自由講場

跳至

首頁
12

尾頁
   2


民房

積分: 23


1#
發表於 24-6-9 12:22 |只看該作者
小朋友由細到大都好鍾意郁身郁勢無時定,有時又會好興奮咁同人講野,有教過佢唔可以咁,但佢都唔理,好似控制唔到自己,但情況係好過一排既,但久唔久又黎料,好擔心佢係 ADHD


子爵府

積分: 12697


29#
發表於 24-6-12 23:09 |只看該作者
fasola 發表於 24-6-12 20:43
我自己. 我細個以為個個上堂會發白日夢, 係好正常.
試過因為咁, 俾老師改花名.

以前普遍唔太認識咁多學習障礙,真係好多學生得唔到幫助。但而家資訊咁發達,依然有好多確診咗嘅學生,佢哋嘅家長唔願意俾小朋友食藥,令到佢哋要struggle


子爵府

積分: 11186


28#
發表於 24-6-12 20:43 |只看該作者
s0650993 發表於 24-6-12 15:58
噢,心痛聽到呢啲case,小學生涯應該好煎熬。好彩上到中學可以亡羊補牢。

以前聽社工朋友講,HD都易發現 ...
我自己. 我細個以為個個上堂會發白日夢, 係好正常.
試過因為咁, 俾老師改花名.

到二十幾歲先至知唔係咁.



伯爵府

積分: 16951


27#
發表於 24-6-12 18:42 |只看該作者
marylomama 發表於 24-6-9 12:22
小朋友由細到大都好鍾意郁身郁勢無時定,有時又會好興奮咁同人講野,有教過佢唔可以咁,但佢都唔理,好似控 ...

幾歲?返學未?老師容易喺一班同學相處當中辨識到有需要的學生。


男爵府

積分: 7005


26#
發表於 24-6-12 18:04 |只看該作者
ADHD 有冇擲界case?
我懷疑我小朋友係,但唔明顯睇得出
佢上堂專心㗎,坐定定嘅
但坐完一起身,例如食完餐飯,佢一起身就喪跑,好似狗仔咁圍住你轉幾圈先,等緊你時又係會跑前然後跑返轉頭,跑時跌下跌下咁
佢4年班


水晶宮

積分: 62224

2025勳章 2025勳章蛇年勳章 牛年勳章 2018復活節勳章


25#
發表於 24-6-12 17:45 |只看該作者
fasola 發表於 24-6-10 17:35
周身郁同搣刷膠都大機會.
我買左好多擦膠, 就係俾佢返學搣.
佢上堂ok 的, 老師無投訴過. 但我發現擦膠搣 ...

我仔小一二,成日唔見野,個陣 就係帶了幾舊擦膠返學,老師打俾我,叫我抽返起,因我仔將啲擦膠當車車咁玩。

樓主,你小朋友老師有冇講過小朋友專注力差?因為老師係易察覺有ADHD 學生,通常上堂時,所有同學仔坐定定聽老師講野,而ADHD小朋友係會離座/表現不專心,唔舉手就插嘴搶答etc,我仔個陣都係K2老師發現的。如果在家/公園遊樂場所,其實係比較難發現。
Childhood is journey, not a race.


大宅

積分: 2799


24#
發表於 24-6-12 17:41 |只看該作者
marylomama 發表於 24-6-12 11:50
唔該晒大家,第一步應該搵咩機構幫? 如果睇醫生要睇咩科

小學? 如果老師已經睇得出投訴既,可以搵社工,不過都係2條路(政府或私家)。
政府就搵兒科轉介信去做評估,評估完確診就轉介精神科,同轉介上訓練,精神科就開藥同訓練,唔食藥就淨觀察同訓練。
私家:直接私家 心理學家或者精神科 評估,評估完確診,轉介回政府精神科, 或者私家精神科都覆診開藥訓練。


子爵府

積分: 12697


23#
發表於 24-6-12 17:33 |只看該作者
wan_sosin 發表於 24-6-12 16:29
教又唔係唔教又唔係,教就令佢哋輕視咗,唔教佢哋又會話係父母管教唔恰當所以小朋友先會有不良行為,專家 ...

你係一個盡責嘅家長



珍珠宮

積分: 41404


22#
發表於 24-6-12 16:42 |只看該作者
唔使太擔心,每個人個腦仔都唔同,一般智商正常係跳制啲。
ADHD 能及早診斷配合職業治療同食藥,會有明顯改善,當然實際情況人人不同,如果真係確診,家長係心態上要作好大調整,尤其讀書,不能以一般學生方法就咁做下筆,做下練習就得,一來佢哋會覺得好辛苦,二來唔入腦。我有少少實戰經驗,有需要可以交流,但講到尾都要家長同個小朋友自己試。


瑪瑙宮

積分: 134562

2025勳章 2025勳章蛇年勳章 2024年龍年勳章 虎到金來勳章


21#
發表於 24-6-12 16:32 |只看該作者
糯米米糍 發表於 24-6-9 12:25
有懷疑就搵專家或相關機構做評估



珍珠宮

積分: 48742


20#
發表於 24-6-12 16:29 |只看該作者
s0650993 發表於 24-6-12 16:21
咁你真係好用心教仔仔,甚至某程度上令專業人士都睇唔出佢已經某程度上進行過行為治療,而忽略咗病情。

...

