吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 家庭理財› 小男人的心事

家庭理財今日: 10|主題: 46978

收藏本版

發帖

返回列表

跳至頁

查看: 17385 | 回覆: 44

[家庭理財] 小男人的心事 [複製鏈接]

12 3

Philichak

複式洋房

積分: 415

1^#

發表於 24-7-15 13:01 |只看該作者 |正序瀏覽 |打印

大家好, 我同老婆有個爭執在錢銀上, 嘈完無結果我都唔識點分析, 唔通我真係錯, 定係我有考慮不足?
事源就係俾家用開始, 結婚8年一個小朋友上初小, 我俾5千蚊3個人洗. 我知道! 5千係少, 唔夠, 所以我有俾水電煤交租交稅, 5千都係for食飯同日用品. 但當年仔仲細要老婆照顧, 佢無返工, 得我一個人既收入, 俾5千都已經盡力了.
上年初, 果陣傳大陸人開關, 樓市小陽春, 我同老豆都有留意樓市. 我地最初都係租樓住, 每個月一萬蚊左右, 暗盤先咁平, 所以業主一兩年收返就要搵新地方.
考慮到咁, 係上年入市買左500萬樓, 我老豆俾首期百幾萬, 之後我去供. 我當然係感謝富爸爸, 以後要靠自己養家, 唔好俾麻煩佢.
咁條數就簡單計下, 我月入得兩萬二, 用供扣萬五蚊, 俾家用扣五千蚊, 得返二千係用黎俾交通午餐雜費.
佢有見我就黎死, 老婆都今年初出來工作, 當時話分擔下, 返一至五正常辦公時間. 所以唔太影響阿仔, 放學去長老家睇住到我地收工.

背景講完了, 我而家既情況就係, 我扣哂後只有2千蚊, 既然老婆搵到工, 咁就大家公平點兩個拎5千出來, 一萬蚊用來扣水電煤管理費食飯日用品.
老實講, 我唔係買野既人, 我唔知道一萬未來夠唔夠用, 但先見步行步.
我尋日就將依個想法拎出來講, 然後佢就跳制. 心唔甘, 情唔寧, 話可以俾五千, 要佢再俾多D就離婚. 仲話俾五千當交租.

我都係人, 我都會嬲架, 從來都係我俾哂, 大份係我俾, 因為佢嫁俾我, 佢認為無錢做乜要結婚, 點解要害佢.
我就係唔明白, 我收入兩萬, 為個家俾哂兩萬, 我得到D咩? 有無尊重?
我老婆剛剛有新工作有收入, 我就問佢R錢, 係! 係唔岩聽, 係乞兒度拿飯食! 咁又點? 為頭家叫你俾5千蚊就發老脾, 我個個月俾2萬蚊都俾左幾年, 有冇諗下我?
人係要生存要用錢, 唔岩聽唔想理都要去計錢, 而家唔係我濕佢D錢去玩, 係討論家庭計劃.

上面講佢願意共同俾五千蚊, 我都放心左, 但最後佢講果句'當係交租'係激爆左我.
依個五千最初係我俾家用, 佢俾五千都係家用, 依舊錢唔係for供樓, 唔好扯落去層樓度.
我係月供緊一萬五, 如果佢真係想當係交租, 麻煩再俾7500蚊!
我最初係無叫佢去供樓, 因為層樓係我老豆俾首期, 我供哂, 佢由頭都尾都出過錢.
而家層樓係我一個名, 咁我老豆都未富貴到會自動加我老婆個名落去, 始終無貢獻過, 佢都無資格要.
但尋晚佢就話點解要俾7500蚊, 層樓都無佢名, 做咩要佢俾. 依個思維真係我都唔識點去講明佢.
要有名先會供, 定係有供先有名呢? 7500蚊唔俾, 你又點好意思叫人加名呢?
佢覺得俾左五千蚊, 就係家用同交租, 佢係咪傻架? 如果有心交租就應該俾多D, 無理由佢有份住, 但月供就靠我一個俾哂.
(我諗就算無佢名, 如果我死左, 佢都有得分我層樓? 唔一定要寫佢名?)

