吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 騙案~~~差點被騙幾萬蚊。（今次到我老公#114） ...

自由講場今日: 1172|主題: 1356744

收藏本版

回覆發帖

返回列表

跳至頁

查看: 12644 | 回覆: 115

騙案~~~差點被騙幾萬蚊。（今次到我老公#114）

[複製鏈接]

12 3 4 5...6

rebeccalin

珍珠宮

積分: 30489

牛年勳章

1^#

發表於 24-11-2 15:19 |只看該作者 |正序瀏覽 |打印

本帖最後由 rebeccalin 於 25-3-23 12:40 編輯

之前買樓的時候，地產經紀問我做盛行？我話我哋自己開工程公司，佢話經常有客人叫佢介紹裝修公司。佢話如果有客人需要會介紹畀我哋。
前日收到呢個經紀嘅電話，佢話有個中學校長搵佢，話學校有幾間課室需要改建做其他用途，問佢有冇工程公司介紹。於是佢推薦畀我佢同呢個校長聯絡。噉我就打電話畀呢位校長。間學校喺我哋呢一區都算有名嘅學校。呢位校長同我講話係舊生捐左一筆錢需要將幾間課室改建成圖書館。叫我第二日下午兩點去學校拎圖紙同報價單。
第二日早上大概十點我接到呢位校長嘅電話。佢話教育局星期一會去學校檢查採購嘅裝修物料。其中有一批防水漆，因為同內地嘅供應商有爭詏，個供應商唔肯供貨畀佢哋學校。叫我用我哋公司名義向呢個供應商採購。同埋佢講咗畀我知佢哋採購嘅價格係幾多。即係話我哋採購嘅價格比呢個價錢平噉我哋就可以賺到中間嘅差價。但係批貨必須要喺第二日嘅下午兩點前送到指定地點。於是我聯絡呢個供應商。佢嘅報價比校長所講嘅價錢平咗800文一桶。而該校長同我講要採購150桶。即係中間差價有12萬。
呢個供應商話如果要喺第二日下晝兩點前送到指定地點。就要喺今日嘅12點前落訂。因為財務要出單畀海關報關。
然後我將相關信息告知校長。問佢攞定金。佢叫我畀住先陣間兩点鐘見面會將所有貨款俾我。我同佢講因爲我哋第一次合作且素未謀面所以我想攞咗訂金先至幫佢訂貨。
佢語氣變得好唔耐煩噉話你係唔係噉樣都唔信我？因為你係A先生(即地產經紀)介紹嚟，我先邀請你哋公司嚟報價我哋學校工程。如果唔係A先生介紹我都唔會請你邀請你哋公司做報價。
我同佢講我話我而家冇咁多現金幫你去入錢而且太急。12點前要入錢太趕。我問下對家睇下三點前入錢得唔得我去你度攞咗攞咗貨款再入。
呢個時候嗰位供應商不停催促我話財務已經出緊單叫我入錢。個校長又不停whatsapp同打電話來催我搞掂未。我冇聼佢電話
我打電話俾地產經紀問佢同呢位校長係唔係好熟。地產經紀話同呢個校長唔熟冇見面不過今日約咗下晝兩點會去同佢一齊睇幾間鋪位。我同個經紀講你唔洗去睇啦，呢個肯定係騙子嚟嘅。因為佢都約咗我下晝兩點去學拎設計圖紙同報價單。地產經紀話唔好意思搞到你遇到騙子。佢話對方提起想搵工程公司，第一時間就唸起我。我同佢講你都係好心介紹工程比我地公司做都係出於好意，以後都要小心D唔識且未見過面的人，都要小心提防一下。
我同經紀講我而家打去學校問下到底有冇要將課室改建成圖書館哩單工程呢件事。
點解我會產生懷疑第一係因為呢個騙子講嘢有鄉音。因爲我上網查過呢間學校校長嘅資料。佢應該係土生土長香港人講嘢一定唔會有鄉音。第二係騙子嘅聲音比校長嘅年齡要蒼老好多。第三係香港人WhatsApp上面名稱顯示唔會用某某學校校長做自己嘅名稱。
我再打去學校問有冇將課室改建圖書館工程呢回事。學校回復話冇呢回事且主任同我講最近都有幾間工程公司打電話問佢哋係唔係有呢單工程要招標。應該係騙子利用校長嘅名義呃錢。學校主任都問我願唔願意留低聯絡方式如果到時有需要協助警方調查，會唔會願意幫手協助調查。
其實當時我見到差價咁大。我畀住四萬幾蚊訂下晝就可以拎返貨款返嚟，一轉手第日就可以賺12萬，都有心鬱鬱想幫佢落訂先。好在諗深一步邊有咁大隻蛤乸隨街跳。加上未見過交易者嘅真實面目同埋對佢身份都有懷疑，都係覈實過先至再做決定。
我將呢件事同我老公講，我老公話佢有個同事都遇過這種情況俾人呃咗十幾萬。
老實講，我平時見到唔熟悉的電話都唔會聼，呢單係因為認識的人介紹，我先會去聯絡呢個所謂的校長。所以就算熟人介紹都要親自覈實過對方身份及事情的真偽先做決定。
總結以上所得，騙子會用貪念利誘人係好短的時間內做出決定，且唔會俾機會你去搵第三者覈實身份幾事情的真偽。
總之做人唔好貪心冇做虧心事，就唔怕騙子會呃到你。

