自由講場 今日: 1256|主題: 1344554

…原本這種生活會繼續下去，直至有次貪玩的阿龍，提議和阿十幾個朋友一起打劫金舖。

這個貪玩的決定改變二人一生。他們花光搶劫所得後不久被捕，還柙在越南的監獄逾一年。阿龍憶述，獄中根本不夠吃，囚犯每日爭食，又經常打架，時時有人死，「好殘忍黑暗」。後來父母找辦法保了他和阿十出來，父親對他說，年紀老了幫不到他什麼，着他「最好離開越南」。

「我唔想離開越南」，阿龍說的時候，眼睜睜。那可有後悔？「點後悔啫嗰時。你識諗梗係唔好咁樣啦！但識諗你後悔都遲咗啦，我自己攞嚟。」

「我嚟香港好撚慘真係，眨咗眼三十年。」

阿龍記得，來香港的1987年，他22歲，阿十21歲。兩個人坐了9日的船抵達香港，先後住過喜靈洲、深水埗和望后石難民營。

其時香港為第一收容港，越南難民來到都需等候甄別送往其他西方國家，但在漫長的等待期間，往往有人因犯事而未能成行。「以前我哋仲後生，又單身冇家庭，大家圍埋一齊住，冇乜嘢做，悶起上嚟啲人咪賭錢、食白粉、打交。」越南難民語言不通、受本地人歧視，在外難以找到工作，不少人成天待在營裏，受朋輩影響染上了毒癮，繼而靠搶劫、走私、運毒謀生。

…可惜待到結婚以後，他與阿十卻因為走白粉同留下案底，再也離不開香港。

吸毒、犯事、入獄，是個永遠無法逃出的輪迴。2000年，最後一個難民營望后石關閉，阿龍搬去本地朋友家住，阿十無處可去，就與同鄉去通州街橋底睡。與阿龍不同，阿十瘦弱、怕醜，又不諳廣東話，根本找不到工作，只能成天待在橋底。搵唔到食，又有毒癮，唯有撈偏。

結果是多次進出監獄，久久都未儲到7年的清白記錄拿「三粒星」，得不到政府津貼又負擔不起租金，就一直在橋底生活。「我哋啲圈子，出咗冊就係返酒店，監獄就係屋企」，阿龍輕嘆，「以前真係，入面監獄就開心，但比你出去，你都唔知去邊度、返邊度！你都冇屋企，乜都冇。」

吸毒犯事，原是逃避。來港三十多年，日子苦悶時，「食白粉嗚嗚下，時間好快過」。但如果當初，沒有吸毒，沒有走粉，現在也許一早到了美國？

「後生嗰時唔識諗，知道就冇行呢條路啦啱唔啱啊」，阿龍說的時候，輕輕瞇起眼睛。

DSCF1798

在長椅和欄杆間搭一塊布，鋪一塊蓆，就是阿十所睡之處。

「而家我唔駛擔心佢」

由橋底到公園，這些年來，阿龍間中都會帶錢和食物來探阿十，當比他細的阿十親兄弟般照顧。阿龍說，阿十生性怕醜，學不會廣東話，有時遇本地人不懂表達，「一講起就屌老母」。

加上三十年來大多在難民營、橋底、監獄渡過，「佢冇接觸咁多出面，行咗出去都唔知邊度打邊度！住橋底就知橋底，嚟公園就知公園，同埋街市就冇啦。」

…火爆的阿龍，有時忍不住為溫馴的阿十出頭。有次阿龍找阿十，竟碰到黑社會「收陀地」，氣得掹把刀出來就要劈，對方走都走唔切。「我唔會惹人哋，人哋都唔好惹我」，阿龍說時瞪大眼睛。可阿十卻嚇壞了，怕阿龍真的和人打起上來，將「架生」全部扔掉。

…也有時，阿十不聽阿龍講，阿龍生起氣來就動手。「佢鍾意人哋氹，我就唔鍾意，都唔識氹」，但一世人兩兄弟，過一兩日又和好。

註：我認為若警員真犯法是罪有應得，只是同蠱惑週旋時因無法對付而迷失自己。