而家條數係我:月入22000-供樓15000-家用5000=2000
佢:17000-5000=12000
佢袋萬二蚊, 我得二千蚊, 作為家庭成員去考慮, 佢係咪應該俾大份, 我俾細份, 例如佢俾七千, 我俾三千, 咁先係減輕我負擔. 個個月得返幾百蚊, 唔好話咩日本, 我連旺角都唔敢行.

anyway, 尋晚嘈左獲, 我而家都有D心灰意冷, 咁既生活仲要繼續的話, 我係咪應該死左條心?
係我表達得唔好, 定係點做會好D?

0 0 0

私人傳訊

高達紅色

子爵府

積分: 10659

45^#

發表於 24-7-18 10:12 |只看該作者

Philichak 發表於 24-7-16 18:51
睇左d留言有部分人覺得我俾5千咁少好意思怪責老婆。依個問題唔係而家我既情況，佢而家係扣家用後12000蚊， ...

咁仲簡單，咪加埋你老豆名囉！你唔係唔知切辣任加嗎？好心你地呢啲燈神就咪買樓啦！點加名又唔知，老婆實際已經有你層樓一半又唔知！

利申:支持祖國反對移民

私人傳訊

pan

珍珠宮

積分: 31793

44^#

發表於 24-7-18 07:26 |只看該作者

BO_NG 發表於 24-7-18 01:35
見到有啲人回應，真係幾膠…

樓主唯一要做嘅就真係增加收入！

十分同意

私人傳訊

BO_NG

男爵府

積分: 9825

43^#

發表於 24-7-18 01:35 |只看該作者

littlefunpig 發表於 24-7-17 15:26
呢度係女人討論區~ 個個覺得有小朋友就應該唔洗返工有工人幫手, 老公全包仲想老豆出既1球首期既樓要寫埋自 ...

見到有啲人回應，真係幾膠…

樓主唯一要做嘅就真係增加收入！

私人傳訊

yelling3

大宅

積分: 1994

42^#

發表於 24-7-17 21:01 |只看該作者

回覆樓主:

你老婆真係慘
要湊仔，要做家務，咁多年嚟得5000，夠阿仔都唔夠自己食
出返嚟做野，要拎錢出嚟都算，仲要俾個老公埋怨，男人搵二萬二，正路係一早諗點樣增加收入

私人傳訊

javaroad

大宅

積分: 2899

41^#

發表於 24-7-17 17:23 |只看該作者

回覆樓主：

本帖最後由 javaroad 於 24-7-17 17:27 編輯

收入增加唔到，層樓你一個人又食唔起，點會唔知點解決，一係賣，一係搵人同你聯。想獨攬層樓，又想自己多d錢洗，邊會有人咁抵得諗去幫你手呀…

私人傳訊

jc10127

大宅

積分: 4608

40^#

發表於 24-7-17 16:13 |只看該作者

你買樓前一定冇同老婆商量，唔係傻既都知剩2千好難三個人生活，你自己冇諗清楚，見阿爸肯幫手買樓就盲目上車，供唔起問返你阿爸呀，反正你講明冇你老婆份，有問題梗係你哋兩個自己攪掂啦，而家嫌老婆多錢過你？你請家務助理同你個小朋友係佢肚時既房租你有冇俾返佢？要計到咁清下下話佢冇俾錢供樓，如果佢自己名買樓你會唔會冇野講好順攤幫佢供？我覺得你唔會，因為你冇膊頭，冇思考能力，唔想下下講離婚，佢離開你仲可以輕鬆租樓，你就2千捱幾廿年，你梗係唔敢離

私人傳訊

littlefunpig

珊瑚宮

積分: 107978

2026勳章 2025中秋節勳章父親節2025勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章減齡達人勳章牛年勳章

39^#

發表於 24-7-17 15:26 |只看該作者

本帖最後由 littlefunpig 於 24-7-17 15:27 編輯

Philichak 發表於 24-7-16 18:51
睇左d留言有部分人覺得我俾5千咁少好意思怪責老婆。依個問題唔係而家我既情況，佢而家係扣家用後12000蚊， ...

