自由講場今日: 52|主題: 1351619

收藏本版

發帖

返回列表

跳至頁

查看: 1274 | 回覆: 0

專科醫生治療 [複製鏈接]

v921v

複式洋房

積分: 168

1^#

發表於 24-4-4 17:31 |只看該作者 |正序瀏覽 |打印

想問吓大家意見,本身我公司減人手,以前部門四個人而家得返兩個人,跟住仲要我上司走咗，而家得返我一個人,佢已經走咗三個月，但係而家都仲未請到人,工作量非常大,我本身都諗住裸辭,休息吓,但係點知做身體檢查嘅時候發現有一個加嘅蛋白尿，跟住普通科醫生轉介咗我去腎科，但係做咗檢測就係話嗰個微球蛋白/肌酸肝比率超標，但照咗超聲波泌尿系統同腎冇問題，最新一次做檢測報告見到主要係嗰個抗核因子超標我係1/640，正常係應該細個1/80,最新醫生係開咗一個月嘅治療蛋白尿嘅藥俾我食，叫我兩個星期之後,驗血同驗尿,係檢查嗰啲藥有冇效同埋免疫系統同類風濕相關.如果辭咗職冇咗公司保險之後去睇專科同埋化驗費都好貴,睇一次專科醫生都要千幾蚊同埋化驗費，每次都二千幾蚊,(而家就係公司保險包晒，但係同一個病症化驗費公司保險每年淨係包$8000我而家都用咗七千幾蚊,三次化驗)而家大概係一個月去見兩次醫生同化驗一至兩次,我又唔知道到底要幾長時間先可以知道自己係咩病,同埋要治療幾耐，聽日約咗政府普通科醫生帶晒啲報告去諗住問吓有冇方法可以喺政府醫院嗰度醫.跟住頭先睇咗門診保險，但係我又見寫話與已經存在嘅疾病係唔保咁我唔知我呢個情況如果之後去睇專科醫生嘅話究竟係包唔包？請問大家有咩意見？我自己個人就真係好想辭職因為真係好辛苦，thx

暫時自己係冇咩症狀或者痛症,所以都唔知喺邊度出事