家庭理財 今日: 0 | 主題: 46966

積分: 415

1^#

發表於 24-7-15 13:01 |只看該作者 |倒序瀏覽 |打印

大家好, 我同老婆有個爭執在錢銀上, 嘈完無結果我都唔識點分析, 唔通我真係錯, 定係我有考慮不足?
事源就係俾家用開始, 結婚8年一個小朋友上初小, 我俾5千蚊3個人洗. 我知道! 5千係少, 唔夠, 所以我有俾水電煤交租交稅, 5千都係for食飯同日用品. 但當年仔仲細要老婆照顧, 佢無返工, 得我一個人既收入, 俾5千都已經盡力了.
上年初, 果陣傳大陸人開關, 樓市小陽春, 我同老豆都有留意樓市. 我地最初都係租樓住, 每個月一萬蚊左右, 暗盤先咁平, 所以業主一兩年收返就要搵新地方.
考慮到咁, 係上年入市買左500萬樓, 我老豆俾首期百幾萬, 之後我去供. 我當然係感謝富爸爸, 以後要靠自己養家, 唔好俾麻煩佢.
咁條數就簡單計下, 我月入得兩萬二, 用供扣萬五蚊, 俾家用扣五千蚊, 得返二千係用黎俾交通午餐雜費.
佢有見我就黎死, 老婆都今年初出來工作, 當時話分擔下, 返一至五正常辦公時間. 所以唔太影響阿仔, 放學去長老家睇住到我地收工.

背景講完了, 我而家既情況就係, 我扣哂後只有2千蚊, 既然老婆搵到工, 咁就大家公平點兩個拎5千出來, 一萬蚊用來扣水電煤管理費食飯日用品.
老實講, 我唔係買野既人, 我唔知道一萬未來夠唔夠用, 但先見步行步.
我尋日就將依個想法拎出來講, 然後佢就跳制. 心唔甘, 情唔寧, 話可以俾五千, 要佢再俾多D就離婚. 仲話俾五千當交租.

我都係人, 我都會嬲架, 從來都係我俾哂, 大份係我俾, 因為佢嫁俾我, 佢認為無錢做乜要結婚, 點解要害佢.
我就係唔明白, 我收入兩萬, 為個家俾哂兩萬, 我得到D咩? 有無尊重?
我老婆剛剛有新工作有收入, 我就問佢R錢, 係! 係唔岩聽, 係乞兒度拿飯食! 咁又點? 為頭家叫你俾5千蚊就發老脾, 我個個月俾2萬蚊都俾左幾年, 有冇諗下我?
人係要生存要用錢, 唔岩聽唔想理都要去計錢, 而家唔係我濕佢D錢去玩, 係討論家庭計劃.

上面講佢願意共同俾五千蚊, 我都放心左, 但最後佢講果句'當係交租'係激爆左我.
依個五千最初係我俾家用, 佢俾五千都係家用, 依舊錢唔係for供樓, 唔好扯落去層樓度.
我係月供緊一萬五, 如果佢真係想當係交租, 麻煩再俾7500蚊!
我最初係無叫佢去供樓, 因為層樓係我老豆俾首期, 我供哂, 佢由頭都尾都出過錢.
而家層樓係我一個名, 咁我老豆都未富貴到會自動加我老婆個名落去, 始終無貢獻過, 佢都無資格要.
但尋晚佢就話點解要俾7500蚊, 層樓都無佢名, 做咩要佢俾. 依個思維真係我都唔識點去講明佢.
要有名先會供, 定係有供先有名呢? 7500蚊唔俾, 你又點好意思叫人加名呢?
佢覺得俾左五千蚊, 就係家用同交租, 佢係咪傻架? 如果有心交租就應該俾多D, 無理由佢有份住, 但月供就靠我一個俾哂.
(我諗就算無佢名, 如果我死左, 佢都有得分我層樓? 唔一定要寫佢名?)

而家條數係我:月入22000-供樓15000-家用5000=2000
佢:17000-5000=12000
佢袋萬二蚊, 我得二千蚊, 作為家庭成員去考慮, 佢係咪應該俾大份, 我俾細份, 例如佢俾七千, 我俾三千, 咁先係減輕我負擔. 個個月得返幾百蚊, 唔好話咩日本, 我連旺角都唔敢行.

anyway, 尋晚嘈左獲, 我而家都有D心灰意冷, 咁既生活仲要繼續的話, 我係咪應該死左條心?
係我表達得唔好, 定係點做會好D?