呢度係女人討論區~ 個個覺得有小朋友就應該唔洗返工有工人幫手, 老公全包仲想老豆出既1球首期既樓要寫埋自己名, 個個男人搵109700咩加老豆幾層樓送比個男人咩, 老豆有首期成100萬比落黎, 唔洗租樓唔洗成日搵地方搬仲唔知足, 想寫埋個名不勞而獲, 水埋62份身家, 學呢度某D會員話齋, 離婚都有得分半層樓啦, 寫老婆名做乜, 膠到震
ED咁既回覆睇下算, 唔好上心

私人傳訊

愛登士家庭

子爵府

積分: 11103

2025中秋節勳章母親節2025勳章 2025勳章蛇年勳章

38^#

發表於 24-7-17 15:12 |只看該作者

或者試下換個角度，呢件事發生係自己個女身上，自己會有咩想法。發脾氣的說話有時唔好當真，兩公婆要同一方向，就會慢慢一步步面向幸福。

:-D

私人傳訊

FATSIM

男爵府

積分: 5298

37^#

發表於 24-7-17 13:13 |只看該作者

回覆 Philichak 的帖子

其實見到你真係好盡力，因為每月剩2000元你都要用得好緊！你老婆之所以咁大反應，吾多吾少因層樓冇她名，缺乏安全感！其實兩夫妻試下平心靜氣傾談吓！不過我也明白夫婦有時真係好難傾。所以試吓在大家心情良好的氣氛吓傾！説出你為頭家儲錢的冧法。

私人傳訊

Wailam媽媽

大宅

積分: 4416

36^#

發表於 24-7-17 11:52 |只看該作者

little_kid 發表於 24-7-17 09:21
你開post 問‘’唔通我真係錯定我考慮不足？’ 仲以為你想補救。依家有人分析你聽‘係呀你係錯係考慮不 ...

呢個post放落公海已經俾人鬧到飛起啦！樓主只會為自己計算，又唔諗老婆既情緒，問題都解決唔到。

私人傳訊

catcat2512

男爵府

積分: 6380

35^#

發表於 24-7-17 11:39 |只看該作者

其實核心問題, 是你收入低, 絕對唔應該現在買樓

一定要先儲錢及增加投資, 先可以諗買樓

私人傳訊

wendyau

男爵府

積分: 5729

34^#

發表於 24-7-17 09:46 |只看該作者

回覆樓主：

本帖最後由 wendyau 於 24-7-17 09:54 編輯

我覺得好多男人都覺得老婆做家庭主婦就好得閑，好爽，其實好辛苦囉，買餸家務湊仔，辛苦過返工，重要睇住家用來做人，慳小小計較小小平同價，又話你孤寒，最惨連奶奶都覺得你孤寒，完全唔明一個返工幾個人吃，唔睇價錢邊够使.

重未計小朋友有時頭暈身慶睇醫生，返學交呢樣費交果樣

私人傳訊

wendyau

男爵府

積分: 5729

33^#

發表於 24-7-17 09:41 |只看該作者

1.今時今日，5千蚊家用，3個人買餸都搞唔掂，其實好大壓力，但我覺得你都勁，2000可以够用
2.其實層樓唔應該話你老豆比首期就唔落老婆名囉，如果係我，我會覺你當我係外人，如果因你老豆唔肯落你老婆名，買之前就好同老婆解釋清楚
3.講真，咁架收入，供樓真係超辛苦，超大壓力囉

私人傳訊

侯爵府

積分: 21597

32^#

發表於 24-7-17 09:33 |只看該作者

月薪得22k每月供15k , 你係點過壓測架？又會有銀行肯做樓按既？

私人傳訊

little_kid

子爵府

積分: 10293

31^#

發表於 24-7-17 09:21 |只看該作者

回覆樓主：

本帖最後由 little_kid 於 24-7-17 12:19 編輯

你開post 問‘’唔通我真係錯定我考慮不足？’ 仲以為你想補救。依家有人分析你聽‘係呀你係錯係考慮不足’ 唔啱聽又話攞另一樣嘢為自己解釋我唔覺得你夾響中間你自己都覺得層樓老婆無名係應該因為佢無俾錢唔加名咪算囉見老婆有錢又搶埋佢果份
好明顯你無重視一個幫你打理頭家幫你慳萬幾蚊唔洗你請工人補習嘅老婆嘅感受
如果重視大可以唔要首期
如果你仲係覺得你得$2000洗即你唔覺自己有錯扣了家用你有$15000+$2000=$17000 你老婆有$12000

