於 23-5-15 21:34 |只看該作者

owla 發表於 23-5-15 03:38
想知樓主之後約左對方屋企人出黎有冇叫你個仔同h真誠道歉?

應該冇，所有著眼點係自己果邊做乜都係小朋友係正常嘅，人哋做乜都係不合情不合理不合法，重點係點樣可以報仇。

私人傳訊

owla

積分: 9329

14^#

發表於 23-5-15 03:38 |只看該作者

想知樓主之後約左對方屋企人出黎有冇叫你個仔同h真誠道歉?

私人傳訊

SUMSUM_88

子爵府

積分: 10422

13^#

發表於 23-5-14 16:06 |只看該作者

Hellomoms 發表於 23-5-14 07:17
回覆 SUMSUM_88 的帖子

重申我唔係話冇問題，M 唔岩在先老早就認，但重點小朋友要慢慢教，佢教完係咪立即 ...

我之前都有講公公打人唔啱，個仔俾人打一定好心痛，但我着眼點係先教好自己個仔，我會用呢件事去教個仔，公公打人唔啱，但你推人都唔啱

私人傳訊

yaubb2014

伯爵府

積分: 16942

12^#

發表於 23-5-14 14:33 |只看該作者

回覆樓主:

口罩跌左，我唔会再戴，你工人仲同H戴返？推人一次，工人叫M去攬返H，有乜好攬？如果知道M慣性推人，叫工人睇緊啲，好在平地，如果樓梯上或滑梯上，出事樓主又会不会仲甘講？影響埋人地幼稚園就唔好囉，錯不在H

私人傳訊

積分: 23

11^#

發表於 23-5-14 07:17 |只看該作者

本帖最後由 Hellomoms 於 23-5-14 07:21 編輯

回覆 SUMSUM_88 的帖子

重申我唔係話冇問題，M 唔岩在先老早就認，但重點小朋友要慢慢教，佢教完係咪立即就識改我相信唔係，我地講完再講佢都可以繼續。每個小朋友性格同吸收能力都唔同，作為家長只能講完又講。
你話俾著我會否忍唔住摑佢，我可以話絕對不會。我想確保小朋友安全可以立刻withdraw 小朋友，唔係用不合法的方式。

我懊惱我小朋友既行為，我憐憫佢小朋友被影響同感到抱歉，但絕不認同公公既做法。當然每個人parenting philosophy 不一樣，佢分分鐘係屋企就係咁”教”佢自己小朋友，well I’m sorry for the kid, 但佢不需要將佢個套用在我小朋友身上。

件事既重點唔係我小朋友推左幾多次了，係佢犯法。

私人傳訊

SUMSUM_88

子爵府

積分: 10422

10^#

發表於 23-5-13 15:24 |只看該作者

佢公公在M第一次推H，見姐姐扶起，相信佢諗住算數，但M不知悔改，再推多次，佢衝動打你仔唔啱，但如果你係H阿媽，你都未必忍得住
你話小朋友推人冇問題？推到人哋口罩都甩埋？仲一推再推？你仲話冇問題？唔怪之得你仔會咁推人

私人傳訊

lojo11

翡翠宮

積分: 97426

2024年龍年勳章牛年勳章

9^#

發表於 23-5-13 11:37 |只看該作者

我接受唔到一個大人去掌刮個兩歲小朋友... 個位公公太過份...

私人傳訊

積分: 23

8^#

發表於 23-5-12 23:04 |只看該作者

回覆 yycc1234 的帖子

🥺有部份嘅我真係好想照去報警。但係呢件事上面已經好咗好多心力勞力，我唔想再去經歷去差館報案錄口供再花多幾個鐘，得來嘅係乜嘢都起訴唔到，當刻喺醫院咨詢左個警察，老公又問過律師朋友，阿仔而家冇明顯損傷，好難charge咁講，下次就會學識了同樣事情立刻報警。而家選擇努力去釋懷件事了。感謝你❤️

私人傳訊