吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 失眠失望失方向，求解脫

自由講場今日: 140|主題: 1353911

收藏本版

回覆發帖

返回列表

跳至頁

查看: 11738 | 回覆: 120

12 3 4 5...7

積分: 2126

1^#

發表於 25-2-7 07:41 |只看該作者 |正序瀏覽 |打印

對兒子，我感覺到無比壓力和無盡的失望，好想一走了之。

想了一整晚，忍唔住發這個帖。見到而家又天光，又要經歷一日跟他單獨相處（幾日也不肯上學），我很徨恐。

我真係好想離開。我唔知點樣面對相處問題，佢厭學、打機、暴躁，壓榨我生活、喘不過氣來，覺得係精神虐待、覺得再無嘢可以幫到我捱落去

0 0 0

私人傳訊回覆引用

aryemyem

子爵府

積分: 11553

陪月勳章

121^#

發表於 25-2-10 00:27 |只看該作者

本帖最後由 aryemyem 於 25-2-10 00:35 編輯

HappyJo888 發表於 25-2-8 02:40
我好有興趣想知這類小朋友到了18歲會有怎樣的大轉變。
我見前面幾個會員都建議我送仔去寄宿，做嘢，航海學 ...

我覺得如果情緒唔好
天資聰穎又有乜用？
出到嚟社會，態度+情緒決定一切
你唔想浪費佢嘅資質
結果搞到全家雞飛狗跳
自己又患精神病
何必呢？

最怕遲啲叫下佢吃飯
都用刀去殺人
新聞好多

咁嘅情況
送去寄宿係唯一辦法
等大家分開
舒緩情緒

長期情緒受壓
好多怪病

讀書哩家嘢
想讀可以讀到老
到時情緒穩定
又想讀
再補返學歷都未遲

私人傳訊回覆引用

CingLee

大宅

積分: 1335

120^#

發表於 25-2-9 23:28 |只看該作者

回覆樓主:

你個仔睇精神科食緊乜嘢藥

私人傳訊回覆引用

moonmoonbabies

伯爵府

積分: 15162

119^#

發表於 25-2-9 22:48 |只看該作者

my005 發表於 25-2-7 08:40
咁有能力既，同佢去一次超過一個月既旅行，可以去下內地，一齊做下義工，幫助、教導窮困既山區兒童，等佢 ...

agree. 放逐下佢，做mcdonald part time

私人傳訊回覆引用

cat_hellobb

伯爵府

積分: 15596

118^#

發表於 25-2-9 22:43 |只看該作者

本帖最後由 cat_hellobb 於 25-2-10 20:38 編輯

HappyJo888 發表於 25-2-7 07:41
對兒子，我感覺到無比壓力和無盡的失望，好想一走了之。

想了一整晚，忍唔住發這個帖。見到而家又天光，又 ...

同佢倾下，揾適合佢出路！

私人傳訊回覆引用

HappyJo888

大宅

積分: 2126

117^#

發表於 25-2-9 22:35 |只看該作者

fatmousechai 發表於 25-2-9 10:43
https://www.gvm.com.tw/article/80708

首先你自己情緒要好轉先可以支持下去:fort ...

多謝你安慰。
我知道要做好自己的事，做好本份。今日全日也在傷痛中，因為中午講起如何利用一天，聽到兒子兜口兜面泠泠咁同我講 “I don‘t owe you anything"好多好多次。好傷心。即使自己知道要當耳邊風，但難免心碎。

私人傳訊回覆引用

fatmousechai

珍珠宮

積分: 40191

2025勳章 2025勳章蛇年勳章 2024年龍年勳章 2023年兔年勳章虎到金來勳章

116^#

發表於 25-2-9 10:43 |只看該作者

HappyJo888 發表於 25-2-9 01:52
學校其實文件上好寬鬆，你唔太離譜，講個“信”字，病幾日都唔洗醫生紙，病咋嘛，佢地真係唔太care。但係 ...

https://www.gvm.com.tw/article/80708

首先你自己情緒要好轉先可以支持下去

所有嘅事分
1自己可以控制
2人哋決定
3上天決定
我哋只可以做好自己嘅事
其他唔係自己可以控制嘅做好本分就算，否則苦了自己
希望你小朋友有天明白你嘅苦心
加油呀

私人傳訊回覆引用

HappyJo888

大宅

積分: 2126

115^#

發表於 25-2-9 01:52 |只看該作者

本帖最後由 HappyJo888 於 25-2-9 01:59 編輯

bbc2018 發表於 25-2-8 22:19
其實學校是否要求連續請2日假才需要醫生紙？

你如果吾想你個仔休學一年，你惟有配合學校，同你仔仔傾，可 ...

