自由講場 今日: 49 | 主題: 1349341

積分: 664

1^#

發表於 25-1-21 15:32 |只看該作者 |正序瀏覽 |打印

本帖最後由 Moppymoses 於 25-1-21 23:34 編輯

我老爺74歲，患咗急性白血病，唔夠兩年，啱啱離開咗我哋⋯⋯
好傷心好唔捨得，唔知可以做啲咩，希望時間可以沖淡傷痛，或者當依度係一個樹窿，好好抒發自己嘅感受，或者俾同路人呢個分享。

我老爺唔食煙唔飲酒，身體冇乜嘢，
2020喺COVID-19打針之前，做咗個body check ，身體好好冇問題，血液都冇問題。
2022年尾，開始發現唔係好食得落野、又有痔瘡出血問題。咁我哋就快快手手捉佢去睇醫生，
2023年1月頭同佢去私家照腸照胃，照腸報告冇問題、其他報告都未出，
2023年1月8日因為佢話痔瘡出血到啲血變白色，我地好驚call咗白車，送咗佢去醫院。做咗幾日檢查醫生打嚟約我哋11號約齊家人見醫生⋯
2023年1月11日，記得嗰日仲同佢去私家醫院度拎報告，跟住趕去公立醫院度聽醫生講⋯⋯確診急症白血病，家人聽到都喊⋯⋯係一個好突然既病，醫生只係講基因突變⋯⋯

接落嚟要決定點樣醫治，由於年紀大，身體負荷唔到傳統嘅電療化療，試新藥年齡又超出咗界限，只有口服鏢靶藥同打鏢靶針。醫生話如果唔醫唔理可以三個月至半年就走，咁有得醫都醫。

記得當初唔知點樣同老爺講佢患咗呢個病，但因為醫院有抽骨髓，佢大概都知自己患咗血癌，記得佢講過醫生話點就點，係堅強定無助？

同好多患病嘅家人一樣，上網不停去搵呢個病，所有嘅資料、點樣醫好、會有幾年命、過程會唔會好辛苦，好似琴日嘅事。

我係老爺嘅照顧者，我哋係一齊生活。
因為有好多嘢要記住同埋要記錄
我開咗本簿去記錄所有嘅嘢
我由對血嘅認知只係得A型B型A B型O型，到而家我知道血液裏面原來有好多嘢，有白血球、血小版、中性白血球、血色素⋯

係起初病發嘅時候不停出入醫院輸血、抽血、配血。可以密到一個禮拜有三日都出入醫院睇到佢成隻手抽滿晒唔同嘅針窿，好難想像會有幾痛，老爺都會笑笑口話唔痛唔痛，有時抽血抽第一下抽搵唔到血管，結果又要拮多一個窿去搵血管⋯⋯

0 0 0

私人傳訊回覆引用

積分: 664

155^#

發表於 25-1-24 16:08 |只看該作者

gigiyu69 發表於 25-1-24 14:05
係呀，心態真係好重要！

爺爺都用左唔少血包，而家我哋全部家人都定期去捐血，希望幫到其他人。

嗯，
我之前都有捐過血，但老爺患病後，我都好感激捐血既人，一次輸4包血，兩包血小板⋯⋯
我都繼續定期捐返血、仲填埋捐骨髓。
因為需要血既病友真係好需要血，捐到血都係福份黎既

私人傳訊回覆引用

gigiyu69

洋房

積分: 39

154^#

發表於 25-1-24 14:05 |只看該作者

Moppymoses 發表於 25-1-24 13:53
所以得病後重點係心態，開朗心情好重要。

經過老爺走左，好似明白生死有命，但求唔好辛苦痛住離開，但有 ...

係呀，心態真係好重要！

爺爺都用左唔少血包，而家我哋全部家人都定期去捐血，希望幫到其他人。

私人傳訊回覆引用

積分: 664

153^#

發表於 25-1-24 13:53 |只看該作者

gigiyu69 發表於 25-1-24 13:41
你真係好叻呀！節哀順變！

分享下我爺爺情況，爺爺三年前88歲確診白血病，佢一向身體健康，行得走得食得 ...

所以得病後重點係心態，開朗心情好重要。

經過老爺走左，好似明白生死有命，但求唔好辛苦痛住離開，但有時又會轉下牛角尖。係一個好深既課提。

另外，成日都覺得白血病好似吸血殭屍，唔夠血要去輸血，如果唔係又攰又無氣力，有時都會拎黎笑下，苦中一點甜！

私人傳訊回覆引用

gigiyu69

洋房

積分: 39

152^#

發表於 25-1-24 13:41 |只看該作者

Moppymoses 發表於 25-1-24 10:32
每一次打鏢靶針之前，都要抽血見醫生，當中性白血球低於1，就要打昇白針，將個中性化白血球谷返起，要大個 ...