0 0 0

私人傳訊

魚肉翅

積分: 8979

2025勳章蛇年勳章 2024年龍年勳章虎到金來勳章牛年勳章

2^#

發表於 24-7-15 14:10 |只看該作者

淨係想問樓主你老婆是否國內人？

點評

kittykwok385

發表於 24-7-15 14:17

私人傳訊

green

積分: 429

3^#

發表於 24-7-15 14:42 |只看該作者

回覆樓主:

其實你揾22k, 但用左15k去供樓，壓力會好大，有無諗清楚先供？

私人傳訊

大力大力

禁止發言

積分: 216405

2025勳章蛇年勳章醒目開學勳章大廚勳章

4^#

發表於 24-7-15 15:53 |只看該作者

回覆樓主:

提示: 作者被禁止或刪除內容自動屏蔽

私人傳訊

syyysc

伯爵府

積分: 19539

2025勳章蛇年勳章 2024年龍年勳章牛年勳章

5^#

發表於 24-7-15 16:11 |只看該作者

回覆樓主:

上年申請按揭的時候，你月入22000元，要供15000元，你老婆還未出來做嘢0收入。

供款多個入息一半。銀行又批畀你，很奇怪！

解釋一下？

私人傳訊

Ksnoopy

積分: 7264

好媽媽勳章

6^#

發表於 24-7-15 16:14 |只看該作者

撫心自問，你仲鍾唔鍾意呢個女人、想唔想同佢一生一世？如果係肯定嘅話，平心靜氣同佢傾吓，仲要第一句就話好愛佢、好想同佢一生一世，自己亦好想賺多d錢唔駛佢咁辛苦，但需要一d時間，希望佢可以體諒、大家一齊捱幾年. 不過另一方面，你都要積極d增值自己，比信心對方.

私人傳訊

ArmTank_FB

大宅

積分: 2621

7^#

發表於 24-7-15 16:44 |只看該作者

Philichak 發表於 24-7-15 13:01
大家好, 我同老婆有個爭執在錢銀上, 嘈完無結果我都唔識點分析, 唔通我真係錯, 定係我有考慮不足?
事源就係 ...

你應該同佢講你覺得唔滿意就離婚我已經付出咁多你仍係覺得唔滿意咁我哋唔適合再係埋一齊

私人傳訊

積分: 415

8^#

發表於 24-7-15 16:52 |只看該作者

syyysc 發表於 24-7-15 16:11
上年申請按揭的時候，你月入22000元，要供15000元，你老婆還未出來做嘢0收入。

供款多個入息一半。銀行又 ...

因為我老豆係有間公司仔, 果陣我係職員之一, 加上我有揸車做副收入, 所以過到.
上年底生意唔得, 我要出黎搵工, 因此時間又少左, 副收入都無埋, 變成而家咁.

私人傳訊

積分: 415

9^#

發表於 24-7-15 17:11 |只看該作者

ArmTank_FB 發表於 24-7-15 16:44
你應該同佢講你覺得唔滿意就離婚我已經付出咁多你仍係覺得唔滿意咁我哋唔適合再係埋一齊
...

我就係尋晚同佢講左上文既野, 佢知道我問題得2千淨, 但無想去解決, 果下我先激氣.
我唔想咩事都講離婚, 有細路在, 男人唔係可以咁簡單咁瀟灑.

私人傳訊

積分: 415

10^#

發表於 24-7-15 17:26 |只看該作者

Ksnoopy 發表於 24-7-15 16:14
撫心自問，你仲鍾唔鍾意呢個女人、想唔想同佢一生一世？如果係肯定嘅話，平心靜氣同佢傾吓，仲要第一句就話 ...

我唔洗懷疑可以話只佢一個, 不作他想.
但溝通唔到, 傳達唔到, 當佢唔順你, 唔信你, 你講咩愛, 咩一生一世, 都係假既.
佢會稱我既說話叫做"畫個大餅", 即係製造個美好假象, 其實係水佢落坑.
我同意要平心靜氣, 講多幾次囉, 唔係可以點, 係咪?