學校其實文件上好寬鬆，你唔太離譜，講個“信”字，病幾日都唔洗醫生紙，病咋嘛，佢地真係唔太care。但係，當你要搞埋d課堂編排的調適，就鬼咁多collaboration，因為涉及唔同department唔同科目。點解呢科唔上點解呢科你又上得到？點解呢d你做唔到，但你第d又做得到？最後得出嚟結論係：好，你的情況和要求我地知道了，要時間同其他老師傾，未知做唔做到，呢段時間你繼續返啦。

我有朋友做老師，佢話正常嚟講，無論任何款式的學校都受EDB訂立對學生sen/情緒支援指引所規限，要跟足的。社工最大，社工話要點做點做，全部老師都要聽話。所以佢話我個社工廢，唔返就唔好返係OK，但佢應該係做橋樑同學校溝通，建議學校接受我的要求。

如果一早肯俾返一放一，好捱好多。trigger point係學校，但逼住日日返點會唔癡線。休學非我仔所願之餘，我點可能做到佢要求話呢間唔讀喇，搵間更好的收佢讀快一年。講到尾就係A腦問題，唔明世界點運作；佢明咗唔得，就怪你係原罪（即係我！如果你當年唔點點點，就點點點點）。我睇過好多書，講亞氏人真係好鐘意千錯萬錯，如果佢在意的，永遠係人地錯。

我話過我咁多年來都覺佢好乖好好相處，因為佢未在意嗰d嘢。但而家佢非常在意將來讀乜、考到d乜，我就連個影、把聲、呼吸都會中槍，莫講真人躺著也中槍喇。

我仔都有好多功課唔交，好多堂唔上，但學校同你講最好返學，返學就得。我其實明白學校就係怕唔返學，學生更難有正常生活。我冇怪學校的，但我會有壓力。

多謝你分享你朋友仔仔的例子，令我感到無咁孤單。你朋友仔仔sen但讀到需要“背到、講到、寫到、仲要代入拗到”咁多咁多要求的Law double degree真係好叻好鼓舞。

我仔語文好，數理也好，寫文都得，但背嘢應該唔係佢強項（我唔知佢食藥後會唔會好d），死都拗得返生！曾經我有勸過佢不如簡單的讀個Law算喇，佢答我no no no。我諗遲d佢有最新狀態，最新睇法，或者報大學時會出乎我地意料。

佢呢個年紀都好受朋友對將來讀乜科所影響，亦不自覺（難免）同姐姐比較，影響佢對讀書的期望。

非常多謝你的分享。我決定試試同學校傾返一日休一日，養好情緒再加，捱到幾耐得幾耐。

私人傳訊回覆引用

HappyJo888

大宅

積分: 2126

114^#

發表於 25-2-9 01:01 |只看該作者

Charlotte_mom 發表於 25-2-8 22:18
唔想行DSE呢條路，試吓同佢傾傾轉賽道嘅可能性
例如呢啲，可以嗎？我見佢Sen課程要滿18歲，試吓問吓機構有 ...

