吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 考慮離婚，請俾意見(最新在#49，歡迎男女網友指教) ...

夫婦情感今日: 0|主題: 42711

收藏本版

回覆發帖

返回列表

跳至頁

查看: 23681 | 回覆: 70

考慮離婚，請俾意見(最新在#49，歡迎男女網友指教) [複製鏈接]

12 3 4

女皇駕到

子爵府

積分: 10183

1^#

發表於 25-2-25 01:11 |只看該作者 |正序瀏覽 |打印

本帖最後由女皇駕到於 25-3-7 13:53 編輯

我都考慮緊離婚，同老公感情冷淡左好多，呢10年雖然有性生活，但佢無再攬我錫我，連拖手都係我次次主動拖佢。尤其是近呢年除左食飯果更一齊睇電視，同埋會傾個仔D野，同新屋裝修之外就已經差不多0交流。每日食完飯佢就係入房上網，我就響廳，因為佢唔鐘意我果段時間入去。

近呢個月仲分房瞓，因為佢話同我一齊佢瞓得唔好，佢多假期好多時一星期有三四日會返大陸間屋住，而我因為有時星期六要返工，或者照顧個仔，所以就要留響香港。

我唔想再咁過落去，同佢講佢只係覺得我無病呻吟，小題大做。唯一擔心係我地無屋，如果離婚既話我媽同仔（剛成年）要跟我住，我搵得3萬幾蚊，加上無積蓄怕唔夠駛。

0 0 0

私人傳訊回覆引用

女皇駕到

子爵府

積分: 10183

71^#

發表於 25-3-31 10:35 |只看該作者

本帖最後由女皇駕到於 25-3-31 10:39 編輯

多謝大家俾我既意見，我繼續努力，希望可以渡過呢次危機。

私人傳訊回覆引用

chiandjoyce

珍珠宮

積分: 36341

畀面勳章 BK Milk勳章

70^#

發表於 25-3-30 00:36 |只看該作者

女皇駕到發表於 25-2-25 01:11
我都考慮緊離婚，同老公感情冷淡左好多，呢10年雖然有性生活，但佢無再攬我錫我，連拖手都係我次次主動拖佢 ...

如果冇第三者覺得可以修補關係，始終20年婚姻，一定淡，珍惜彼此

http://lilypie.com/Fifth_Birthday_code.php
驕傲(Pride).貪婪(Greed).迷色(Lust).忿怒(Wrath).嫉妒(Envy).貪食(Gluttony).、及懶惰(Sloth).

私人傳訊回覆引用

cl9725

大宅

積分: 4098

69^#

發表於 25-3-16 15:56 |只看該作者

如果基本生活條件唔想變。可以和他傾當普通同屋主關係。各自社交對方不能干涉。做到就可以。但事實係唔得。如你覺得唔想委屈自己就要計劃下離婚。凡事總有取舍。

私人傳訊回覆引用

lky3107

伯爵府

積分: 19921

68^#

發表於 25-3-14 20:07 |只看該作者

回覆樓主:

祝樓主早日解決問題
無論如何
人生都係自己一個人面對
高山低谷
都是自己去行
不期望就不失望
加油
對自己好
愛自己多些

私人傳訊回覆引用

女皇駕到

子爵府

積分: 10183

67^#

發表於 25-3-13 16:44 |只看該作者

ziv2000 發表於 25-3-13 12:17
回覆女皇駕到的帖子

試下搵下大家感興趣的事情，以此作起點重新出發，例如北上去camping，你星期六番工 ...

其實我都想，可惜......

私人傳訊回覆引用

女皇駕到

子爵府

積分: 10183

66^#

發表於 25-3-13 16:42 |只看該作者

crystal媽咪發表於 25-3-13 13:41
我諗佢又睇到或者感受到你嘅改變，所以佢都改變咗少少
祝福你們

其實都唔係，呢個星期都係無交流溝通，我可能要學習放下。

私人傳訊回覆引用

crystal媽咪

寶石宮

積分: 339428

2025勳章 2025勳章蛇年勳章 2024年龍年勳章 2023年兔年勳章虎到金來勳章 2021可愛聖誕B勳章牛年勳章 2018復活節勳章 2018母親節勳章 2018父親節勳章畀面勳章環保接龍勳章 BK Milk勳章

65^#

發表於 25-3-13 13:41 |只看該作者

女皇駕到發表於 25-3-8 21:14
其實我心係1516，始終愛過，生活廿几年，係好唔捨得，但係要我相見如冰，做同屋主，就更難受。呢個循環已 ...