0 0 0

私人傳訊回覆引用

SOHOT

伯爵府

積分: 16549

116^#

發表於 25-3-23 13:05 |只看該作者

rebeccalin 發表於 24-11-2 15:19
之前買樓的時候，地產經紀問我做盛行？我話我哋自己開工程公司，佢話經常有客人叫佢介紹裝修公司。佢話如果 ...

東張之前已經講過類似的騙案，又係鄉音校長

私人傳訊回覆引用

chanti

子爵府

積分: 13353

115^#

發表於 25-3-23 12:54 |只看該作者

rebeccalin 發表於 25-3-23 12:42
今次到我老公，今朝佢打俾我話有個女人話係我地呢區某小學校長，話係X小姐介紹佢搵我老公做工程，剛好X小姐 ...

有時間就同佢玩下

私人傳訊回覆引用

rebeccalin

珍珠宮

積分: 30489

牛年勳章

114^#

發表於 25-3-23 12:42 |只看該作者

回覆樓主:

今次到我老公，今朝佢打俾我話有個女人話係我地呢區某小學校長，話係X小姐介紹佢搵我老公做工程，剛好X小姐個姓同我一樣，我老公打來問我有冇呢回事，咁係冇啦。如果打比我，我肯定玩返佢轉頭，因為佢今次報間學校的校長我真係識得

私人傳訊回覆引用

rebeccalin

珍珠宮

積分: 30489

牛年勳章

113^#

發表於 24-11-3 23:33 |只看該作者

talktime 發表於 24-11-3 21:06
大學校長有鄉音

大學校長係外聘，呢件事應該好多人的都知。我係網上查過呢間中學校長的資料，可以肯地係香港土生土長香港人，而且年紀比騙子把聲要後生，騙子把聲聼落有60+

私人傳訊回覆引用

TATEYAMA

珍珠宮

積分: 35617

112^#

發表於 24-11-3 21:21 |只看該作者

回覆樓主:

呢類騙案已經好耐了

私人傳訊回覆引用

talktime

珍珠宮

積分: 35841

母親節2025勳章

111^#

發表於 24-11-3 21:06 |只看該作者

rebeccalin 發表於 24-11-2 15:46
其實成單嘢最令我懷疑係個騙子有鄉音，我打去學校問的時候，個主任問我點解會知道係騙子。我話香港一間ban ...

