自由講場今日: 1887|主題: 1366898

收藏本版

發帖

返回列表

跳至頁

查看: 2140 | 回覆: 11

內地女嫁老翁被指騙財　李龍基獲網友讚聰明仔 [複製鏈接]

elbar

公爵府

積分: 28321

1^#

發表於 24-5-7 14:52 |只看該作者 |正序瀏覽 |打印

何伯和新婚太太接受《東張西望》訪問。

TVB節目《東張西望》昨晚（5日）播出的一集，講述老夫嫩妻「愛情故事」。76歲老翁「何伯」與年輕逾30歲的內地女士閃婚，何伯五名子女認為新後母只是想騙父親身家而跟父親反目，何伯更爆細女將他們銀行聯名戶口的450萬元取走。節目播出後成為網友熱議，更幾乎一面倒支持細女的做法，更說李龍基是「香港聰明仔代表！」沒將身家轉給未婚妻王青霞。

76歲的老翁「何伯」在接受《東張西望》訪問時，拖着新婚妻何太大曬恩愛。新婚妻戴逾13萬元、超過2卡的定情鑽戒，與及超過10萬的勞力士腕錶，兩人甚恩愛地聲稱是「結婚禮物。」何伯更說：「我鍾意我老婆，佢要咩我都想畀佢。」

旁白亦提及何伯與新婚妻相識一個月，女方已經叫何伯從定期戶口提早取出100萬做生意，新婚妻搶住回答：「想做餐飲，覺得香港餐飲業有得做。」不過何伯在今年2月去銀行想提款時，才發現戶口款項已經不翼而飛，事後職員又表示戶口中的450萬，已被女兒以本票形式匯走。

何伯與主持對話期間，新婚妻多次打斷老公的說話，搶着發言指責細女，在節目尾聲大爆被何伯子女唾罵，而且老公因與仔女關係缺裂後曾兩度輕生，新婚妻還爆喊說：「你死咗，將來你個細女嚟搵我算賬……」

節目播出後，何伯與新婚妻的「愛情故事」成為全城熱話，網上幾乎一面倒支持細女的做法，有人說：「唔知佢啲仔女以咩心情睇東張？」「個細女幫咗你呀，仲好意思上電視！」「啲仔女都幾慘，步入中年大把嘢煩」「俾人知道自己老豆做咗提款機仲要上埋電視，應該會想挖窿挖到去地核匿埋！」

李龍基獲網友讚聰明仔。

有網友將李龍基拖落水，大讚「係香港聰明仔代表！」有人説：「大家都係70幾歲，阿伯玩到眾叛親離，基哥玩到王祖藍請佢上節目！」「基哥仲成功樹立深情未婚夫不離不棄形象！」

原來兩人認識才一個多月，新何太就主動向何伯提出結婚。新何太臉帶甜蜜笑意說：「同佢行密咗，發生咗啲關係，就決定結婚。」而何伯則表示：「太太話我哋真係相愛，不如去簽結婚證書啦。我話好，不過遲啲畀我諗諗先，後來去簽紙。」

何伯指結婚後，五名子女態度立即大變：「佢話，點解識咗個女人，而家有內地女人係呃錢。我諗我信得佢過，我心目中佢唔係壞女人。」何伯更明言：「冇擔心過，我一睇到佢就係老實人。個個都針對佢，你話我幾心痛吖。」