自由講場今日: 2281|主題: 1365932

收藏本版

發帖

返回列表

跳至頁

查看: 1809 | 回覆: 15

批鬥座|傷殘年輕男坐關愛座遭鄉音大媽辱駡兼逼出示傷殘證 [複製鏈接]

elbar

公爵府

積分: 28215

1^#

發表於 25-4-22 16:26 |只看該作者 |正序瀏覽 |打印

▲ 傷殘年輕男坐關愛座，遭鄉音大媽辱駡兼逼出示傷殘證。

關愛座的設計原意是令有需要人士能優先入座，無關年齡性別，但不知何時起，一些「倚老賣老」的長者將關愛座位當成長者專屬座，只要年輕人士占坐關愛坐就會慘遭「批鬥」。

最近就有網民在社群上傳了一則影片，可見在一架過海的城巴行，有位操著鄉音的大媽不滿年輕男子坐關愛座，當場斥責對方，男子隨即表示自己是傷殘人士，但大媽仍堅持要求男子出示傷殘證。車廂有正義阿伯代報不平反斥大媽，大媽未感羞恥反揚言：「又無拎枴杖，我點知佢係咪跛」。

有網民在Facebook的「香港交通及突發事故報料區」群組上發文，指於4月12日中午時段，一架路綫970的過海城巴正開往西隧道途中，一位操著不純正粵語的女士對年輕男子占坐關愛座位感到不滿，開口斥責對方，男子無奈表示自己是傷殘人士，但大媽並未就此收斂，仍堅持要求男子出示傷殘證。

樓主稱車廂内有熱心阿伯路見不平，反駁大媽：「後生仔都唔敢坐呢啲位」，稱自己亦有行動不便和患有癌症，「我上車無位置時，都是後生仔讓咗畀我」，認爲既然該名年輕男子已經解釋了自己行動不便，就不應該强迫他人出示傷殘證。

大媽怒斥熱心阿伯耳聾

年輕男子出示傷殘證並下車後，大媽仍覺得自己做法沒有任何問題，並否認自己剛才有駡人，還怒斥熱心阿伯：「我無話佢坐呢個位唔啱，你係咪聾㗎？」

但阿伯強調聽到大媽指罵，而且「要（該名年輕男子）畀證你睇」，大媽更反指「我唔知佢跛，又無拎枴杖，我點知佢係咪跛」。

大媽「倚老賣老」行爲惹網民不齒

樓主稱自己一度幫口，但大媽仍我行我素，她形容對方冷血，「心是黑色的」，大媽「倚老賣老」行爲亦惹得一眾網民不齒，紛紛表示「憑咩問人拎証睇？根本唔需要証明」、「點解有權要睇人張証」、「我揸拐杖都試過係關愛座畀人叫我起身」、「騷擾司機揸車，為咗乘客安全，車長應該趕佢落車！」。

有部分網民留言，認爲關愛座增加了社會矛盾，應該取消關。還有網民讚賞正義阿伯能當場發聲，「呢啲正義乘客就抵讚」。

0 0 0

私人傳訊

Anpanmama

珊瑚宮

積分: 101288

馬年勳章 2026勳章父親節2025勳章母親節2025勳章 2025勳章蛇年勳章 2024年龍年勳章好媽媽勳章醒目開學勳章畀面勳章環保接龍勳章大廚勳章 BK Milk勳章

16^#

發表於 25-4-22 22:39 |只看該作者

回覆樓主：

本帖最後由 Anpanmama 於 25-4-22 22:41 編輯

早幾日搭地鐵我坐正常位坐坐下瞓着咗，但一陣間俾啲聲嘈醒咗，前邊嗰段我瞓着咗唔知咩事，醒咗聽到阿婆話兩個媽咪帶住嘅小朋友坐喺凳度唔讓位俾佢，但我望到嗰陣其實阿婆已經坐咗喺單邊位，旁邊冇人，兩個小朋友隔住兩個空位坐喺旁邊，媽媽30歲左右有鄉音，但企咗喺兩個小朋友前邊，跟住個阿婆又話原來係大陸人乜乜乜乜！
我因為唔知之前發生咗咩事，所以冇出聲，但兩個小朋友好明顯係喺香港讀書，阿媽係接放學仲咩住幼稚園被袋，咁即係佢哋都係香港人，點解個阿婆為咗要坐就咁樣人哋！
我極之贊成取消關愛座，啲老人家已經喪心病狂，總之一上車要邊個位就要人哋起身俾佢，正正常常排隊都唔得，總之佢去到就要排隊頭！
關愛既然被濫用，變成民怨就應該取消