你真係好叻呀！節哀順變！

分享下我爺爺情況，爺爺三年前88歲確診白血病，佢一向身體健康，行得走得食得，8x歲仲可以跟團去左幾次東南亞旅行，所以確診咗白血病後，佢堅持唔肯治療，唔打鏢靶藥，話自己年紀都咁大囉，幾時走都冇所謂，除咗定期入院輸血+覆診之外，其他生活一切如常，仲可以自己日日落街去公園行下，到上年八月中瞓瞓下覺走左⋯

疫情期間爺爺一針都冇打過，肯定佢嘅白血病唔關支針事，其他家人全部打足三針。

私人傳訊回覆引用

積分: 664

151^#

發表於 25-1-24 10:32 |只看該作者

本帖最後由 Moppymoses 於 25-1-24 10:33 編輯

Moppymoses 發表於 25-1-21 15:32
我老爺74歲，患咗急性白血病，唔夠兩年，啱啱離開咗我哋⋯⋯
好傷心好唔捨得，唔知可以做啲咩，希望時間可 ...

每一次打鏢靶針之前，都要抽血見醫生，當中性白血球低於1，就要打昇白針，將個中性化白血球谷返起，要大個1，先可以落鏢靶藥。姑娘話病人要來回醫院太多轉，如果昇白針可以嘅話，屋企人幫佢喺屋企打。
結果由我跟姑娘學打針，我連自己打針都驚，仲要學幫老爺打針⋯⋯姑娘好耐性，慢慢逐個步驟教我，我返到屋企將啲步驟抄起曬。一路抄一路驚自己會漏咗啲步驟。因為唔係即時有實集，所以好驚自己會唔記得。
結果兩個月後，醫院打黎，話真係要係屋企打升白針，我即刻再讀一次自己寫既筆記，到爺爺旁邊準備，我連消毒肚皮既皮膚都手震震，老爺反而笑笑口叫我唔使驚，無野架，打落去又怕按得太快又怕太慢佢會好痛，打完我手都仲震，老爺即刻話得啦得啦，自己貼膠布得啦。問佢痛唔痛，佢都話唔痛。
之後我每次打都有進步，無咁驚咁震，但如果可以我一針都唔想幫佢打，因為每打一次得都會覺得佢好辛苦唔好受。

私人傳訊回覆引用

積分: 49210

150^#

發表於 25-1-24 01:02 |只看該作者

本帖最後由 wan_sosin 於 25-1-24 01:02 編輯

CingLee 發表於 25-1-24 00:13
病毒已經中和曬,都要入8日醫院,你嘅身體真係好孱弱,你真係要強化自己身體
當年2019年,新冠肺炎剛剛爆發,病 ...

多謝關心！我身體無得增強嘅，我一世要用免疫抑壓劑，唔好話新冠，其他病都要好小心，長期要食預防性抗生素。
我已好好彩，等到病毒減弱先中，否則可能更嚴重！

私人傳訊回覆引用

CingLee

大宅

積分: 1335

149^#

發表於 25-1-24 00:13 |只看該作者

wan_sosin 發表於 25-1-23 20:57
你有無睇清楚我寫嘅野？你根本由頭到尾無睇清楚，我幾年疫情無中，係上年除晒口罩我先中，已經好返如常， ...

病毒已經中和曬,都要入8日醫院,你嘅身體真係好孱弱,你真係要強化自己身體
當年2019年,新冠肺炎剛剛爆發,病毒係最勁嗰時,當時我都中招,但係都冇乜感覺

私人傳訊回覆引用

積分: 49210

148^#

發表於 25-1-23 21:26 |只看該作者

d6d012d2690777 發表於 25-1-23 21:10
想一想，打d世菌入體內是極高風險。會破壞免疫系統及引發疾病。身弱就自己要保護自己，無人代自己受 ...

同意

私人傳訊回覆引用

d6d012d2690777

積分: 618

147^#

發表於 25-1-23 21:10 |只看該作者

wan_sosin 發表於 25-1-23 20:59
所以不幸中的大幸，我0針疫情期間唔中，醫生開免針紙比我直到疫情完咗
...

想一想，打d世菌入體內是極高風險。會破壞免疫系統及引發疾病。身弱就自己要保護自己，無人代自己受苦。當然身強體壯就無問題啦打3、5、7針都無事。分別很大的！

點評

alau2021

發表於 25-1-24 14:03

私人傳訊回覆引用

積分: 49210

146^#

發表於 25-1-23 20:59 |只看該作者

本帖最後由 wan_sosin 於 25-1-23 20:59 編輯

d6d012d2690777 發表於 25-1-23 20:47
面對高風險的事情就緊係謹慎為上，保持現狀不take風險是最佳的選擇。無人知風險對自己有多大的影響。 ...