多謝長老，我會去問問有無d 課程係適合年紀18歲以下的。不過我仔對電腦無興趣，甚至叫做非常抗拒級別。我看看有無其他課程。

AI係好普及，不過我仔覺得AI只係工具而佢又細，世界都非常細，未見佢有甚麼想去學咁。我會搵個機會再去了解佢有無其他“心願”想嘗試。佢一返到hk而家成舊“激烈的海膽” 咁難捉摸，頭痛死人。

私人傳訊回覆引用

701003

水晶宮

積分: 62695

畀面勳章

113^#

發表於 25-2-8 22:56 |只看該作者

HappyJo888 發表於 25-2-8 22:26
年輕時，我學過紫微學過吓八字，塔羅好深就無掂過。我確係喜歡呢類學問的。而家你講的“人類圖”，我第一 ...

sen係特殊人種，比普通人更容易共情，零舍易知道事物的根本問題。智商可以好高，中小學學業相對容易應付，去到大學要自主學習，情商社交要求相對提高，所以發病

鼻敏感、濕疹、心臟病、糖尿病....都係要終生與病共存，情緒病亦然！最緊要接納自己，我記得我問過輔導人員，焦慮症引發的軀體症狀本身會令人死亡嗎？答案係唔會

咁得啦，我可以唔使擔心焦慮突襲時的不安，接受所有軀體症狀，用學過嘅方法調整心態去緩解不適。先解決自己問題，才可以幫助家人

青春期賀爾蒙波動都係不可控的，十幾歲人仔駕馭唔到，好正常！學校係俾普通人讀嘅，教授方式亦係專為培養貢獻社會的人而設，唔適合就離開，休學停學又如何！之前ek有位爸爸，毅然為sen兒子退學，好幾年之後，個仔突然要求回歸校園，最後順利入大學，成為專業人士！人生苦短，經歷卻無價，唔好同學校糾纏，俾時間俾空間年輕人去沉淀，整理好思緒再講

私人傳訊回覆引用

HappyJo888

大宅

積分: 2126

112^#

發表於 25-2-8 22:26 |只看該作者

701003 發表於 25-2-8 21:03
姐妹，莫心急你係一個好媽媽，好想幫個仔脫離苦海，但你只係血肉之軀人一個，唔係神，冇廣大神 ...

年輕時，我學過紫微學過吓八字，塔羅好深就無掂過。我確係喜歡呢類學問的。而家你講的“人類圖”，我第一次聽，很吸引啊。多謝你講我知，我起碼消磨到一兩星期閱讀有關資料，活化自己個腦。

聽到你話當年身體差而不自知，我都有擔心自己和伴侶。我無50歲但會擔心而家未來呢幾年咁“磨”落去，真的會50後爆到病懸一線，我會覺得老公會好慘。

你細女的情況，我聽過好幾位朋友講過佢地親朋都出現呢種讀到大學才突然情緒問題嚴重得停學停工甚至自殘自毀。最後佢地輕輕講過最多共通點就係家族中有精神病/sen紀錄，基因真係好“頑強”，可以隔代全掃都有。聽到我目定口呆！亦因為聽得多，所以我仔唔對路就即刻求醫，但諗真d，以前好多小事未必察覺到而已，唔代表佢心中健康無礙。

我仔啱啱再診斷有輕微ADHD，所以就會推敲到點解公開試會有壓力。如果佢一直用自己方式去讀克服到自己dd的唔專心（即係好有意志），但到一個臨介點唔識relax就triggered，覺得一直的方法唔work就崩潰（A會只諗1條路,難適應去試改變）。

多謝你講：與病共存。我可能未接受到呢個係病，我分唔清佢幾多成病幾多成青春反叛。我會試試接受呢個病。

私人傳訊回覆引用

bbc2018

珍珠宮

積分: 38553

111^#

發表於 25-2-8 22:19 |只看該作者

本帖最後由 bbc2018 於 25-2-8 22:58 編輯

HappyJo888 發表於 25-2-7 07:41
對兒子，我感覺到無比壓力和無盡的失望，好想一走了之。

想了一整晚，忍唔住發這個帖。見到而家又天光，又 ...

