吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 都唔知點樣形容6299好

自由講場今日: 2641|主題: 1344227

收藏本版

發帖

返回列表

跳至頁

查看: 8998 | 回覆: 107

都唔知點樣形容6299好

[複製鏈接]

12 3 4 5...6

rebeccalin

珍珠宮

積分: 30028

牛年勳章

1^#

發表於 24-8-5 00:45 |只看該作者 |正序瀏覽 |打印

本帖最後由 rebeccalin 於 24-8-5 13:18 編輯

大伯六月底突然走左，今個月尾62生日，係都要我地同佢慶祝生日，大嫂話佢地生日大伯走左都唔夠兩個月，完全冇心情幚佢地慶祝，其實我地都冇心情慶祝。佢地就日日都吵住話要生日要出街食飯慶祝。話極佢地都唔聽。
62今年住院時間多過係屋企，行幾步路都扯吼，一出院就腳震震走返大陸打牌，一日三場，大嫂話佢地朝八晚十二除咗食兩餐飯，幾乎都係打牌咁濟，最衰係如果係大陸有咩事，我地要帶返佢地出來好麻煩。大嫂都話佢地完全好似唔驚俾人笑，個親生仔走左冇幾耐，仲有心情吃喝玩樂

補充埋五樓的內容，俾大家知道點解我地唔想同佢地慶祝。兩個都爛賭鬼，好吃懶做，年初62出院，我帶兩個仔女去探佢，佢話自己剛剛去完馬會，由慈雲山行落去黃大仙馬會，話自己腳冇力，行唔到返上來，要搭車返。我話佢你知道自己腳冇力又氣喘，就唔好周圍走啦。叫佢拎柺杖又話難睇，有咩事又煩到我地嘔

又試過好幾次週末特登去同佢地飲茶，點知去到有麻將腳打電話俾佢地話開台，掉低我地一家幾口眼望望自己飲茶。大嫂話佢地試過好幾次係大陸賭到連返香港的車錢都冇，要問大陸的鄰居借錢搭車出來，真係失禮死人

除咗賭錢仲亂洗錢，有冇見過人買十磅荔枝，話老爺有糖尿，佢一個人一日食唔晒順手就掉垃圾桶？買幾十斤菜放係屋企嘔到爛就掉左佢？冇錯，呢個人就係99

再補充多一D嘢，點解我地咁反對佢地返去內地打牌，除咗賭錢落海之外，今年過年的時候，62試過打打下牌抖唔到氣，要call白車送去醫院，一晚醫藥費加護工都五千幾，之後又要包架直通車陪送佢地出來，錢都係我地俾，我地除咗揾錢好辛苦，真係冇咩時間去幚佢地處理呢D嘢

0 0 0

私人傳訊

rebeccalin

珍珠宮

積分: 30028

牛年勳章

108^#

發表於 24-8-5 18:15 |只看該作者

李豆豆發表於 24-8-5 14:43
講真，佢覺得陪唔到父母，但佢父母有冇體諒過個仔呀？根本就係冇，佢地只係乜都諗自己啫
...

佢地會體諒人，就唔會係呢個時候煩住大嫂要慶祝生日啦。之前侄仔話覺得爺爺嫲嫲老年喪子好慘，我當時已經同侄仔過一段時間你就唔一定覺得佢地慘。

私人傳訊

rebeccalin

珍珠宮

積分: 30028

牛年勳章

107^#

發表於 24-8-5 17:36 |只看該作者

ensureyip 發表於 24-8-5 16:47
佢俾錢父母有冇影響到你哋成家生活？有冇cut你家用？如果冇，又好難話佢，睇你啲形容，又唔係賭好大。
肯 ...