大學校長有鄉音

私人傳訊回覆引用

travelman

男爵府

積分: 6733

110^#

發表於 24-11-3 20:37 |只看該作者

haideemom 發表於 24-11-3 17:42
佢打嚟我公司嘅時候係話係一間九龍塘中學嘅老師，因為老闆（即校長）識得我哋公司之前嘅一個舊客嘅朋友介 ...

你呢個情形，正正就係我之前發生, 咁佢叫我入嗰個款項一睇都唔係嗰間床褥公司嘅戶口, 我就知道係假嘢, 另外佢嗰隻床褥淘寶係有嘅但係尺寸就冇嘅，所以我問過淘寶佢話特製要兩個星期, 所以根本就唔會趕得切, 你就要幫襯呢一個騙子訂貨.

私人傳訊回覆引用

haideemom

別墅

積分: 636

109^#

發表於 24-11-3 18:15 |只看該作者

cheung2000 發表於 24-11-3 18:12
學校工程邊會咁趕，佢越催越唔可信

本來找我是講學校工程等你信咗佢會俾生意你做的時候佢就會講第二啲嘢，佢說是老闆（校長）私人老人院捐助的事

私人傳訊回覆引用

cheung2000

珍珠宮

積分: 37151

108^#

發表於 24-11-3 18:12 |只看該作者

回覆樓主:

學校工程邊會咁趕，佢越催越唔可信

私人傳訊回覆引用

師妹

男爵府

積分: 5302

107^#

發表於 24-11-3 18:09 |只看該作者

回覆樓主:

好彩係醒目

私人傳訊回覆引用

rebeccalin

珍珠宮

積分: 30489

牛年勳章

106^#

發表於 24-11-3 17:54 |只看該作者

haideemom 發表於 24-11-3 17:42
佢打嚟我公司嘅時候係話係一間九龍塘中學嘅老師，因為老闆（即校長）識得我哋公司之前嘅一個舊客嘅朋友介 ...

同我一樣，打去學校問都係話有其他工程公司打去問佢地係唔係有相關的工程招標。你呢單連入數紙都俾埋你，真係真到似層層。總之以後大家都醒定D，對於呢D唔認識未見過的人，真係要萬二分提防。係銀行交收現金入錢，確認到D錢係真鈔先好進行交易。

私人傳訊回覆引用

katherine.k

公爵府

積分: 28405

105^#

發表於 24-11-3 17:48 |只看該作者

rebeccalin 發表於 24-11-2 15:19
之前買樓的時候，地產經紀問我做盛行？我話我哋自己開工程公司，佢話經常有客人叫佢介紹裝修公司。佢話如果 ...

其實地產職員都可能有問題，聽你咁講我覺得佢哋有機會係同黨

私人傳訊回覆引用

cattz288

寶石宮

積分: 254877

2025中秋節勳章父親節2025勳章母親節2025勳章 2025勳章蛇年勳章 2024年龍年勳章虎到金來勳章減齡達人勳章牛年勳章 HiPP勳章(2) 2018父親節勳章 2018母親節勳章 15週年勳章親子王國15週年勳章 2018復活節勳章王國教室勳章畀面勳章 BK Milk勳章 DHA勳章 Poo得好勳章

104^#

發表於 24-11-3 17:46 |只看該作者

haideemom 發表於 24-11-3 17:42
佢打嚟我公司嘅時候係話係一間九龍塘中學嘅老師，因為老闆（即校長）識得我哋公司之前嘅一個舊客嘅朋友介 ...