教又唔係唔教又唔係,教就令佢哋輕視咗,唔教佢哋又會話係父母管教唔恰當所以小朋友先會有不良行為,專家有時都幾唔信家長,都無辦法。
不過正如你話都過去了,而家由個細路親自同專家講,無得唔信


子爵府

積分: 12697


19#
發表於 24-6-12 16:21 |只看該作者
wan_sosin 發表於 24-6-12 16:12
我仔在小學階段,HD比AD明顯,只係我在佢幼兒時就訓練佢服從,亦在家訓練佢行為,例如安坐訓練,所以顯得 ...

咁你真係好用心教仔仔,甚至某程度上令專業人士都睇唔出佢已經某程度上進行過行為治療,而忽略咗病情。

好彩而家已經見到天明,條路對你哋幾難行都已成過去


珍珠宮

積分: 48742


18#
發表於 24-6-12 16:12 |只看該作者
本帖最後由 wan_sosin 於 24-6-12 16:14 編輯
s0650993 發表於 24-6-12 15:58
噢,心痛聽到呢啲case,小學生涯應該好煎熬。好彩上到中學可以亡羊補牢。

以前聽社工朋友講,HD都易發現 ...

我仔在小學階段,HD比AD明顯,只係我在佢幼兒時就訓練佢服從,亦在家訓練佢行為,例如安坐訓練,所以顯得佢比較聽指令,CP就話佢聽人指令,所以給予適當指示,應該可以唔食藥。
感慨我應該放開少少比佢,讓佢確診。

到高小佢AD就越來越明顯。上到中一加上疫情,學業完全甩晒。ADHD嘅所有症狀現形。
我仔都16歲現在仍然多手多腳(出街唔會) ,食藥對佢學業同思考都有幫助,佢亦好願意用藥物控制自己,過去係好難行,興幸去到今日已算守得雲開。


珍珠宮

積分: 34831

2018復活節勳章 wyeth冷知識勳章 環保接龍勳章 大廚勳章


17#
發表於 24-6-12 16:09 |只看該作者
我接觸過嘅ADHD嘅小朋友係完全唔驚任何人鬧,無論喺咩場合,都係想做咩就做咩,好難控制到佢,如果小朋友係咁,都好大機會係ADHD, 不過當然做評估係最準確


子爵府

積分: 12697


16#
發表於 24-6-12 15:58 |只看該作者
wan_sosin 發表於 24-6-12 15:43
無錯
如果幼稚園入到去睇政府精神科,確診好或懷疑好都可以在小一前上佢哋嘅小一預備班,經佢哋觀察,如果 ...

噢,心痛聽到呢啲case,小學生涯應該好煎熬。好彩上到中學可以亡羊補牢。

以前聽社工朋友講,HD都易發現啲,好多ADD小朋友因為上堂冇點影響秩序,加上家長又唔想承認小朋友有狀況,所以得唔到相應幫助。


珍珠宮

積分: 48742


15#
發表於 24-6-12 15:43 |只看該作者
s0650993 發表於 24-6-12 14:57
認同,同埋如果負擔得到,真係搵私家兒童精神科睇住先,去到五六歲,先轉介返政府。非牟利/政府機構,睇得 ...

無錯
如果幼稚園入到去睇政府精神科,確診好或懷疑好都可以在小一前上佢哋嘅小一預備班,經佢哋觀察,如果認為有需要食藥,就會入小學前開始食,原因係唔好等小學對個學生有不良印象,食咗藥較為定落嚟先上小一,會容易融入小學生活。
我仔當年都係咁樣,不過佢哋睇漏眼,當年評我仔未需要食藥,一再拖延,最後上到中學完全搞唔掂,返去精神科先立即開藥,如果早一啲確診大家可能無咁辛苦。


禁止訪問

積分: 376


14#
發表於 24-6-12 15:28 |只看該作者
提示: 作者被禁止或刪除 內容自動屏蔽


公爵府

積分: 28583


13#
發表於 24-6-12 15:07 |只看該作者

回覆樓主:

學校和屋企情況一樣不受控制、就大機會係


子爵府

積分: 12697


12#
發表於 24-6-12 14:57 |只看該作者
wan_sosin 發表於 24-6-12 12:10
如果幼稚園可以返健康院見醫生轉介去CAC評估,但要排隊,小學就可以同學校講安排見EP.或搵兒科醫生寫紙去 ...

認同,同埋如果負擔得到,真係搵私家兒童精神科睇住先,去到五六歲,先轉介返政府。非牟利/政府機構,睇得來最最快都要六歲先開始治療/食藥。識得有人個case較明顯(一開始由N班已有跡象),晌學校社工及老師幫助跟進下可以提早評估,都要五歲半先開始行為治療。


珍珠宮

積分: 48742


11#
發表於 24-6-12 12:10 |只看該作者
本帖最後由 wan_sosin 於 24-6-12 12:11 編輯
marylomama 發表於 24-6-12 11:50
唔該晒大家,第一步應該搵咩機構幫? 如果睇醫生要睇咩科

如果幼稚園可以返健康院見醫生轉介去CAC評估,但要排隊,小學就可以同學校講安排見EP.或搵兒科醫生寫紙去排政府兒童及青少年精神科,不過現時排緊年半以上。
非牟利機構可以搵協康。
如果要最快就去睇私家精神科醫生,當然貴啦。

首頁
12

尾頁

跳至