自由講場今日: 1772|主題: 1363269

收藏本版

發帖

返回列表

跳至頁

查看: 3010 | 回覆: 10

何守信返港開咪講近況 83歲何B堅持每日做運動:我真係好鍾意 [複製鏈接]

elbar

公爵府

積分: 27626

1^#

發表於 24-5-6 09:23 |只看該作者 |正序瀏覽 |打印

▲ 何守信回港台與一班主持做最後一集的《開心日報》。

現年83歲的「金牌司儀」何守信（何B）於2018年主持完世界盃節目回加拿大與太太陳麗斯過退休生活。與香港觀眾沒見面一段長時間的何守信在今個農曆新年返港，並與一班多年好友敘舊。

本來何B回港十分低調，，因為「大姐明」林建明在2月於個人社交平台上載二人合照，令何守信行蹤曝光。不過大家以為何守信已返回加拿大，原來仍在香港，在前日（5月3日）更以嘉賓主持身份上港台節目《開心日報》。

金牌司儀寶刀未老

何守信曾為《開心日報》主持，因為港台改革因此該節目要結束，所以何守信上節目與眾主持杜雯惠、黃桂林、譚永標（標爺）、范莎莎（莎莎）、余凱祺、楊曜聰（洋蔥）、梁柏謙（謙仔）開咪。

久未開咪的何守信寶刀未老，仍然十分口齒伶俐：「點解咁嘅？我幾年前都唔係咁開始嘅？第一句...唔記得...但多數都係早晨大家咁！」提到節目已是最後一集，何守信幽默地問大家：「有冇遣散費？」

何守信堅持每日做運動

對於今次回港，他透露其實近年經常返香港，只是沒有特別公開，稱：「呢次返嚟你哋咁快知道，多謝大姐明，大姐明係好有我心，冇人知我返，我返嚟就聯絡咗亞視監製霍澤基，我同佢不嬲都有來往，我哋每年都會打一場麻雀。霍澤基同大姐明好熟，俾佢知道，佢話：『何B返嚟，我要見佢，我要去你食飯嗰度一齊食飯，見吓佢啫！』見吓，我咪OK囉！嚟到要影張相，點知呢位阿姐好鍾意掉上facebook。」

很多網民看到何B近照都覺得仔保養得不錯，他透露自己沒有甚麼養生之道，但每日都有做運動的習慣：「我真係好鍾意（運動），自己做有，亦都鍾意睇。」

溫提「老友記」量力而為

不過，何守信回憶指自己當年曾打甲組籃球，也有踢足球，但也無奈稱：「一把年紀，好多運動我係做唔到。」指自己約40年沒打過籃球40。

所以他節目「溫提」聽眾做運動雖然好但上了年紀便要量力而為，稱：「我哋呢啲年紀好容易受傷，有個概念『自己以為仲得』，但原來唔得！我話畀聽眾、朋友知，你經常運動唔使好劇烈，如果能夠堅持每日都步行，就已經好好，唔係跑步，係步行。」

何守信續分享心得稱：「可以急（行）可以慢（行）可以隨意，而且千祈唔好定我今日要行1萬步，我今日要行個半鐘，我的經驗，步行不需要定行幾多，你盡量隨意去行，鍾意時行快些，攰就行慢些，到微微出汗就收，只要每日堅持就好好。」

他指打高爾夫球是適合自己現在的運動，有時也會打羽毛球，但提醒說：「早幾年，我有一、兩次忍唔到（追波），我都仆咗一跤，我就醒起，何守信，你依家唔係40年前，我就好輕微咁郁吓，個人意見，我唔係好鍾意去gym，一來我好鍾意戶外，見到太陽、新鮮空氣我就開心，攞吓錏鈴，我自己郁手郁腳都唔知幾好。」

主持《歡樂今宵》影響生活習慣

至於飲食方面，因為當年主持《歡樂今宵》所以慣了夜睡，此習慣到今也改不掉，因此也影響沒有食早餐的習慣，稱：「以前做《歡樂今宵》，每日返下午兩點，每晚收工唱晚安歌都已經係11時15分，咪咪摩摩返屋企都唔使諗啦！唔好講食宵夜，點可能唔夜瞓呢…日子久了，凌晨12點至3點，我自己控制，冇人可以騷擾我，我好多嘢做，時差問題，我好鍾意睇體育節目，無論英超、NBA，甚至係優霸盃都唔會錯過，我係睇live。」

另外，何守信透露今次返港與親友見面外，還北上去了中山及珠海探堂弟，並去台灣的宜蘭、花蓮旅行，稱：「3月底去了台灣5日，以前去台灣好多次，通常去高雄、台中、台北、基隆，從來未去過東面，今次去宜蘭花蓮，返嚟不足一星期地震，嗰啲畫面我有見過，幾好彩，亦都戥嗰個地方好難過。」此外，他還到坐高鐵去潮汕旅行。

0 0 0

私人傳訊

lily-of-valley

寶石宮

積分: 259429

馬年勳章 2026勳章 2025中秋節勳章父親節2025勳章母親節2025勳章 2025勳章蛇年勳章 2024年龍年勳章 2023年兔年勳章 15週年勳章親子王國15週年勳章 2021可愛聖誕B勳章虎到金來勳章 2018復活節勳章牛年勳章 2018母親節勳章玩具勳章 BK猜猜猜慶中秋 BK Milk勳章 hashtag影視迷勳章醒目開學勳章環保接龍勳章畀面勳章最關心BB問題熱投勳章 Poo得好勳章