自由講場 今日: 1021 | 主題: 1348771

積分: 1037

1^#

發表於 24-5-30 16:43 |只看該作者 |正序瀏覽 |打印

本帖最後由 dreamcity 於 24-5-30 17:20 編輯

之前的post：https://www.baby-kingdom.com/forum.php?mod=viewthread&tid=23724075
----------------------------------------------------------------------------------------------------------

之前我妹妹唔肯去中途宿舍，而我亦同醫生講，佢不能返家的，因屋企已無人可管到佢食藥及覆診，醫生後來將佢調到青山專門俾病人長住的某座樓，本來以為可以令我放下心頭大石，但醫院始終都不想病人長住落去，竟然不定期有中途宿舍的職員或社工之類去游說病人，我妹可能覺得去宿舍點都好過長留醫院，起碼佢可能覺得仲有機會返出來，咁佢自己終於都答應去住中途宿舍，而家等緊派出。
問題來了，我最近見了負責我妹妹的醫務社工，知道呢類宿舍只能住兩年，咁我問佢兩年後我妹係咪會返屋企？佢見我好傷心又喊又剩，唔知係咪一時呃住我或安慰我，佢話佢冇見過會有病人住夠兩年出返來，通常都係住一d時間又適應唔到或被其他病人騷擾，攪到病發又送番入醫院再醫，叫我唔駛諗咁多，但我覺得佢係呃我的，我唔覺得所有去中途宿舍住的病人，都會宿舍醫院兩邊走，總會起碼一半人會住夠兩年返出黎。
請問有冇網友知道實情？我而家好擔心佢住夠兩年後會被送返屋企，我真係攪佢唔掂的，我好肯定佢出返黎，好快就會唔食藥唔覆診，而且d左鄰右里，而家有部份連我都歧視埋，如我妹返回屋企，d鄰居及管理員真係當我地生人勿近，我將會好大壓力。
聽醫務社工講，話有游說佢去長期護理院(不能外出果種)，但我妹唔肯，我都預料佢唔肯架啦，佢點會肯去長期出唔到黎果d護理院。
而家佢d錢我又動用唔到幫佢買野，佢佔我層樓的30%業權(但佢一個仙冇供過)，我又要等佢死左我先可以領回，但等佢死到時層樓太舊，想賣都未必有人買，賣唔到我自己都唔夠錢養老，錢方面我都唔諗咁長遠，而家只係好驚佢兩年後出返黎。

0 0 0

私人傳訊

IaMMoYY

積分: 12194

250^#

發表於 24-6-7 05:35 |只看該作者

本帖最後由 IaMMoYY 於 24-6-7 06:23 編輯

SOHOT 發表於 24-6-3 14:19
因為你係呢度第二個post已經叫人pm你，教你點樣可以申請做妹妹「無行為能力人士」的監護人，即使政府醫生已經拒絕，你也要上網問人點做！

我理解一做「無行為能力人士」的監護人，你不但可以替妹妹決定好多事例如永久住院，更可以管理佢嘅財產！

認真睇曬全部十三頁，睇唔到樓主對妹妹絲毫的關愛或 win-win 雙贏。就算比咗樓主好多次 benefit of doubt, 好直接講，覺得樓主對妹妹一步一步的計劃毒。最終係希望妹妹兩年內死就最好。

BK 唔同咗，已經學識盡量唔回應幾百分會員，怕嘥心機，有d posts 更怕教壞人，害咗另一方。

私人傳訊

sjnl43

珍珠宮

積分: 40215

249^#

發表於 24-6-4 23:18 |只看該作者

0ooxoo0 發表於 24-6-4 10:42
我意思係話樓主根本冇諗過妹妹會有康復或者好轉，只想佢快啲死！仲計過度過！最好兩年內死！
...