唉，真係唔好比佢催幾催就做錯決定

放下自在

私人傳訊回覆引用

haideemom

別墅

積分: 636

103^#

發表於 24-11-3 17:42 |只看該作者

rebeccalin 發表於 24-11-3 09:13
希望經常可以快D拉到人，還你公道。可以講下詳情嗎？

佢打嚟我公司嘅時候係話係一間九龍塘中學嘅老師，因為老闆（即校長）識得我哋公司之前嘅一個舊客嘅朋友介紹，想搵我哋去佢學校有啲小型工程做，咁就約咗我哋幾日後或一個禮拜到去現場睇位。
未到嗰日，佢又突然間搵我就話佢老闆九龍塘一間老人院要換一批床褥，平時佢老闆跟某供應商是有訂開的，問我哋有冇嗰個牌子嘅床褥，我冇聽過呢個牌子，但我上淘寶search過是有這牌子的床褥
跟住佢話佢老闆同呢個Supplier 最近為一啲事鬧咗交，所以唔方便出面訂，問我可唔代訂，叫我收返些少手續費然後開單比佢，佢比咗呢個supplier 電話我，當然呢個人是同謀，跟住我叫佢入錢俾我，我先會幫佢訂，但佢入錢比我是有錢行入數紙，但事實上等咗幾個鐘都入唔到數，但佢就係咁逼我話啲床褥聽日要送到去九龍塘，而家趕住報關出車，如果我唔入錢俾佢咁啲貨就送唔切，佢會用時間同埋真係出車報關嘅相片，有好多張床褥喺架車度嘅相片WhatsApp俾我好似真咁，於是我就入咗錢俾佢喺冇收到佢訂金嘅情況下，所以之後就覺得自己好蠢好唔開心。因為我一直都係咁催佢點解條訂金仲未入到，佢就猛咁話會計嗰邊搞，跟住我就話冇可能之後開始我有少少鬧佢，佢都唔耐煩，之後我要佢比卡片我，佢send過嚟張卡片係好假的，唔係卡片係老師證件，跟住我再打去學校問，原來學校話之前已經唔止一次收到我呢啲電話。

私人傳訊回覆引用

haideemom

別墅

積分: 636

102^#

發表於 24-11-3 17:23 |只看該作者

jollyma 發表於 24-11-3 10:42
好奇一問，會唔會係工程公司習慣先預繳，再收錢，所以佢地有機可乘

不是有這樣的習慣，正常不會是這樣，係自己豬咗，所以嗰時好唔開心

私人傳訊回覆引用

lingw.

珍珠宮

積分: 35737

101^#

發表於 24-11-3 11:04 |只看該作者

rebeccalin 發表於 24-11-3 08:16
咁又唔一定買完樓唔會再買。好似我宜家經佢買呢間屋仔上手業主，經呢個AA買左好多物業，可以講係完全信晒 ...

原來咁好, 我近來都想買樓, 可以介紹你個Agent比我嗎? 我pm u?

私人傳訊回覆引用

annie133

公爵府

積分: 26363

100^#

發表於 24-11-3 10:43 |只看該作者

LedTV 發表於 24-11-3 01:13
訂床褥事件
一聽到非純正廣東話
一律歸納為騙子就得

呢個好易分
不過我都接過地道香港人主理的騙案，初初都信信地，所以都一樣要小心

私人傳訊回覆引用

jollyma

珍珠宮

積分: 36247

睛靈勳章

99^#

發表於 24-11-3 10:42 |只看該作者

haideemom 發表於 24-11-3 09:10
我就係床褥騙案受害人，我都係做工程，上年發生，被呃咗幾萬蚊，又係學校，又係有鄉音，已報左警，但當然 ...

好奇一問，會唔會係工程公司習慣先預繳，再收錢，所以佢地有機可乘

私人傳訊回覆引用

jollyma

珍珠宮

積分: 36247

睛靈勳章

98^#

發表於 24-11-3 10:40 |只看該作者

回覆樓主：

本帖最後由 jollyma 於 24-11-3 10:42 編輯

地產經紀八足咁多爪，佢唔一定係合謀，亦唔排除佢幫人賣樓時好落力，但經紀一般會用盡方法同機會去廣建人脈，冇用心去思考每一個情況，就介紹出去，可能好心做壞事，我識個朋友比地產經紀介紹買埋好多九唔搭八既外地樓，結果退休啲錢就散晒，收租無望，佢都同我講個啲盤連個地產經紀都有買，仲要介紹佢參加埋啲呃人既關愛會