其實學校是否要求連續請2日假才需要醫生紙？

你如果吾想你個仔休學一年，你惟有配合學校，同你仔仔傾，可以返一日，放一日，不過要自己自修課程。其實你仔仔可能由中三升上升四還末適應。你只好表示理解，大家商量一個可行的方法。其實依家返學好多學校假期，好快過。

當然期間要心理輔導，亦要幫手搵網上教學，或補習社網教，佢自己可以安排時間上

其實你仔仔對自己有要求，搵到適合佢嘅方式，搵到自信，就會有機正常

呢段時間最critical, 保住大家情緒。不要想太多。容許佢成績起跌，吾好修太多科，（我有一位好朋友仔仔類似你仔情況，傳統男名校，本來中一至三級頭幾名，亦是SEN, 去到中四，中五父母最頭痛，仔仔適應差，字體差令到失分多，成績drop, 鼓勵佢drop 科，最後入咗U讀law double degree，末到最後，佢哋都吾知個仔會讀呢科。佢仔無透露。佢哋由佢自己決定讀書，升學。佢仔一向有補習，亦俾佢自己決定，返學PE, 吾上，吾考亦順佢，中六功課吾交，吾要分，亦順佢。可以有時間同精力應付公開試。）大學已讀2年，適應好好…….
當然每個case不同，易根據你仔仔情況，學校情況，諗下可行方式

（其實你好似提過佢中四之前只是無返幾堂，考試太多字寫，字體太草俾老師扣分，但成績仍然好）

私人傳訊回覆引用

Charlotte_mom

王國長老

積分: 225125

畀面勳章好媽媽勳章醒目開學勳章 2011精緻種植勳章環保接龍勳章大廚勳章王國長老 BK猜猜猜慶中秋 BK Milk勳章

110^#

發表於 25-2-8 22:18 |只看該作者

回覆樓主：

本帖最後由 Charlotte_mom 於 25-2-8 22:20 編輯

唔想行DSE呢條路，試吓同佢傾傾轉賽道嘅可能性
例如呢啲，可以嗎？我見佢Sen課程要滿18歲，試吓問吓機構有冇適合15歲嘅？

https://www.facebook.com/share/p/1F1ZMgwkgx/?mibextid=wwXIfr

attach1_sign/tmp/php2eymJi

私人傳訊回覆引用

HappyJo888

大宅

積分: 2126

109^#

發表於 25-2-8 22:01 |只看該作者

本帖最後由 HappyJo888 於 25-2-8 22:29 編輯

omother 發表於 25-2-8 13:21
SEN+情緒問題嘅子女，一定係好難攪，明白媽媽嘅痛苦及煩惱。

唔需要覺得自己之前做錯咗什麼決定，影響咗個 ...

我會認，我同老公對佢學習有期望但已調整到低無可低，因為呢刻佢底厚點都唔會講得上係差。但心痛的。

你說只要係讀書材料，早d遲d讀都可以，我和老公都接受到，只係個仔接受唔到。讀書唔係唯一出路，我和老公更加一早意識到呢個仔唔算好安份，佢一向好自我感覺良好自己的進步，少少都好開心，我無諗過公開試開始就嚟（就嚟咋）埋身，佢會變得計較變得不容自己有唔完美，甚至而家癲埋。所以我地好傷心。

多謝您的耐心，睇咗我呢個帖咁多字，多謝你安慰我仲俾肯定我

私人傳訊回覆引用

fatping

伯爵府

積分: 17052

108^#

發表於 25-2-8 21:52 |只看該作者

HappyJo888 發表於 25-2-8 21:45
我一睇到“要同一個number房號” 我就開心笑咗。我都覺得作爲“街外人”呢類人好難理解但唔抗拒 ...

分開的確我提出，但係我都唔捨得，因為佢對我其實真係幾好，只係佢發作嘅時候會令到我好辛苦好難堪，靜落嚟嘅時候我就會覺得我已經離過婚其實我好想搵個對嘅人同我相處下半生，唔通我餘生真係要同呢個男人過，我心裏面永遠都有魔鬼同天使，無奈我踏出咗，離開之後我先感覺我呼吸暢順有自由舒服嘅感覺，好對佢唔住唔能夠一直走落去，我知佢都唔想佢都控制唔到自己，我事實冇偉大到咁樣，但我衷心祝福佢將來搵到接納佢既同類人愉快相處下去

私人傳訊回覆引用

Sebastian@

男爵府

積分: 7974

107^#

發表於 25-2-8 21:46 |只看該作者

回覆樓主:

