吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 無限既失望

夫婦情感今日: 5|主題: 42712

收藏本版

回覆發帖

返回列表

跳至頁

查看: 28701 | 回覆: 31

無限既失望 [複製鏈接]

Ababe

洋房

積分: 51

1^#

發表於 24-9-22 02:47 |只看該作者 |正序瀏覽 |打印

嫁左一個愛自己比其他人多一萬倍既人。雖然都明白喺呢個世界上，老婆已係佢叫做最錫既人，不過一秤埋佢自己既興趣，無任何人或事比佢自己既興趣更重要。其實呢個感覺好灰。
最可笑係佢既朋友們只睇到個表面，就為老友發聲，覺得個老友去做自己既興趣都無自由。其實有無眼睇到個老友從來都無犧牲過自己既興趣。小朋友出世頭幾年都無停過每個星期出去做自己既興趣。個老婆痛到死去活來，要自己瞓喺床邊，擺個三個月既仔喺入面，驚自己痛到暈左睇唔到個仔，個仔會翻落床，都無打電話叫佢回家。因為知道打完個電話後，件事唔會好左，個男人只會怨，覺得又少左一次去自己玩既機會。佢只會覺得個老婆係唔鍾意佢出街，扮病。搞笑既係個老婆一直都唔知呢啲痛係因為自己有個瘤，只係繼續自己挨左十幾年先知。

家中對內對外，由小朋友讀書，至到搬屋裝修，大爺都唔想參與。終日㩒電話過世。有次叫佢去睇吓裝修進度，可能佢覺得自己都唔識，睇黎都無用，唔去。咁你唔去，咪我去。一開門，見到一個無着上衫既裝修工人迎面行出嚟，頭頂有盞只有黃光無燈罩既燈膽搖擺住。個感覺係即刻想掉頭走。當然呢啲野阿朋友們唔會知。

個老婆唔係唔可以出街，個老公仲好開通，大大力鼓勵佢出街輕鬆吓。但每次出街後回家，都係要做番家中籃子既野。感覺係出完街仲慘過無出街。佢出街，完全無後顧之憂，因為家中一切一定有人會打點。我出街，出完要用番時間去做番原本喺家可以做妥既野。

到依家個仔都大，真係唔駛太多照顧，不過小朋友都同時下年青人一樣，鍾意玩下電話。作為阿媽可以點教？呢頭話個仔，嗰頭個老豆一直無離開過個電話。

總之就係：倦、懕

0 0 0

私人傳訊回覆引用

Monchichi110

男爵府

積分: 7913

32^#

發表於 25-2-2 14:09 |只看該作者

Ababe 發表於 24-9-25 17:16
回覆 kaman06 的帖子

其實唔係佢有無做，識唔識做，係佢覺得需唔需要做。以今日為例，個仔四點要去醫院覆 ...

好明白你，你C6根本同你唔同步伐，已經至以哂你，我C6一樣，所以在我心中，佢無樣做得好，我都覺得心灰意冷

私人傳訊回覆引用

米腸

公爵府

積分: 25689

31^#

發表於 25-1-16 23:00 |只看該作者

Ababe 發表於 24-9-22 16:11
其實都只係呻吓。因為已挨過左一半，仲有幾年，呢段婚姻就可隨時終結。暫時佢仲會喺做得唔好時表示歉意，所 ...

捱左一半已經好叻。。。

我想好想快啲到我

私人傳訊回覆引用

yoyotc

大宅

積分: 1642

30^#

發表於 24-10-31 18:20 |只看該作者

「嫁左一個愛自己比其他人多一萬倍既人。雖然都明白喺呢個世界上，老婆已係佢叫做最錫既人，不過一秤埋佢自己既興趣，無任何人或事比佢自己既興趣更重要。其實呢個感覺好灰。」

同病相憐！尤其是老公唔理孩子，老婆都唔理，唔通等孩子自生自滅？但一路單方面妥協付出，心也很累。

私人傳訊回覆引用

Ababe

洋房

積分: 51

29^#

發表於 24-10-12 10:15 |只看該作者

回覆 kwhkwh 的帖子

其實當人地係覺得無需要做，order佢做有意思嗎？個task係complete左，但有用嗎？幾年前我唔知因為咩野事帶唔到小朋友去睇牙，由佢去帶。一年後我再帶個仔去，牙醫話小朋友要矯齒，我問幾時開始會合適啲。牙醫揭一揭個紀錄，話：上年已提左你要做架啦喎。
當日佢湊完去睇牙後回家，係有講要矯齒，我問過係甩埋乳齒先做，還係幾時做，佢既答案比我感覺唔係要即刻做嗰種。純估計係牙醫講完，佢哦完，無追問。所以亦答唔到我。
小朋友細時，換片要佢幫手攞綿花，學興趣班要佢幫手接送。佢咪接order囉。今次問完你綿花喺邊，興趣班幾點至幾點。到下一次，同一個問題再問過。如是者係可以問幾次，做幾次，都仲係問緊。所以呢個係個心放個家有幾重要既問題。佢會唔會問佢出去玩係幾點開始，約左朋友係幾點？

私人傳訊回覆引用

kwhkwh

公爵府

積分: 28740

2025勳章 2025勳章蛇年勳章 2024年龍年勳章牛年勳章

28^#

發表於 24-10-2 14:39 |只看該作者

Ababe 發表於 24-9-25 17:16
回覆 kaman06 的帖子

其實唔係佢有無做，識唔識做，係佢覺得需唔需要做。以今日為例，個仔四點要去醫院覆 ...

