32歲何雁詩與鄭俊弘於2022年6月誕下兒子鄭讚廷（Asher），兩人發現Asher比同齡小朋友發展慢，經專家評估後，證實兒子患上罕見病「天使綜合症」。鄭俊弘（Fred）接受《One Night Talk》YouTube頻道專訪，提到兒子最新情況，他透露Asher再有進展：「佢未識行，但佢依家扶住就可以企喺到㗎啦，要keep住食藥去控制腦抽筋呢個情況。」他又講到跟Asher的相處過程中充滿感動，有少少進步已經開香檳慶祝。
Fred更透露早前帶Asher去做治療，期間Asher開口說出第一個字，但並非「爸」字，他開心表示：「佢同治療師玩，個治療師就塞咗啲嘢入去叫佢掹出嚟，Asher你掹出嚟啦，咁佢真係掹到，之後聽到被讚好叻，佢就講咗『叻！』佢係好有信心，唔知點解把聲係低嘅，有咁嘅聲，係好開心聽到有呢隻字，希望佢可以再講多啲。」Fred指囝囝很喜歡鋼琴，可以在鋼琴前專注很久，明顯是喜歡音樂的，因此現在他會每日陪Asher彈琴，培養他的興趣。
發表於 
返回列表