所以不幸中的大幸，我0針疫情期間唔中，醫生開免針紙比我直到疫情完咗

點評

alau2021

發表於 25-1-24 14:03

私人傳訊回覆引用

積分: 49210

145^#

發表於 25-1-23 20:57 |只看該作者

CingLee 發表於 25-1-23 20:16
如果你冇打針,應該儘量避免受到感染,一旦感染到你的症狀和後遺症,都比打針強好多

如果我係你就好好鍛煉身 ...

你有無睇清楚我寫嘅野？你根本由頭到尾無睇清楚，我幾年疫情無中，係上年除晒口罩我先中，已經好返如常，所以我話贏咗

點評

alau2021

發表於 25-1-24 14:04

私人傳訊回覆引用

d6d012d2690777

積分: 618

144^#

發表於 25-1-23 20:47 |只看該作者

wan_sosin 發表於 25-1-23 19:29
我無一句說話話全部人都唔應該打針，我只係分享自己，我上面都有講過話大部份人打針無事，我老公同仔都分 ...

面對高風險的事情就緊係謹慎為上，保持現狀不take風險是最佳的選擇。無人知風險對自己有多大的影響。其實心血管弱不健康的人最容易有事。
疫情期間醫生只開一個月免針紙給我，之後數個醫生都不敢要保飯碗，政府迫得太緊醫生都係打份工。自已都要保份工焗打針但一針都過不了。後有了精彩的經驗及故事哈哈

私人傳訊回覆引用

sharebuy

侯爵府

積分: 20572

143^#

發表於 25-1-23 20:19 |只看該作者

Moppymoses 發表於 25-1-21 15:32
我老爺74歲，患咗急性白血病，唔夠兩年，啱啱離開咗我哋⋯⋯
好傷心好唔捨得，唔知可以做啲咩，希望時間可 ...

保重

私人傳訊回覆引用

CingLee

大宅

積分: 1335

142^#

發表於 25-1-23 20:16 |只看該作者

wan_sosin 發表於 25-1-23 19:29
我無一句說話話全部人都唔應該打針，我只係分享自己，我上面都有講過話大部份人打針無事，我老公同仔都分 ...

如果你冇打針,應該儘量避免受到感染,一旦感染到你的症狀和後遺症,都比打針強好多

如果我係你就好好鍛煉身體啦

私人傳訊回覆引用

積分: 49210

141^#

發表於 25-1-23 19:29 |只看該作者

本帖最後由 wan_sosin 於 25-1-23 19:32 編輯

CingLee 發表於 25-1-23 19:01
呢個世界無水晶球,但係凡事都講數據,邏輯,如果冇疫苗,相信老人院的老人已經所淨無幾,我們生活都不會遇常

...

我無一句說話話全部人都唔應該打針，我只係分享自己，我上面都有講過話大部份人打針無事，我老公同仔都分別打服和科各人3針，佢哋本身健康人，中咗都無大件事，你誤會我意思，唔需要咁過敏。
香港無幾個我呢類病人，我只係極少數例子。
當年你試下搵個政府醫生簽你免針紙，咁容易咩？

點評

alau2021

發表於 25-1-24 14:03

私人傳訊回覆引用

CingLee

大宅

積分: 1335

140^#

發表於 25-1-23 19:01 |只看該作者

wan_sosin 發表於 25-1-23 18:35
又點知我去打針會唔會更大件事，當年我問醫生應唔應該打，個醫生諗都唔諗一口叫我唔好打。而且見另一個醫 ...

呢個世界無水晶球,但係凡事都講數據,邏輯,如果冇疫苗,相信老人院的老人已經所淨無幾,我們生活都不會遇常

唔好活在自己世界入邊

私人傳訊回覆引用

d6d012d2690777

積分: 618

139^#

發表於 25-1-23 18:38 |只看該作者

aidan08 發表於 25-1-23 18:15
幾多問題？打完有問題的人多D定無問題的人多D？

你所謂的「咁多問題」，係咪包括嗰D三、五、七個月甚至兩 ...

對支針有信心咪打多幾支冇人阻你們的。身體強弱自己知，強迫打針就是不人道。自己也中過Covid 、流感也不覺強勁只是比感冒重。打針後就逆轉，由沒有任何長期疾病下，於三月個月內入二次醫院及送一堆無厘頭的疾病給我。請你幫我解釋！好彩經過休息後，無厘頭的病消失了。

點評

alau2021

發表於 25-1-24 14:02

私人傳訊回覆引用

積分: 49210

138^#

發表於 25-1-23 18:35 |只看該作者

本帖最後由 wan_sosin 於 25-1-23 18:36 編輯

CingLee 發表於 25-1-23 18:04
你真係有啲阿Q精神本末倒置

又點知我去打針會唔會更大件事，當年我問醫生應唔應該打，個醫生諗都唔諗一口叫我唔好打。而且見另一個醫生都同樣比免針紙我。
醫生都知我中covid同樣有風險，都覺得唔打好啲

點評

alau2021

發表於 25-1-24 14:02

私人傳訊回覆引用