咁老實講，呢個情况你仲俾佢選擇？？order 佢做啦！

俾得選擇佢熱兩邊唔做，因为知你唔抵得，做埋。

你俾男既食住。

請勿轉載。搬字過紙不是記者的工作，未經同意, 即屬抄襲。

私人傳訊回覆引用

花花b

侯爵府

積分: 21185

27^#

發表於 24-10-2 14:09 |只看該作者

有一樣同你一樣，出完街要做返屋企既野，好攰。小朋友細時要煮好飯沖好涼先出得去。對方會話佢唔識煮或者煮完好難食（但係又唔去學）或者外賣比小朋友。呢方面我比較體會到。

其他都有優點令你覺得可以維持到依家？
我果個會配合，例如出席覆診、家長會自動波拎假陪同。係處理家務上比較被動式。

私人傳訊回覆引用

wingyaumama

子爵府

積分: 13437

26^#

發表於 24-10-2 12:37 |只看該作者

Ababe 發表於 24-9-25 17:16
回覆 kaman06 的帖子

其實唔係佢有無做，識唔識做，係佢覺得需唔需要做。以今日為例，個仔四點要去醫院覆 ...

明白同體會！
同你都一樣，同佢過咗大半世人，仔女都大曬，而家隨心而行，放開一切就會舒服好多！

私人傳訊回覆引用

gilgilgilgil

公爵府

積分: 28572

25^#

發表於 24-9-30 23:09 |只看該作者

Ababe 發表於 24-9-25 17:16
回覆 kaman06 的帖子

其實唔係佢有無做，識唔識做，係佢覺得需唔需要做。以今日為例，個仔四點要去醫院覆 ...

我好明白！拍拖、結婚、生仔真係好唔同；真係未必睇到個男人係咪適合做爸爸、又或者拍拖時未必識睇呢樣..... 所以啲人先會話婚姻係賭博

私人傳訊回覆引用

gilgilgilgil

公爵府

積分: 28572

24^#

發表於 24-9-30 23:00 |只看該作者

做個靚太發表於 24-9-23 10:10
所以時下多左好多人，等仔女大，晚年先離婚，然後被離果一方，仲覺得自己好無辜，佢D親朋戚友又會加把口， ...

私人傳訊回覆引用

AndesChan

別墅

積分: 710

23^#

發表於 24-9-25 18:05 |只看該作者

Ababe 發表於 24-9-25 17:16
回覆 kaman06 的帖子

其實唔係佢有無做，識唔識做，係佢覺得需唔需要做。以今日為例，個仔四點要去醫院覆 ...

咩都唔幫手
呢D 老公要嚟做乜？
自己一個挨算數

逝去感情如何留得住?

私人傳訊回覆引用

Ababe

洋房

積分: 51

22^#

發表於 24-9-25 17:16 |只看該作者

回覆 kaman06 的帖子

其實唔係佢有無做，識唔識做，係佢覺得需唔需要做。以今日為例，個仔四點要去醫院覆診，六點佢學校家長會。早退信係我請佢寫比個仔。今日要去仔既學校佢亦知，因為我去左學校，就自然無人煮飯，佢好清楚要自己同仔出去食。但佢選擇左兩邊都唔幫手去。因為佢覺得兩邊都無需要去。再安排左自己番工番到七點。我同佢係做同一個工種，佢今日要做既工作其實係可以自己選擇時間的，唔一定要今日做。但佢㨂左今日。咁我有幾個選擇：1. 兩邊都唔去。2. 是但去一邊。3.去晒兩邊。結果我㨂左3。我唔係話呢兩件事好緊要，非陪同不可。事實上我知個老公係咁，自小已訓練小朋友獨立。今日原本我亦叫小朋友自己去覆診，對上嗰次已教晒小朋友要點樣揾啱個部門，先比錢再聽叫名。因為我自己都唔知自己收工趕唔趕到。好彩最後去到醫院個仔仲等緊，未入去。夜晚個家長會其實都唔係一定要去，不過我都想見吓班主任，了解吓。呢啲情況喺一個小朋友成長當中係出現無數次。咁係咪佢做得唔好，我要駡佢？唔係，無駡既情況出現，因為連做得唔好既情況都無出現過。