自由講場 今日: 2004 | 主題: 1336014

積分: 2496

1^#

發表於 25-1-6 09:02 |只看該作者 |正序瀏覽 |打印

本帖最後由 snorlax 於 25-1-6 14:34 編輯

個女因為身體有先天性病患 (14歲)
夜晚瞓覺長期多夜尿間中甚至瀨尿，
一直都唔捨得幫個女換新床褥，
同埋唔想阿女14歲仲依賴尿片，
所以就叫佢要習慣唔用尿片瞓覺，
床頭放兩個尿壺加鋪防水墊上去算。

阿女投訴話張床褥太舊用咗五年變形，
夜晚瞓得唔好，而且有輕微尿味想換新，
我老公愛女心切重金同個女買咗Serta新床褥，
話只希望個女夜晚可以瞓得舒服就得，
精精神神返學，我就話到老公七彩，明知個女間中仲會瀨尿唔洗買咁貴比佢，
果然不出我所料張新床褥落地一個月，
冬天暖笠笠個女瞓新床褥實在舒服得滯，
上星期阿女瀨尿唔記得舖返張新防水墊上去，
昨晚女兒又失手瀬尿瀨濕晒張新床褥，
半夜夜尿急唔識醒發個搵廁所美夢就瀨咗，
一星期又瀨咗兩晚尿怕咗佢，
今晚開始比佢著返尿片算。

依家肉赤到出煙，張床褥買咗一萬幾蚊，
都唔知用啲咩清潔劑同搞，床褥瀨到好濕，
唔知使唔使tatol loss換張新，
咁貴咁靚嘅床褥又唔會掉咗佢，
有冇高手可以教我點樣清洗張新床褥？

萬二分感謝

0 0 0

私人傳訊回覆引用

tp_terminator

積分: 2052

102^#

發表於 25-1-8 17:43 |只看該作者

買個布藝清洗機我都買咗一個，因為啲貓成日喺我張床度瀨尿勁臭，不過洗完之後真係咩味都冇晒，一部機都唔使$1000

私人傳訊回覆引用

ccy1234

子爵府

積分: 10114

2025勳章 2025勳章蛇年勳章

101^#

發表於 25-1-8 16:05 |只看該作者

如果係病令佢會瀨就唔可以懶唔鋪防水墊，如果係純粹習慣左就要訓練返好，14歲唔細啦！

到時點識男朋友？同人出去旅行？

私人傳訊回覆引用

annie133

侯爵府

積分: 24320

100^#

發表於 25-1-8 16:02 |只看該作者

snorlax 發表於 25-1-6 09:26
回覆 mandy952 的帖子

冇啊，就係阿女上星期瀨完尿，自己墊咗一層床單就算，

要用防水床墊，有一隻向上不是膠質，另外著防水裙瞓？

私人傳訊回覆引用

mimi987

公爵府

積分: 25749

99^#

發表於 25-1-8 16:00 |只看該作者

snorlax 發表於 25-1-8 13:35
我帶佢睇過好多醫生，8歲排政府9歲開始睇，政府唔得就睇私家再加埋中醫，諗住中西合璧，都係效果唔理想，阿 ...

我睇哂你所有留言，無你同樣經歷，但作為媽媽既我，都可以理解到小朋友有問題又解決唔到既難受，媽媽你辛苦了，首先比個叻自己先

因為你都用好多方法去幫助自己女兒解決尿床問題，因為真心唔好受，女兒上中學仍然依賴尿片，但我睇到你先生都係有呢個問題，如果係遺傳問題，就真係順其自然，比大家都抖下先，大大下，可能佢膀胱肌發育得好就好似你先生咁，會解決左

同埋一去到青春期，女生要拍拖，自然就有誘因令到佢突然醒覺都唔奇，佢自己都會愛面子，都知醜，只係佢未有一個大誘因去決心解決呢個問題，當時機成熟（身體機能發展好+唔想比重要既人知道佢仲著片），到時可能就一氣呵成完成左呢件事。

我當年為左拍拖，一口氣都減左30磅

私人傳訊回覆引用

ctsang

積分: 8054

98^#

發表於 25-1-8 14:09 |只看該作者

snorlax 發表於 25-1-8 13:35
我帶佢睇過好多醫生，8歲排政府9歲開始睇，政府唔得就睇私家再加埋中醫，諗住中西合璧，都係效果唔理想，阿 ...

