自由報料今日: 24|主題: 297396

收藏本版

回覆發帖

返回列表

跳至頁

查看: 1505 | 回覆: 2

唔好幫襯某間開咗20年嘅言語治療中心 [複製鏈接]

lindalee988

民房

積分: 7

1^#

發表於 25-1-23 16:37 |只看該作者 |正序瀏覽 |打印

事源同事介紹我同仔仔去依間中心睇言語治療，見佢都開咗20年咪去幫襯下。點知體驗極差，死都唔會再幫襯！1.衛生惡劣
入到門口都冇乜嘢正正常常，點知去到治療室就大鑊。做做下評估有曱甴出現，仲要唔止得一隻，嚇死人咩！啲曱甴有冇爬過間房啲玩具就唔知，好彩我個仔大個唔會亂掂間房啲嘢，但啲細個嘅小朋友玩完又放隻手入口點算好。好心開得治療中心就保持好衛生啦！

2.環境狹窄
我同我個仔(讀緊小學)係治療室坐bb櫈坐足9個字，我有問過有冇高啲嘅櫈坐但reception 拒絕左。我知依家係嚟上堂，唔係嚟旅行，但我同我個仔都生得高，大人坐都頂唔順，更何況我個仔呢。跟住我臨走個陣望到佢哋有開小組，4、5個望落去都k2、k3嘅小朋友逼住一張枱仔到上堂。其中一個逼到想坐近少少張枱都難，望落都心酸，個個家長俾咁多錢上堂，連好少少嘅學習環境都冇。

3.Reception好唔專業
首先一入去佢就大大聲聲同人傾偈，冇留意到我同仔仔嚟咗。咁都冇乜嘢係大聲咗少少姐。跟住我同仔仔入咗房，評估做到一半佢冇啦啦沖入嚟問治療師啲嘢。其實有咩緊要事唔可以等多陣講，係到要我仔仔做評估時講呢？我覺得冇乜禮貌囉。跟住治療師話仔仔冇事可以唔洗上堂，reception 就係咁sell我哋上，點解我個仔冇事都要俾人逼上堂呢？係咪想屈佢有個言語障礙嘅病？真係好嬲！

4.(個人意見)臨走嘅時候，有個唔係見我個仔嘅男治療師走埋嚟。佢高高瘦瘦、光光地頭、帶頂帽嘅。冇啦啦走埋嚟同我個仔扮哂fd咁，俾我個feel好假，事後我仔仔都話唔鐘意個男人掂佢。

總結：俾錢買難受，唔會再幫襯依間嘢。