亞殘運進入倒數第二天，將會係狂出獎牌嘅時候，港隊喺眾多項目都進入爭奪獎牌嘅白熱化階段。
32台昨日預告節目，節目會喺9:55分開始，暫時選擇上午轉播嘅項目係乒乓球半準決賽，兩場羽毛球決賽，仲有游泳項目。
我明白港台節目係應該有個態度，冇理由只側重某啲項目，所以朝早有幾個項目都會進行半決賽，又有港隊選手參加，咁梗係有取捨啦。
不過，話雖如此，輪椅劍擊依然係每日必播嘅賽事，不過好彩，佢已經唔再霸佔固定時段了！
所以其他早上會進行嘅比賽，譬如草地擲球同硬地滾球既半決賽，
我都會通報賽果。反正港台未必攞到所有節目嘅衛星訊號，特別係草地擲球，
既然港隊有運動員可以去到四強，有機會競爭獎牌，咁當然要關注啦。
呵呵！羽毛球賽事嘅賽程表出咗嚟了，SH6級男單決賽將會10點開始，咁係咪唔播乒乓波賽事而轉播羽毛球賽事呢？
定係做咗港隊乒乓波混雙XD22級四強比賽，將羽毛球嘅金牌戰延後播映？
係咪有啲本末倒置呢？但係乒乓波亦係淘汰賽，贏唔到就出局！
問題出咗係要播放嘅混合雙打四強賽，或者叫做準半決賽，佢係要等上一場賽事完結先會開始，暫定比賽時間10:15，比羽毛球金牌戰仲要遲15分鐘。
萬一上一場比賽打長咗時間，咁點呢？
放著金牌戰唔直播，去等唔知幾時先可以開始嘅混雙準半決賽？
我好期待，當32台節目開始時，
個主持會宣布，佢哋會播邊一場比賽。
喺度預祝今日比賽嘅各位香港運動員，努力加油。
Update:
朱文佳在 羽毛球男單SH6級，奪得金牌。
朱文佳夥拍王鎮炎，在羽毛球男雙SH6級 決賽， 不敵國家隊組合， 獲得銀牌。
港隊唐志銘，蔡慶霖在乒乓球男雙MD14級奪得銅牌。
草地投球混合雙人B3級， 港隊鄧子朗/陳嘉敏，決賽不敵國家隊組合， 獲得銀牌。
硬地滾球混合雙人BC4級決賽，港隊梁育榮/張沅組合， 不敵國家隊組合， 奪得銀牌。
硬地滾球混合雙人BC3級決賽， 港隊謝德樺/何宛淇組合 不敵韓國組合，奪得銀牌。
草地擲球混合雙人B2級決賽， 港隊李志明/鄧順儀組合， 擊敗國家隊組合，奪得金牌。
乒乓球男雙MD18級半決賽， 港隊王志賢/何嘉盛， 未能擊敗日本隊， 獲得銅牌。
乒乓球男雙MD22 半決賽， 港隊兩支組合分別不敵日本同韓國組合，奪得兩面銅牌。
乒乓球女子WD22級半決賽，兩支港隊組合內戰， 結果吳王組合擊敗雙黃組合， 所以黃家汶/黃佩淇獲得銅牌。
乒乓球女 雙WD14級半決賽， 港隊 王愉程/焦瑾珊組合，3:2力拼不敵泰國隊， 獲得銅牌。
遊泳項目：
女子200米混合泳，港隊有3位選手進入決賽， 除咗陳睿霖，仲有張可盈同劉肖儀。
最後喺日本選手以破大會紀錄成績奪冠！ 港隊陳睿琳只能屈居亞軍，收穫銀牌。 隊友陳瑞林只能屈居亞軍， 隊友張可盈游第三得銅牌， 劉肖儀第8名。
男子200米混合泳， 港隊有兩位選手進入決賽。 不過對住實力強勁嘅日本選手， 佢又要破大會紀錄成績奪冠！ 而港隊鄧韋樂游第二得銀牌，隊友黃漢彥游第四名。
恭喜各位得獎運動員 
，希望繼續努力，爭取佳積。
發表於 
日本選手經驗十分老道，小哥要努力，唔好畀佢攞咁多分 
返回列表