其實對於我老公俾錢佢父母呢件事，我從來都冇意見。學你話齋對我地家庭生活影響唔係好大，甚至有時我主動話俾佢地。今次之所以想提佢唔好俾咁多，係大嫂話6299成日去賭錢，一有錢就立即去賭，完全唔顧及自己身體狀況。今年過年老爺試過返去打牌打到要call白車送醫院，又要勞師動眾包車送佢返來香港。大嫂話唔好俾咁多佢地，佢地冇錢就唔會返咁多大陸去打牌。剛剛大陸鄰居微信我話我老爺返去唔知係俾咩咬or熱到生熱痱，成身起晒粒粒，一邊打牌一邊拗痕，佢都睇唔過眼話叫佢地咁熱就唔好出去冇冷氣的地方打牌。我話我當唔知道呢件事，佢地自作自受，如果我打電話去問候，肯定又叫我買呢樣嗰樣俾佢擦身沖凉，or搵下有無相熟的醫生幚佢睇下。我直情話麻將能醫百病，打多幾場佢可能會好返。侄女去左旅行散心，6299話叫佢十五號之前一定要返來同62慶祝生日

私人傳訊

ensureyip

侯爵府

積分: 22344

106^#

發表於 24-8-5 16:47 |只看該作者

rebeccalin 發表於 24-8-5 14:35
我都覺得佢係愚孝，之前亞仔都話過佢，叫佢唔好俾咁多錢爺爺嫲嫲，俾左又係賭晒。佢話自己太忙，陪唔到兩 ...

佢俾錢父母有冇影響到你哋成家生活？有冇cut你家用？如果冇，又好難話佢，睇你啲形容，又唔係賭好大。
肯陪父母覆診係好事，你老咗都想你個仔肯陪你，你老公肯做，證明對家人仲有感情，好過冷血

私人傳訊

littledot

珍珠宮

積分: 30535

105^#

發表於 24-8-5 14:56 |只看該作者

rebeccalin 發表於 24-8-5 12:10
我老公係冇咩脾氣的人。甚至上次聽到99打來話要自己帶62返大陸，我知佢地要返去打牌，我叫佢地唔好返，老 ...

你老公唔掂！一味愚孝！

老豆老母唔啱都唔可以話，做咩都要就晒佢哋！

私人傳訊

moon_o_o

伯爵府

積分: 16074

104^#

發表於 24-8-5 14:52 |只看該作者

ensureyip 發表於 24-8-5 12:10
其實佢哋食得玩得，你哋仲放心，反而太傷心影響正常生活就麻煩。
可能老人家睇開咗，自己都唔知幾時事
...

同意
老人家仲有幾多年？話唔埋
依家唔玩唔食，點知過唔過到聽日
如果我父母
我會由佢開開心心
如果擔心，最多請個工人跟住佢哋

私人傳訊

李豆豆

珊瑚宮

積分: 111482

2024年龍年勳章

103^#

發表於 24-8-5 14:43 |只看該作者

rebeccalin 發表於 24-8-5 14:35
我都覺得佢係愚孝，之前亞仔都話過佢，叫佢唔好俾咁多錢爺爺嫲嫲，俾左又係賭晒。佢話自己太忙，陪唔到兩 ...

講真，佢覺得陪唔到父母，但佢父母有冇體諒過個仔呀？根本就係冇，佢地只係乜都諗自己啫

私人傳訊

rebeccalin

珍珠宮

積分: 30028

牛年勳章

102^#

發表於 24-8-5 14:35 |只看該作者

李豆豆發表於 24-8-5 14:22
你老公真係愚孝，咁就叫佢萬一有咩事嘅，佢自己處理返，你唔會理亦冇本事理

呢啲人根本就縱壞晒

我都覺得佢係愚孝，之前亞仔都話過佢，叫佢唔好俾咁多錢爺爺嫲嫲，俾左又係賭晒。佢話自己太忙，陪唔到兩老咁多，人地真係孝順的仔女，復诊都會陪父母去，佢都好少陪。係醫院話要去私家照超聲波MRI之類先必定陪佢地去。老實講，我都嫐嫐地，我大肚佢都冇陪過我去做幾次產檢，生左三個仔女，第一二個佢都唔係醫院陪我，到生細女佢都話要去返工。最後要我反面咁濟先留低等細女出世。

我係同佢講，如果佢父母有咩事，真係自己搞掂佢，唔好煩我。我自己都有父母要照顧。