我明你意思,我等路人甲乙丙, 做得咩

佢想啫, 佢妹呆唔晒,社工又睇住唔怕既

私人傳訊

dreamcity

積分: 1037

248^#

發表於 24-6-4 15:44 |只看該作者

yeung_ma 發表於 24-6-4 15:29
你每星期都去老人院探望媽媽 , 咁幾耐去一次探望妹妹 ?

我唔知點解你會睇到我每星期去老人院探阿媽？我都冇咁講過。
我係每日放工去半小時我阿媽果度幫佢洗下杯、打理下d物件或帶d物資、食物或生果俾佢，星期六、日去1-2小時都係帶d物資俾佢，同埋幫佢清潔下d物品，同佢傾下。我妹就每個月去一次，都係帶d零食餅乾及紙包飲品。
點呀？又話我唔理個妹呀？
我只係佢家姐仲要只大1年，我仲有個阿媽要理，我以上咁既探訪模式，已經冇左我大部份私人時間，我以前會去下攝影，而家都冇乜機會了。

私人傳訊

yeung_ma

水晶宮

積分: 61796

2023年兔年勳章虎到金來勳章

247^#

發表於 24-6-4 15:29 |只看該作者

dreamcity 發表於 24-6-4 12:17
謝謝你明白！
我越睇落去就越覺得不應再回應佢地，佢地而家開始變了電視台編導，編出d根本唔係我想法的說 ...

你每星期都去老人院探望媽媽 , 咁幾耐去一次探望妹妹 ?

私人傳訊

SOHOT

伯爵府

積分: 15447

246^#

發表於 24-6-4 14:05 |只看該作者

dreamcity 發表於 24-6-4 12:17
謝謝你明白！
我越睇落去就越覺得不應再回應佢地，佢地而家開始變了電視台編導，編出d根本唔係我想法的說 ...

煮食你咪幫佢換過電磁爐，再唔係，你咪封咗煤氣爐，買個蒸焗爐比佢！
所有事情都可以有其他辦法啦！

私人傳訊

dreamcity

積分: 1037

245^#

發表於 24-6-4 12:17 |只看該作者

本帖最後由 dreamcity 於 24-6-4 14:56 編輯

kikiboy 發表於 24-6-4 10:34
各位比咗意見同建議樓主就好了，不要再窮追猛打了，樓主已經壓力爆煲，再咁落去難免會感覺係網絡欺凌，大家 ...

謝謝你明白！
我越睇落去就越覺得不應再回應佢地，佢地而家開始變了電視台編導，編出d根本唔係我想法的說法，例如我話想申請房協長者屋，我話o者，咁係咪一定有資格？好多人究想中六合彩，咁係咪一定會中？係咪想下都唔得？我都話左要視乎申請時的資產而定，但我睇怕賣晒成層樓所有業權都冇資格。關於我同我妹及我家有好多事情，我都冇在這裡打出來，佢地根本唔了解一切就胡亂猜測別人諗法，而且精神病人的表現個個都唔同，病齡長短的表現都有好大分別...........
我唔會續一去回應佢地了，當佢地真係有一個極度嚴重影響家人的病人同佢地同住，佢地到時的做法可能比我更決絕。
我即使送晒成層樓俾我個妹，我搬走，佢一個人留在呢間屋太多潛在風險，佢有糖尿病曾在醫院有暈低過，雙腳彎曲了又軟弱無力行得唔太好，佢開左火爐煮食又會行開，咁間屋燒埋佢又唔識處理善後.......改用電的都唔好得幾多，一個癲人佢可以有好多奇怪諗頭。
佢都55歲了，過2-3年申請長期護理院，其實都等於老人院之類，只係出唔到黎，有兩餐一宿有病有職員理下，咁有好多老人不便行動的都係留在院舍架啦，我媽而家間老人院大把呢d出唔到去的老人，院舍都有d活動攪下有電視睇下，並唔係坐o係度全日對住幅牆。
呢度d網民太年輕，仲未諗到年老問題，我只大我妹1年，我地55、56歲了，開始plan安老問題都係時候，仲有呀！政府d宿舍，話去就有得立刻去嗎？而家申請都可能要等幾年，幾年後咪剛剛好囉。

私人傳訊

之緣

積分: 11861

244^#

發表於 24-6-4 11:32 |只看該作者

0ooxoo0 發表於 24-6-4 11:17
討厭一個人，不聯絡，見面就是了，也沒必要想人死！仲要快啲死！真係真係好愕然！！因為精神病家人阻住佢 ...

