有兩個舊同事行為最神憎鬼厭：
同事A：唔做嘢，返工淨係上網睇新聞，然後大大聲同人討論，講私人電話全程其他人都聽到晒內容（其實冇人想知佢約醫生、投訴網購送錯貨囉！）最大鑊係發脾氣講粗口，我地open office，佢周圍同事都係做CS嘅，D客電話都聽到我地office有人講粗口。佢成年冇入過支票紀錄（好彩有send去俾finance），佢老細收到風就嚟要audit時發現，結果全個部門嘅人要幫佢做，8個人做咗一個星期OT，佢當時放病假。。。
同事B：奄尖聲悶，成日投訴其他人，話人講電話太大聲嘈住佢，又話印度同事食嘅飯盒好臭，佢聞到想嘔（但其實我地見唔到果個同事帶佢所謂臭嘅飯盒，多數都係沙律三文治漢堡包之類），B成日霸住個pantry，朝早烘bagel，11點就洗米洗菜用個微波爐飯煲炒菜煮飯，有同事叮飯，如果係海鮮類，佢聞到佢續個同事位去睇下係邊個，之後鬧人自私，叮海鮮咁臭（?!），佢放假就叫人幫佢淋花，唔記得帶門咭就打人個手提電話要人即刻開門俾佢，有人做緊嘢唔得聞理佢就俾佢鬧。有次因為個雪櫃發出異味，搵咗好耐都唔知原因，於是有幾個同事就幫手清雪櫃，掉晒D過期嘢，B當時唔喺office（同事有事先喺雪櫃門貼通告通知幾時會清雪櫃），到佢第二個星期返嚟就發爛渣。。。
花旗太太生活在花旗國，留意時差，你問我未必即時答到。
發表於 
返回列表