唔好意思我唔應該理人地家事但聽到你歪理當真理駁辯當解釋真係嬲

要提提你小孩子一路長大家庭洗費只會愈來愈多你諗諗點開源節流

私人傳訊

crystal媽咪

寶石宮

積分: 344468

2025中秋節勳章 2025勳章蛇年勳章 2024年龍年勳章 2023年兔年勳章虎到金來勳章 2021可愛聖誕B勳章 2018復活節勳章 2018母親節勳章 2018父親節勳章牛年勳章 BK Milk勳章畀面勳章環保接龍勳章

30^#

發表於 24-7-17 08:35 |只看該作者

是是但但發表於 24-7-16 06:52
其實一開始，層樓就應該加老婆名，就算你唔加，他日好話唔好聽，你地離婚，其實佢一樣都分你一半身家。既 ...

就係

結婚多年，加婚後的樓
離婚都分到

不要從別人的嘴裡去認識我

私人傳訊

BO_NG

男爵府

積分: 9825

29^#

發表於 24-7-16 22:06 |只看該作者

Philichak 發表於 24-7-16 18:51
睇左d留言有部分人覺得我俾5千咁少好意思怪責老婆。依個問題唔係而家我既情況，佢而家係扣家用後12000蚊， ...

我係女性會員！

其實我覺得你一個月得$2000用係極之唔正常！講得難聽啲，仲衰過攞綜援！

我覺得層樓加你老婆名，亦都唔合理！首期係你爸爸比，就算要加名，都係加你爸爸名，而唔係你老婆！我相信如果角色調返轉，係你老婆爸爸俾錢，男主內女主外，呢度好多會員又會話，點解老公冇份比首期，要加老公名？

點都好，樓主你已經洗濕咗個頭，你得$22,000人工，而且又唔夠首期，根本唔應該買一層500萬嘅樓！依家既然買咗，仲要係舊年先買，九成九變咗負資產，你同老婆講，負資產物業加老婆名，其實係害咗你老婆！萬一供唔掂，你老婆要上身！咁樣講係咪令你老婆舒服啲？

樓主你唯一要做嘅係，盡量增加多啲收入！你仲有個小朋友，遲啲仲要用好多錢…

加油啦！

點評

Philichak

發表於 24-7-17 12:43

私人傳訊

白菜乾湯

大宅

積分: 1549

28^#

發表於 24-7-16 19:09 |只看該作者

Philichak 發表於 24-7-15 16:52
因為我老豆係有間公司仔, 果陣我係職員之一, 加上我有揸車做副收入, 所以過到.
上年底生意唔得, 我要出黎搵 ...

即由老闆仔變打工仔，你老婆對你感覺可能5同左，其實二人共同努力去把持頭家，冇得計咁多，層樓無另一半的名，咪一樣有得住。你已好努力，但未能被欣賞，可惜。

私人傳訊

Philichak

複式洋房

積分: 415

27^#

發表於 24-7-16 18:51 |只看該作者

回覆樓主:

睇左d留言有部分人覺得我俾5千咁少好意思怪責老婆。依個問題唔係而家我既情況，佢而家係扣家用後12000蚊，我係2000蚊，我仲要搭車午餐交費，如果你覺得咁係正常既，咁我都無話好講。
另外，有人覺得簡單加佢名，你唔明白主導權不在我，有人願意俾一球你，依舊錢係老豆辛苦搵返來，佢意思唔加名係咩不言而喻？我好意思去反佢？夾在中間你話容易？

我知道依度都多女性會員，考慮時都會企我對立面，我睇到，會有思考，謝謝各位。