我諗佢又睇到或者感受到你嘅改變，所以佢都改變咗少少
祝福你們

不要從別人的嘴裡去認識我

私人傳訊回覆引用

ziv2000

複式洋房

積分: 105

64^#

發表於 25-3-13 12:17 |只看該作者

回覆女皇駕到的帖子

試下搵下大家感興趣的事情，以此作起點重新出發，例如北上去camping，你星期六番工，就放工去，一家人係camping講講心底話，搵番大家拍拖相識時最原始的自己，亦無妨在小朋友面前示愛，我地東方人太保守，我都學緊在小朋友面前與伴侶示愛（講下甜言密語，錫下面之類）,讓小朋友在充滿愛的環境成長，以及懂得表達愛。番番黎講番兩夫妻之間，就樓主所述情況，無致命傷，只有兩條船分開行得越黎越遠，試試大家一起傾傾搵回大家的初心，做好段婚姻佢；有時候與伴侶飲啲酒，容易傾到深入點的話題。

祝順利

私人傳訊回覆引用

花花b

侯爵府

積分: 21181

63^#

發表於 25-3-8 23:04 |只看該作者

本帖最後由花花b 於 25-3-8 23:04 編輯

女皇駕到發表於 25-3-8 21:14
其實我心係1516，始終愛過，生活廿几年，係好唔捨得，但係要我相見如冰，做同屋主，就更難受。呢個循環已 ...

就係曾經很愛呢個人，我相信每個人既婚姻都會有高低起伏，只要唔係d咩大事去到不可原諒的地步，而仲有感情的話，我比較建議不如放下自己既情緒先，讓自己平靜一下，再和對方好好的溝通吧。
夫婦之間最忌就係冷戰，吵架並不可怕，把心中的想法說出來大家都能理解，如果愛還在，0.5+0.5就係你地全新的相處方式。
由其現在個仔又大左，基本上已經唔會因為育兒既問題而爭執，過去的事不如由得佢過去。

我平時就算好眼訓，都會陪下我老公去食個早餐，佢再返工。又或者佢收工一齊去食個tea，關係是要靠大家維繫。紀律部隊作息時間不定時，所以佢地工作精神上也辛苦呢。

私人傳訊回覆引用

capricornbb

水晶宮

積分: 62621

母親節2025勳章 2024年龍年勳章 2018母親節勳章

62^#

發表於 25-3-8 22:23 |只看該作者

女皇駕到發表於 25-3-8 21:14
其實我心係1516，始終愛過，生活廿几年，係好唔捨得，但係要我相見如冰，做同屋主，就更難受。呢個循環已 ...

「今日好奇怪，早幾日佢係直情唔出現，長期響仔房連去洗手間都係去客廁。但佢今日響屋入面走黎走去幾次，去洗手間都係入主廁，我暫時唔過份解讀佢既行為，有咩都係要溝通先解決到。」

如果你想俾機會佢，咪繼續觀察佢有無主動改善，要佢長期改善唔係一時三刻

記住你有5年時間比機會自己觀察＆為自己打算，到時關係好轉當然好，沒有好轉，也有些準備嘛！

私人傳訊回覆引用

女皇駕到

子爵府

積分: 10183

61^#

發表於 25-3-8 21:14 |只看該作者

花花b 發表於 25-3-8 20:09
我看到的是冰封三尺非一日之寒。
如果未來日子還是想有大家參與大家的未來，應該要好好修補。想想初衷結 ...

其實我心係1516，始終愛過，生活廿几年，係好唔捨得，但係要我相見如冰，做同屋主，就更難受。呢個循環已經有好幾次，有時係佢大節日掉低屋企去食飯，有時係佢自己同朋友去旅行，雖然每次都好返，但之後果次關係就更加惡劣。如果唔解決既話總會有一次會惡言相向，亦都遲早分開，可以的話我當然係想解決矛盾。

今日好奇怪，早幾日佢係直情唔出現，長期響仔房連去洗手間都係去客廁。但佢今日響屋入面走黎走去幾次，去洗手間都係入主廁，我暫時唔過份解讀佢既行為，有咩都係要溝通先解決到。

其實以前我曾經都係會同佢冷戰，但有一次佢講過話，係唔係想要冷戰至分開？咁我係聽左入耳，但之後果廿年就係佢對我冷戰，佢已經忘記左自己既說話。

私人傳訊回覆引用

kwhkwh

公爵府

積分: 28731

2025勳章 2025勳章蛇年勳章 2024年龍年勳章牛年勳章

60^#

發表於 25-3-8 20:42 |只看該作者

本帖最後由 kwhkwh 於 25-3-8 20:45 編輯

女皇駕到發表於 25-3-8 16:47
咁其實我係咪唔可以有情緒？前一晚臨瞓前佢仲話唔想傾，叫我唔好做任何野，言下之意各自安好。咁係咪佢一 ...

你可以有情緒, 我冇講過你5得！

又係你把口話既「歡迎男女網友指教」, 問一下姐, 5岩聽米算囉，5使立即起哂網有哂態度, 已然冇咩可以討論。

2公婆既然冇野好講, 咁米表面客氣做人, 係米5得? 一定要對方難堪?? 係, 我假設對方曾經/一定令你難堪, 咁你一定要以牙還牙?5 好忘記, 你之前仲口口聲聲問「究竟我要點做先可以改善到關係？」???????