明白你，我仔當年6/7歲先介夜片，都好多身邊人閒言閒語，一定係話我呢個阿媽唔識教，寵仔由得佢唔介片etc，其實當時真係咩方法都試過。最終去睇醫生要食藥，醫生當時話過係有小數人有夜尿問題，要去到發育完成時先可以解決，好彩我仔當年食咗藥真係解決咗個問題，如果唔係可能要等到成年人先得！
唔知你女會唔會而家正直發育，所以夜尿問題嚴重咗，可能一到佢發育完後就會無咗呢個問題呢！

私人傳訊回覆引用

loveman

積分: 7118

97^#

發表於 25-1-8 13:57 |只看該作者

寵物店有去除尿味的清潔濟，你可以一試

私人傳訊回覆引用

pw_113

積分: 8758

96^#

發表於 25-1-8 13:41 |只看該作者

snorlax 發表於 25-1-6 09:02
個女因為身體有先天性病患 (14歲)
夜晚瞓覺長期多夜尿間中甚至瀨尿，
一直都唔捨得幫個女換新床褥，

錢事小，點幫到你女盡量唔好瀨尿先最重要，唔好因為驚整污糟貴床褥肉赤，阿女依賴尿片令人更肉赤呀

私人傳訊回覆引用

積分: 2496

95^#

發表於 25-1-8 13:35 |只看該作者

alicewtw 發表於 25-1-8 13:03
明白樓主好大壓力，但我睇晒樓主寫既野，我反而奇怪點解樓主要咁縱個女？
既然醫生都確診係病，點解個女話 ...

我帶佢睇過好多醫生，8歲排政府9歲開始睇，政府唔得就睇私家再加埋中醫，諗住中西合璧，都係效果唔理想，阿女就見睇咁多醫生都覺得冇用食咁多藥都冇用仲整埋啲副作用，我睇到有時覺得心痛就由得佢唔比藥佢食，本來佢好積極，有一段時間食藥真係有效，夜晚急尿識醒去廁所，但維持咗差唔多大半年去到冬天明明食咗藥夜晚都開始成日瀨尿，個女意志就打沉晒好唔開心，跟住阿女話可唔可以比條片佢用返，因為唔想我太辛苦朝朝幫佢清理張床同洗衫，我就畀佢用結果一用返佢又返唔到轉頭，我見唔對路就開始停止比尿片佢要佢半夜尿急起身去廁所或者用尿壺，不過今年佢成日話半夜口乾要飲水，冬天情況更加失控，經常發廁所夢或急醒咗但唔願起身賴床而搞到瀨尿，我都已經冇曬辦法，但又唔甘心由佢順其自然。

老公上年見阿女張舊床褥「戰績」太勁幫佢買新床褥，但估唔到佢買咁貴名牌床褥，雖然我老公目的好單純只係想個女瞓得最好，我因為知道阿女一定會瀨濕張床又搵我去清潔，所以我就好反對買咁貴床，床褥重咗咁多我托起佢洗都好困難，要俾成千蚊畀人洗。

私人傳訊回覆引用

Ivan1023

積分: 6821

94^#

發表於 25-1-8 13:24 |只看該作者

snorlax 發表於 25-1-6 09:02
個女因為身體有先天性病患 (14歲)
夜晚瞓覺長期多夜尿間中甚至瀨尿，
一直都唔捨得幫個女換新床褥，

淘寶有防水床笠套，成個床笠咁整張套晒唔怕濕

私人傳訊回覆引用

somesome2020

積分: 6309

93^#

發表於 25-1-8 13:24 |只看該作者

本帖最後由 somesome2020 於 25-1-8 13:34 編輯

snorlax 發表於 25-1-8 13:13
我老爺奶奶都仲叫開明，知道阿女有病唔會話話佢，但我阿媽唔同，佢都係自細錫到個女燶，不過一講到尿床問題 ...

咁好明顯唔係個女用意志力就可以解決嘅問題啦。
我真係覺得著尿片係一個好嘅解決方法。
你阿媽嗰度，如果係我，我會狠狠鬧佢，話我點教女唔駛佢教。你阿媽唔識野，你都要跟住唔識野？

最重要係阿女嘅意願，佢都14歲，係可以俾佢決定點面對佢嘅身體，到底要再求醫定著尿片定點

而且訓得唔好對身體傷害好大，佢可以安心訓係最重要。訓得唔好真係咩荷爾蒙都差，身體修復又差。

私人傳訊回覆引用

積分: 2496

92^#

發表於 25-1-8 13:13 |只看該作者

somesome2020 發表於 25-1-8 11:02
我就係覺得個女放心可以喺尿片解決，唔係問題。就算一世著尿片都冇問題。

而家個問題係老爺奶奶樓主阿媽 ...

我老爺奶奶都仲叫開明，知道阿女有病唔會話話佢，但我阿媽唔同，佢都係自細錫到個女燶，不過一講到尿床問題就會話我細個唔好好教佢去廁所，搞到佢大個都係咁，我就好委屈根本都唔關事，阿女本身身體機能問題，阿媽就講極唔明，我心靈弱比阿媽話完匿埋喊。

小學檢查過一次，膀胱肌肉發展唔好容量又細好容易就急，腦下垂體又唔知咩事就搞到仲有尿床問題，似係成個泌尿系統都有先天性缺憾，夜晚尿急個腦神經都係虛弱狀態果種，佢白天忍尿能力都好差，佢要坐大半個鐘巴士返放學，試過放學塞車，上車前又冇去廁所又尿急，落車一陣就忍唔到賴左尿，講緊已經係中學，好彩套校裙係深色，瀨咗尿唔太易察覺，如果唔係對佢心理打擊都好大。