除非你跟埋過去或你好有錢，否則不建議佢自己去外國讀書

其實上到高中，外國的學校都係要考公開試要追求分數，壓力一啲都唔細，愉快學習，都只係小學和初中階段

排政府精神科吧，你個仔情況要心理輔導、行為治療和精神科醫生的幫助，寫轉介信，趁呢一兩年去處理問題，15歲仲細，有希望的，媽媽要勇敢啲，不要放棄

私人傳訊回覆引用

HappyJo888

大宅

積分: 2126

106^#

發表於 25-2-8 21:45 |只看該作者

fatping 發表於 25-2-8 10:26
我前男友其實11歲已經去咗加拿大讀書，仲要係喺軍校，係要嚴守紀律，但係外國人嘅包容性係大啲，佢啲同學 ...

我一睇到“要同一個number房號” 我就開心笑咗

。我都覺得作爲“街外人”呢類人好難理解但唔抗拒，因為點睇都係d無關生死的重要嘢。但作為“自己人”就真係一d都唔好笑，長期的話仲好難呼吸添！

你的情況分開佢係正常。我曾經喊住同醫生講，我如果同個仔關係唔係母子，係男友係老公，我可以分手可以離婚。而家我要對佢照顧起碼仲有10年，我點算我點面對點容忍

。我的確過咗最最最傷心，即係佢病發的一刻，但之後的係磨人的痛。感覺係兩邊滿腳水卜、雞眼、香港腳、兼夾腳底筋膜炎，話你聽：嗱，你人生下半場，少則10年，耐則一世，就要咁樣繼續行路。人每日的活動和心思都俾呢d頑痛困你限制你，心唔再自由。

私人傳訊回覆引用

秋思

男爵府

積分: 9150

105^#

發表於 25-2-8 21:41 |只看該作者

HappyJo888 發表於 25-2-8 02:40
我好有興趣想知這類小朋友到了18歲會有怎樣的大轉變。
我見前面幾個會員都建議我送仔去寄宿，做嘢，航海學 ...

能力可唔可以自己報考dse或者外國入大學資格公開試
如果有成績可以早幾年入u
如果失敗佢咪知道自己要返學行一般人的路

私人傳訊回覆引用

HappyJo888

大宅

積分: 2126

104^#

發表於 25-2-8 21:30 |只看該作者

mizuho 發表於 25-2-8 07:56
剛睇第一頁就覺得可能喺資優小朋友，所以想看看是否佢覺得無聊所以唔想浪費時間
資優嘅小朋友唔適合一般體 ...

我記得你在我另一個帖都有講類似的建議，多謝您，你想法和建議傾向最接近我的處境和難處。
我曾經講過，學校圈子細，好易知邊個。我而家情況比起你所提議的選擇更少，唉！努力捱到學期尾先轉到，都唔知點捱落去。好多人以為轉校一收就轉，實際上唔係，一日未到學期尾都唔係收實你，當中出席率，考測都要update，要達到conditional offer。我已經豁咗出去，前頭有bk會員講，關係係一世，我揀咗關係，我唔理最後轉唔轉得成功了。但壓力就來了：唔返學的一天係點過呢？而家打機逃避定悶都係唔健康的又點處理？AA地+情緒問題點會講兩講就妥協，甚麼約法三章？處理呢隻仔的問題，我真係好怕做錯決定，怕會為老公，為家人帶來更多情緒困擾。

俾個最簡單我面對未來的例子：我仔對好多學制都好了解，佢好清楚佢啱d乜，但佢偏偏唔明/唔想去明：
----aim high絕對唔止求分數，係講成package。package多少，唔少得學校部份。無學校提供eca俾低年級，又點會有出色課外活動學會職位俾你show到你有leadership有創意有vision？Tier 1已喺手但你唔合作返學點得，Tier 1轉Tier 1，你都要繼續返學/俾面讀吓啦先“轉會”成功㗎！---

我地講到口乾，喊到眼盲，激到頭爆，佢推佢鬧都唔還手唔還口，繼續勸繼續醫，我唔知可以捱到幾時

。因為我知佢唔變的話，去到第2間一樣結果。