美容扮靚今日: 15|主題: 138233

收藏本版

回覆發帖

返回列表

跳至頁

查看: 31154 | 回覆: 22

剪髮中大伏 [複製鏈接]

Better_Day

複式洋房

積分: 315

1^#

發表於 23-12-6 11:40 |只看該作者 |正序瀏覽 |打印

大伏尖沙咀Mood Salon髮型屋
《尖沙咀金馬倫道30-32號金馬商業大廈一樓全層》

睇到Instagram廣告而搵左個叫Tim Lau髮型師，唔願意同客人溝通，零耐性，見佢仲係要主要幫準新娘整頭，所以覺得要分享一下。

▪️剪髮▪️提起上一手髮型師剪衰左個頭，特別想修正改善呢個問題，叫佢修正，佢就話係我自己問題，之前髮型師無剪錯。

我之前一俾人剪衰左後即時請教過一位髮型師，個髮型師一睇都話係錯手剪得太深導致，其實普通常人都知啦，但呢個人就成個剪髮過程暗示話係我問題，我請教嗰位髮型師都已經係開班授課，最好笑係佢兩個人係識對方，我就覺得佢唔識剪，搞唔掂就懶話無救。

我提出想修多少少佢就好不耐煩咁又再暗示唔係上手剪錯，係我問題，即係我唔好要求佢做野，其實普通人出去剪髮大多數十年如一日都係要求咁剪，突然有次剪衰左，有咩出奇?????

佢寧願吹到係我頭髮改變左生長方向，都一定唔係髮型師問題，總之就一定係我錯，我自己問題，之後話我頭髮左右唔對秤，又話係我之前要求上手咁剪所以剪成咁，Are you serious? 睇下佢講咩，我就廢事再應佢，毫無意思，係顯示自己有料同見解獨特定唔識剪呀。

▪️染髮▪️之前whatsapp俾左兩張佢既作品當參考，佢當時已經叫我染其中一隻色，之後話到時再同我傾，到當日又係話要我染佢之前WhatsApp 叫我染嗰隻，我話想睇色版，佢拒絕，唔肯俾色版我睇，態度極差咁話睇無用既！最後都係由佢決定～從未遇過咁既髮型師。

▪️染髮全程交由助手處理，完完全全消失，
連檢查一下再沖水都無，染髮劑掂到條頸都係第一次，染完過水過得唔夠乾淨，但助手態度友善，
染完助手幫埋我吹頭，吹到7788助手就whatsapp 通知佢，佢就用直髮幫我夾下，
之後連拎塊鏡照下後面都無，真正剪就十分鐘左右，真係筍工～

▪️髮型屋環境唔夠乾淨企理，俾條毛巾攝完返屋企皮膚有啲過敏（都係第一次遇到）

之後上網搵下睇下呢間有無人中過伏，
喺連登lihkg搵到呢個留言，唔同髮型師，但間野既髮型師都好有問題。

個Tim Lau IG 同FB 寫既地址唔同，IG Followers 同Like 既人數唔成正比，估計應該都係買返嚟。

我唔知有咩咁得罪佢？其實如果唔想剪可以唔好接我個booking，咁又係呀，真正做野剪加埋後面夾頭髮有無20分鐘？$750唔係貴，但值咩？

我都唔想貼錢買難受，剪個髮都受你氣，仲有面吹到自己好盡責，叫新娘子交個頭俾你？？如果嗰位人兄睇到麻煩你檢討同改進一下自己。

我句句屬實，如果唔係唔會打咁大篇，
希望大家唔好再中伏，但幫唔幫襯始終係你自己選擇。