阿女急夜尿就算醒都仲係好有睡意，尿壼比佢唔使落床噓噓，迷迷糊糊未對準就屙落去結果都係屙濕張床，所以佢話唔鍾意用尿壺，寧願直接喺尿片噓噓噓完即刻瞓，唔會濕張床，唔使去廁所之後瞓唔著，因為夜尿佢唔止一次，係一晚至少食三四次頻繁咁落床夜尿佢話好辛苦，瞓得好差。

私人傳訊回覆引用

kitty0405

積分: 2004

91^#

發表於 25-1-8 13:05 |只看該作者

床褥有防水套，你試下去淘寶睇下

私人傳訊回覆引用

alicewtw

伯爵府

積分: 15145

最關心BB問題熱投勳章

90^#

發表於 25-1-8 13:03 |只看該作者

明白樓主好大壓力，但我睇晒樓主寫既野，我反而奇怪點解樓主要咁縱個女？
既然醫生都確診係病，點解個女話唔想食藥就唔食？有抗藥性咪試第二種新藥/方法囉！
同埋唔係佢話唔想起身去廁所就由佢瀨喺條片度，佢都講係知有尿意，只係佢懶唔肯起身去廁所。而且如果春夏天冇事，秋冬天先有尿床既情況，就更加證明佢係「識」起身去廁所。咁既話，就試下從家居入手，睡房開變頻暖氣，有套房就比埋間套房佢瞓，等佢冇藉口因為凍而唔起身去廁所。
同埋如果半夜想飲水，真係唔好比一支佢！正常人飲咁多水都會好快急尿喇，何況佢身邊機能冇咁好。我覺得唔可以由佢想點就點！
我明白其他人講著片冇問題、因為係病，但如果春夏天冇事，即係呢個問題、行為係可以改善、可以進步既！既然係咁，做阿媽既當然想佢改善得到呢個壞習慣！

私人傳訊回覆引用

Fatima_melanie

積分: 6977

89^#

發表於 25-1-8 12:32 |只看該作者

snorlax 發表於 25-1-8 10:41
我都講咗好多次，比個女著尿片嘅壞處，就係佢半夜就算自己識醒，佢就會直接係尿片度解決，唔會再特登落床去 ...

我明白你嘅心情，女女係確診左一d病令佢控制唔到去廁所嗎？你觀察夏天控制到而冬天控制唔到，呢種病係冬天先病發，聽你描述女女其實知道急尿，但冬天或著左片時就費事起身去廁所，其實有無部分係意願影響嘅成份呢？
反而瞓覺非常口乾到要飲500ml 水，可能顯示其他身體問題

私人傳訊回覆引用

capricornbb

水晶宮

積分: 60520

2024年龍年勳章 2018母親節勳章

88^#

發表於 25-1-8 12:09 |只看該作者

snorlax 發表於 25-1-8 09:29
多數人都話比阿女瞓得好先，至少唔好因為瞓得差精神唔好影響佢學習同成績，到時比老公話返我話我搞到個女冇 ...

今年秋冬特別乾燥，加上佢身體（估計係泌尿系統）問題，令到身體儲存唔到水份

要體諒阿囡，佢最大支持係自己家人，你唔駛理其他人點睇，

私人傳訊回覆引用

somesome2020

積分: 6309

87^#

發表於 25-1-8 11:02 |只看該作者

本帖最後由 somesome2020 於 25-1-8 12:42 編輯

snorlax 發表於 25-1-8 10:41
我都講咗好多次，比個女著尿片嘅壞處，就係佢半夜就算自己識醒，佢就會直接係尿片度解決，唔會再特登落床去 ...

我就係覺得個女放心可以喺尿片解決，唔係問題。就算一世著尿片都冇問題。

而家個問題係老爺奶奶樓主阿媽呢啲人加把口，令樓主有壓力，先係問題。而呢啲四大長老唔知個孫女狀況就隨便批評。老爺奶奶呢邊要交俾老公應付。

樓主正正就係拎自己個女同 “冇傷殘冇智力問題”嘅人比較，但係明明個女本來係需要食藥，只係食藥令佢太攰而且有抗藥性所以唔食，本身個女嘅問題都冇解決，但樓主就逼個女要自己好似普通人咁“戒片”。
又拎舊時自己瀨尿俾人鬧嘅經驗同個女比較

講真，一般人個生理機制，自己有尿意都唔會就咁瀨，會漸漸尿意加大，睡意全消，然後起身去廁所。個女自己仲有睡意就瀨喺床真係唔係佢本人控制到。

四大長老古板，理解唔到人與人之間有分別，我可以理解，但樓主係個女嘅阿媽，理應要最體諒阿女嘅需要，但反而一直要求個女達到一般人標準

私人傳訊回覆引用