其實真係好恐怖～

首先不停放大個妹問題（其實家家有本難念的經，ADHD ASD兒童照顧者都好辛苦、有長期病患者家庭、親眼見的換過腎再中埋風康復但唔識行長期要照顧，家人好辛苦好大壓力，大把上有高堂下有兒女的人生活都大壓力）

然後諗個妹如果清醒比返一蚊無出過的業權佢，最好監控個妹財政，淨比政府平醫療（將個責任質比納稅人）

如意算盤唔響，就話個妹唔賣樓（形容顛到唔肯賣樓）又話個妹低低地（唔賣樓無打算）

不停用顛、恐怖、低左去形容

目的係想自己舒服優質咁過老～

私人傳訊

積分: 5814

243^#

發表於 24-6-4 11:19 |只看該作者

0ooxoo0 發表於 24-6-4 11:17
討厭一個人，不聯絡，見面就是了，也沒必要想人死！仲要快啲死！真係真係好愕然！！因為精神病家人阻住佢 ...

不聯絡，不見面，打少一個字

私人傳訊

積分: 5814

242^#

發表於 24-6-4 11:17 |只看該作者

之緣發表於 24-6-4 09:34
完全講中我心聲！

為左自己可以入住富貴老人屋，日諗夜諗去點拎晒業權再賣樓申請富貴老人屋，安享晚年！ ...

討厭一個人，不聯絡，見面就是了，也沒必要想人死！仲要快啲死！真係真係好愕然！！因為精神病家人阻住佢退休大計就要佢死！真係以為睇緊電視劇！（今期角色代表：丘智斌）

私人傳訊

積分: 5814

241^#

發表於 24-6-4 11:10 |只看該作者

SOHOT 發表於 24-6-3 14:54
你每次一聽到唔啱想嘅意見時，就會以「你屋企冇精神病家屬，唔明白你情況，傷口灑鹽」來落閘」，根本就只 ...

仲多次用鑽石山事件做理由去支撐佢妹真係好恐怖咁！
其實我想講，宜家好多係既然收咗入院，係唔會亂咁隨便放返出嚟，因為放返出嚟，發生咩事，醫院都係會上身！當然！“未夠資格”入青山嘅，青山都唔會亂收病人！所以一切都只係樓主自私嘅諗法！最離譜係想個妹妹兩年內死，好想知道，如果個妹妹真係為咗樓主而失去生命，樓主會否有半點良心責備

私人傳訊

之緣

積分: 11861

240^#

發表於 24-6-4 11:01 |只看該作者

0ooxoo0 發表於 24-6-4 09:56
樓主成日話屋企冇精神病人嘅人唔明白佢！其實大家都知，腦退化失智老人家，有各種問題的小孩，精神病人的 ...

一己所欲：就係自己舒服住富貴老人屋

私人傳訊

之緣

積分: 11861

239^#

發表於 24-6-4 11:00 |只看該作者

0ooxoo0 發表於 24-6-4 10:50
所以佢咪話妹妹最好在這兩年內死亡，咁就係最完滿嘅！
為咗一己所慾，竟然要妹妹犧牲生命！仲撐樓主，同情 ...

好清晰！同我諗到的差不多

私人傳訊

積分: 5814

238^#

發表於 24-6-4 10:50 |只看該作者

littlefunpig 發表於 24-6-3 13:21
我岩岩先知，原本仲以為長者公屋
呢隻房協既長者安居樂要差唔多成400萬資產先有資格申請，要一次過比成最 ...