私人傳訊

little_kid

子爵府

積分: 10108

11^#

發表於 24-7-15 17:43 |只看該作者

Philichak 發表於 24-7-15 13:01
大家好, 我同老婆有個爭執在錢銀上, 嘈完無結果我都唔識點分析, 唔通我真係錯, 定係我有考慮不足?
事源就係 ...

依家一家住供緊嘅樓但無你老婆名？當時買樓有無同老婆商量？點解層樓唔落老婆名？佢當初諗住幫補家計才出返嚟做嘢？

私人傳訊

積分: 415

12^#

發表於 24-7-15 17:50 |只看該作者

little_kid 發表於 24-7-15 17:43
依家一家住供緊嘅樓但無你老婆名？當時買樓有無同老婆商量？點解層樓唔落老婆名？佢當初諗住幫補家計才出 ...

上文講左, 我老豆俾左首期百幾萬, 首期同供佢都無參與過, 咁自然唔落佢名.

我唔知道佢出黎做野既目的係咩, 唔敢講, 唔sure.
可以話佢頂唔順五千蚊家用, 又可以話幫我交下雜費, 或者幫佢自己下半世打算, 點知.

私人傳訊

syyysc

伯爵府

積分: 19539

2025勳章蛇年勳章 2024年龍年勳章牛年勳章

13^#

發表於 24-7-15 17:57 |只看該作者

回覆樓主:

暫時嚟講，你只可以畀千五千蚊家用，老實講交埋水電煤電話費。所淨有幾多買餸煮飯，如果佢搵萬七蚊，我唔信冇錢開飯佢都唔出日常消費，分分鐘唔止$5000呀!
如果佢錫過仔女，唔會讓子女食唔好,著唔好！

唔需要講到咁明，要一筆數。

私人傳訊

little_kid

子爵府

積分: 10108

14^#

發表於 24-7-15 18:15 |只看該作者

本帖最後由 little_kid 於 24-7-15 20:14 編輯

Philichak 發表於 24-7-15 17:50
上文講左, 我老豆俾左首期百幾萬, 首期同供佢都無參與過, 咁自然唔落佢名.

我唔知道佢出黎做野既目的係咩, ...

屋企家務即係洗衫買餸煮飯 ,還有跟小朋友功課, 溫習默／測／考依家係邊個負責？

私人傳訊

大力大力

禁止發言

積分: 216405

2025勳章蛇年勳章醒目開學勳章大廚勳章

15^#

發表於 24-7-15 19:12 |只看該作者

提示: 作者被禁止或刪除內容自動屏蔽

私人傳訊

Nevaeh72

大宅

積分: 4858

16^#

發表於 24-7-15 21:23 |只看該作者

回覆樓主:

估你你老婆可能無安全感

私人傳訊

datejust

積分: 9919

17^#

發表於 24-7-15 21:49 |只看該作者

回覆樓主：

本帖最後由 datejust 於 24-7-15 21:51 編輯

其實無需要講咁清楚，$5000唔夠用佢自然會用自己份糧！你買樓唔加佢名，雖然佢係無出錢，但個心點都會有啲想法！買樓前有冇同佢商量，佢係咪都同意？唔好同老婆講公平，男人結婚生小朋友照顧屋企係必然，付出多啲預咗㗎啦！

私人傳訊

gdluck777

大宅

積分: 1943

18^#

發表於 24-7-15 23:27 |只看該作者

Philichak 發表於 24-7-15 13:01
大家好, 我同老婆有個爭執在錢銀上, 嘈完無結果我都唔識點分析, 唔通我真係錯, 定係我有考慮不足?
事源就係 ...

我同意你已儘了力，$2000真是唔易過。同樣地，$5000家用亦唔易過，尿片奶粉等等亦唔平。
我能理解你買樓唔加佢名的原因，但我估你買樓唔加佢名，已經令「大家一齊捱」這概念起了變化。因她無名，佢可能諗你$15,000的供款是你為你的個人資產作投資，與她無干。之前每月租樓$10,000，所以一人比一半就是$5000，這就是可能為何她說當交租。因為你先有個人財產的概念，她可能亦覺得自己應有個人財產。

上面純是我估計她的想法，可能有錯。

無論如何，請記着你哋已為人父母。

私人傳訊

datejust