仲有, 我以後不回應閣下！！！總有其他言論係適合你呢位女皇聽!!!!!!

請勿轉載。搬字過紙不是記者的工作，未經同意, 即屬抄襲。

私人傳訊回覆引用

花花b

侯爵府

積分: 21181

59^#

發表於 25-3-8 20:09 |只看該作者

我看到的是冰封三尺非一日之寒。
如果未來日子還是想有大家參與大家的未來，應該要好好修補。想想初衷結婚時的浪漫。

但是如果已經打算獨個兒過，的而且確不需要任何改變。這裡的人的意見只能供你參考，你的過去和你的未來也是你自己創造出來的。只要無悔便可以了。祝福你。

私人傳訊回覆引用

bluefire2106

複式洋房

積分: 265

58^#

發表於 25-3-8 17:06 |只看該作者

因為痛而選擇，如何選擇還是會痛。幸運的是小朋友已長大。祝生活愉快。 😊

私人傳訊回覆引用

女皇駕到

子爵府

積分: 10183

57^#

發表於 25-3-8 16:47 |只看該作者

kwhkwh 發表於 25-3-8 14:02
今早他問我是否要一起吃早餐，我語氣不善的說我要上班，-->你口口聲聲人地「拒絶我既示好」, 好啦到人地示 ...

咁其實我係咪唔可以有情緒？前一晚臨瞓前佢仲話唔想傾，叫我唔好做任何野，言下之意各自安好。咁係咪佢一句說話我就要感謝神佛，飛撲埋去，沾沾自喜？

私人傳訊回覆引用

kwhkwh

公爵府

積分: 28731

2025勳章 2025勳章蛇年勳章 2024年龍年勳章牛年勳章

56^#

發表於 25-3-8 14:02 |只看該作者

今早他問我是否要一起吃早餐，我語氣不善的說我要上班，-->你口口聲聲人地「拒絶我既示好」, 好啦到人地示好, 你又不順, 我其實有點不理解你呢個位想點.

請勿轉載。搬字過紙不是記者的工作，未經同意, 即屬抄襲。

私人傳訊回覆引用

capricornbb

水晶宮

積分: 62621

母親節2025勳章 2024年龍年勳章 2018母親節勳章

55^#

發表於 25-3-8 12:31 |只看該作者

女皇駕到發表於 25-3-8 11:24
尋晚佢返到黎，我有問佢其實貼係為之不改變婚姻，但又維持現狀？他說就是想暫時跟現在一樣。我當時嘗試討好 ...

你做得好好啊！

私人傳訊回覆引用

女皇駕到

子爵府

積分: 10183

54^#

發表於 25-3-8 11:24 |只看該作者

本帖最後由女皇駕到於 25-3-8 11:47 編輯

尋晚佢返到黎，我有問佢其實貼係為之不改變婚姻，但又維持現狀？他說就是想暫時跟現在一樣。我當時嘗試討好他，但他拒絶我既示好，我就話唔再理佢，佢問我咩唔理佢，我又改口話唔再管佢，雖然我心裡是想說不再理他，但習慣了多年跟他一起時是處於低位，所以心裡是有點怕怕的。暫時感覺像是想通了，不應要渴望他重視我，而是我要先重視自己。我不能控制他是否能給我存在他生命中，但我能決定誰能在我的生命中存在，想通了反而能睡上這星期最好的一覺。
今早他問我是否要一起吃早餐，我語氣不善的說我要上班，後來他Whatsapp我說我的語氣不好，像對仇人一樣。我說了我會反省，以後不會了。

事實上在他未Whatsapp我前，我已在反省，因我為我覺得對待他就要像對普通人一樣，不要再費神操心，同樣不要有憎惡的情緒，就讓我慢慢適應一下將來沒有他的日子。至於阿仔，我係好錫既，但係我都覺得佢始終於長大成人，有自己既生活，我唔應該將所有重心於佢身上，所以打算dse後或入大學後講佢知情況，再好好解決件事。

至於我媽媽，她已決定參加政府的廣東計劃，入住深圳前海既老人院，我同佢尋日視頻睇過環境比非常好，香港3-4萬老人院都未必有咁既水準，老人院係2人房，每星期有2次治療訓練，每個月會有醫生檢查身體，亦都包左幾次陪診，每星期有唔同活動時間表，亦都有好多興趣活動及課程可以參加，感覺比在香港受到更好照顧及生活多姿多彩，仲要係完全免費，唯一壞處是我地唔可以日日見。但好在老人院地點都方便，深圳灣過關後打車20分鐘就到，如果我中山過去又係出在深中通道20分鐘左右去到，我亦都開始教佢用微信，等學識第日可隨時搵我。而最擔心既覆診，就可以申請深圳港大既先導計劃響深圳覆診。

今次唔開心唯一好處係我唔開心食唔落野，心情一唔好就去做運動，呢個星期瘦左5磅，希望之後都繼續順利減肥。