所以佢咪話妹妹最好在這兩年內死亡，咁就係最完滿嘅！
為咗一己所慾，竟然要妹妹犧牲生命！仲撐樓主，同情樓主嘅人到底係未睇清楚樓主言論，定係覺得要妹妹兩年之內死亡都係無可厚非……

私人傳訊

積分: 5814

237^#

發表於 24-6-4 10:42 |只看該作者

sjnl43 發表於 24-6-4 09:24
咁有其他人睇到麻。老實好難遇到識醫係講緣份。我成日講，勁果個似祌積，唔掂果個似神棍。
...

我意思係話樓主根本冇諗過妹妹會有康復或者好轉，只想佢快啲死！仲計過度過！最好兩年內死！

私人傳訊

kikiboy

珍珠宮

積分: 37144

236^#

發表於 24-6-4 10:34 |只看該作者

各位比咗意見同建議樓主就好了，不要再窮追猛打了，樓主已經壓力爆煲，再咁落去難免會感覺係網絡欺凌，大家想幫人唔好變咗傷害人。
（以上純粹我個人睇法）

希望一家人每日開開心心返工(返學)去, 平平安安放工(放學)來!
全世界可以睇小佢,但佢亞媽我一定唔可以!
以平常心對待無常事~~~試問有多少人能做到呢!?

私人傳訊

積分: 5814

235^#

發表於 24-6-4 10:24 |只看該作者

gallygally 發表於 24-6-4 08:54
富貴老人屋咪即係老人院囉, 係住終身的.

咁我抱歉，見識少

私人傳訊

magyu

積分: 1316

234^#

發表於 24-6-4 10:21 |只看該作者

本帖最後由 magyu 於 24-6-4 10:22 編輯

曾燕紅稱不解部分社會聲音：每名登山者須向自己行為負責

首名登上珠峰的香港女性、中學教師曾燕紅早前曾說登山期間看到有人坐在路上不斷喘氣，並「眼睩睩」看着她，有網民評批她見死不救。她今早回應稱，對於社會部分聲音感不解，強調每個登山者都會對自己負責任，「若未曾上到（海拔）8000米高空，真的不能在地面（批評）。」

曾燕紅今早在商台說自己盡力登山，在登頂過程中十分順利，身體狀况亦很好。她回應被指「見死不救」問題，說自己不能控制其他人的意見，但認為「好多人用香港的情况，去想珠峰上（遇到）的問題」。

她以游泳作比喻，「你不懂游泳，亦不會去評論一個不懂游泳的人，沒有救遇溺的人」。

私人傳訊

積分: 5814

233^#

發表於 24-6-4 10:19 |只看該作者

cbeyond 發表於 24-6-3 11:41
樓主都應該去睇吓醫生，好似佢話齋，精神病人唔覺得自己有病。
佢不斷想個妹唔返屋企，甚至覺得佢要早d ...

多人話佢，話到佢轉口風話就算賣樓都會分返30％俾妹妹，但俾百幾萬妹妹，對妹妹嚟講唔係好事！因為佢會俾人呃晒，由於妹妹低能，唔肯賣樓就係唔識為將來著想！但妹妹死守間屋同力保自己銀行戶口已經係佢可以為自己做嘅最大保障！樓主打算賣樓嘅時間，距離越來越近，經過連番操作，深知“此路不通”，樓主就逼狗跳牆咁話“妹妹在住院舍呢兩年內死亡係最完滿結局！”
即係！宜家就算妹妹從此住院舍直到終老樓主都唔滿意，唔可以等到年紀咁老先賣樓，宜家係要要埋個妹條命（雖然唔係樓主親手殺），要晒妹妹嘅遺產，包括層樓，妹妹銀行存款等！
重點係！呢一切都係為妹妹好！！

私人傳訊