吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 亞運(6日)港隊獎牌(1金)資訊帖(持續更新) ...

自由講場今日: 119|主題: 1348929

收藏本版

發帖

返回列表

跳至頁

查看: 2862 | 回覆: 58

亞運(6日)港隊獎牌(1金)資訊帖(持續更新) [複製鏈接]

12 3

observer

伯爵府

積分: 18274

2024年龍年勳章牛年勳章

1^#

發表於 23-10-6 09:02 |只看該作者 |正序瀏覽 |打印

本帖最後由 observer 於 23-10-6 18:08 編輯

亞運進入尾聲，港隊仍然有不少運動員參與比賽。
先講霹靂舞，或者我哋習慣叫佢break dance，呢種運動最出名嘅當然係同人battle 啦！
今次亞運加入呢個新項目，而我哋香港亦都有兩位男選手同兩位女選手加入競賽。
喺度希望佢哋能夠資格賽晉级，進入小組循環賽。之前選手努力爭取佳績。
比賽14:30先舉行男子資格賽15先舉行男子資格賽，能晉級小組賽就會喺16:15分開始循環賽爭奪出線名額。
15:30 就舉行女子資格賽，晉級小組賽就會喺18:30開始循環賽。

馬術比賽進入最後一項賽事個人場地障礙賽，香港隊有三名選手參加，第一輪比賽係九點開始，唔知有冇直播睇，希望佢哋爭取好成績。

已經開始比賽嘅女子10公里馬拉松游泳，港隊林柏彤同聶𦭒彥參與競逐，支持佢哋爭取佳績。

今日9:00舉行既攀岩男子個人兩項全能半決賽，2位港隊選手晉級參加，何卓希同陳翔志。支持佢哋努力爭取佳績。

橋牌比賽係最後一日，香港男子團體係前兩日嘅決賽分節領先印度隊，希望喺今日最後三節保持領先，拎個金牌返嚟！

花樣游泳終於開始比賽了，而港隊亦都有選手參加。
14:00會先進行雙人技術自選比賽，港隊嘅莊逸芙同李娜迪將會表演，支持佢哋爭取佳績。
晚上19:30嘅團隊比賽，集體技巧自選，香港隊亦會參加。
雖然對比花樣游泳強國，就算冇辦法進入前列，希望能喺中下游位置，唔做榜尾大班我已經覺得係成功了。

今日舉行嘅龍舟比賽，香港隊繼續志在參與，所以男女子嘅龍舟1千米競賽都有香港選手參加，基本就入唔到決賽，要進入小決賽，祝願佢哋努力喺小決賽排名進步。

昨日劉慕裳係女子空手道個人形攞咗面銅牌，冇辦法啦，邊個叫抽籤唔好彩，啲強手全部走埋一組，基本上邊個係呢組攞到第一，呀就會拎金牌，因為對面嗰組⋯⋯呵呵！
可惜劉慕裳比日本選手爭少少分，咁就要走去爭銅牌了～
今日港隊都有選手參加重量級嘅比賽，周家謙參加男子組60公斤及十六強比賽，支持佢努力表現。

今日港排球同水球都係進入排位賽嘅比賽，男子棒球繼續進入循環比賽排位。
我應該講晒今日港隊嘅比賽掛，如果掛一漏萬，敬請見諒，喺度希望各港隊選手，努力加油，爭取佳績。

UPDATE:橋牌男子團體比賽，港隊積分遙遙領先印度隊，已經肯定獲得金牌。

0 0 0

私人傳訊

observer

伯爵府

積分: 18274

2024年龍年勳章牛年勳章

59^#

發表於 23-10-6 21:40 |只看該作者

男子攀岩兩項全能賽事結束。港隊陳翔志最後與第六名完成賽事。
祝願佢以後繼續努力，爭取佳積。

花樣遊泳，港隊喺集體技術自選比賽，成績敬陪末座。 8代裏面得分最低。
唔緊要，最緊要就係多吸取參賽經驗，努力進步。
喺未來兩日嘅比賽，盡力表現。

港隊今日嘅比賽，大致上已經完結。除咗象棋比賽，第六輪尚未結束，支持港隊，加油。

私人傳訊

observer

伯爵府

積分: 18274

2024年龍年勳章牛年勳章

58^#

發表於 23-10-6 21:21 |只看該作者

thomaswop 發表於 23-10-6 21:03
射箭吾是韓國傳統強行咩
幾項都輸比印度

雖然香港射箭唔入流，不過喺東京奧運見到啲射箭，覺得幾好睇，又見南韓都好勁，諗住亞運，會唔會得中國，中華台北，或者啲中亞國家，可以同佢鬥啦，因為見資格賽，真係韓國選手喺前列㗎嘛，當然我亦有啲驚訝，見到有印度選手都排喺前列。
所以隨著比賽一路發展，見到印度選手喺淘汰賽度過關斬將。最恐怖係有個男子項目，居然係兩位印度選手入去爭金牌。
所以我忍唔住另外開個post講呢樣嘢

對比上屆亞運，印度排第8，得15面金牌，總獎牌總數69。今屆印度，已經升到排第四，暫時已經攞咗22面金，獎牌總數95。
未計聽日，兩個印度選手喺射箭爭嘅金牌。

人口最多國，睇嚟想發展體育事業，或者有人想爭做亞洲一哥吧

一個新興勢力升起了。

私人傳訊

thomaswop

子爵府

積分: 10390

57^#

發表於 23-10-6 21:03 |只看該作者

observer 發表於 23-10-6 20:32
我都高興，反正三哥喺韓國佬射箭專項度都搶走幾個金牌

橋牌都係留返香港報上屆之仇好啲 ...

射箭吾是韓國傳統強行咩

幾項都輸比印度

私人傳訊

observer

伯爵府

積分: 18274

2024年龍年勳章牛年勳章

56^#

發表於 23-10-6 20:32 |只看該作者

KINGMAX 發表於 23-10-6 20:12
真的高興
印度佬毫無還擊之力

我都高興，反正三哥喺韓國佬射箭專項度都搶走幾個金牌

橋牌都係留返香港報上屆之仇好啲

私人傳訊

observer

伯爵府

積分: 18274

2024年龍年勳章牛年勳章

55^#

發表於 23-10-6 20:25 |只看該作者

繼港隊男子選手出局，港隊兩位女選手亦都喺分組賽三戰全敗出局。冇辦法，分組賽採取 battle ，裁判覺得邊個跳得好啲，咁就投票俾佢。
而喺資格賽表演，香港兩位選手個排名亦都好低，證明喺裁判眼中，佢哋嘅成績亦都唔屬於上遊。加上佢哋分組，因為排名低只會配排名高嘅選手。
寄望各位港隊選手，繼續努力，係以後嘅比賽爭取佳績。